MIKHAH 5:1 - Cho Bible Common Language 2016

¹ Jerusalem chang gui, Nami gakap gui bum vä! Na khaai gui ci gui nei! Ngami naw Israel ng’vai gui cu ng’tuk püi pyi ci gui nei.

MIKHAH 5:1 Referans Kwoze

NG’ÄI KYAH 3:30

Cun ung phi tukthah nak la shedam nak cu mikmi naw avan mi dou vai ah kyak ci nei.

JOB 16:10

Chang gui naw kei cu na m’lep nak ci gui. Chang khli naw kei cu ng’lung na ne ka hmai na k’beeih ci gui nei.

2 KORIN 11:20

Nangmi naw ning täk phan gui ci, ning m’yung m’ya na gui ci, ning hlawt na gui ci, a i ah kä ning sui tu gui ci, nami hmai ning k’beei gui ci, gui cu nami hniimgei ci.

LAMKTU 23:2

Taigü tung Ananias naw a pei ah ng’düi ciah chang gui am, Paul cu am gawng ung k’beeih sak gui ci.

JOHAN 19:3

A pei ah hteit u netah, “Jew ghangpughang ak shou ghing sä” ci ne m’lau u ne, a hmai ung k’beeih ci gui.

JOHAN 18:22

Bawipa Jesuh naw cun ci khätah, ngäng ciah chang tumat naw, “Taigü Tung ah ma ah a i vai shikcha ah nang thu ang” ci ne Bawipa Jesuh cu a hmai ung k’beeih ci.

MATTHE 26:67

Cun kawn ah chang gui naw Bawipa Jesuh cu a hmai ung m’thui u ne, amshah gui naw thäk u sei, amshah gui naw a hmai ung k’beeih u netah,

ISAIAH 33:22

Cun ah htinpaw ung gui gui avan cu akholä ah kyak ci; yih dung gui cu kä ng’phiaat hlawt ci! Mikmi naw ga gui ah khawhcham avan cu mi gut khai, cun gui cu da aih sei, shumng’kem ci gui naw phi gah tuk khai gui Bawipa amät cu mi ghangpughang ah kyak khai; ani naw mikhan ah na uk gui ne, na shungvong gui khai.

THULÄÄN NAK 28:49

Khomdek ak cawi ah ka nang mi ning hnungtuk püi gui khai ah pakhui cu Bawipa naw law püi khai. Cun ah pakhui ah ng’thu cu nangmi naw kä nami hmat khai. Ngami naw hmu kiung ah m’tawn ah mäih ah ning m’tawn gui khai gui.

MATTHE 27:30

Ngami naw Bawipa Jesuh cu ami m’si awn m’thui ci gui. Htung tawn la u ne alupum ung that ci gui.

MATTHE 5:39

Cun ung phi nangmi ning kat na gui ciah chang ah khan ah phu kä nami tuk vai, cine kei naw ka pyein ci. Nak pat lam nang being ami ning k’beeih ung, nak eng lam nang being mä nacun ba vai.

HABAKKUK 3:16

A cun gui ng’ya neta kei cu ka ng’hlet ci; ka kyih su ah ka m’nei phi ng’haam ci, ka pumsa phi ng’yai ci. Ka mät ah kaa ah ka khaw ka m’thuih ci. Gawk lawk khai ah akhin cu kei naw düm ah ka ngäng khai, cun cu na ng’tuk püi gui ci cu Khanpughi naw am kyuk nak gui ah kyak khai.

HABAKKUK 1:6

Kei naw Babilonian chang gui cu ka huham mah sak gui khai. Ngami cu theek ne pheet ci gui, Ngami naw khaw kaan ne a khaw hei phi näng khai gui nei.

AMOS 2:3

Kei naw Moab uktu la cun khaw ung ami ng’vai gui avan ka ngawn gui khai.”

JOEL 3:9

“Shin ah pakhui gui ah ng’lung ah nami shäu vai nei; ‘Ng’tuk vai ah pawng htein vä; nami ng’tuk’bi gui khü gui vä; nami gakap gui avan bum neta hteit vä!

EZEKIEL 24:2

Ani naw pyen ci, “Hnicim Chang, tuhngawi hnüüp cu gu then ä, a i ah kyasei ci ung tuhngawi cu Babilonia Ghangpughang naw Jerusalem ak khaai nak ah hnüüp ci.

JEREMIAH 25:9

‘Kei naw a siiptäng ah chang gui avan la ka changshäm Babilonia ghangpughang Nebukhadnezzar cu ka tüi lawk khai. Judah gui la khaw mah gui cu hnungtuk ne tu u ne, ami pei leng ah khochang pakhui avan hnungtuk khai gui cu kei naw ka law püi khai. Kei naw shin ah pakhui la a pei leng ung ka gui cu ka m’di lawk khai, khonglän ung dii khai ah ka nawng khai, hmuk ciah chang cu cäicat ne ng’hlet khai. Kei, Bawipa naw ka pyen nei.”

JEREMIAH 4:7

Ang thuh nak ah hmun ung ka lut lawk ciah phong kawng ah mäih ah, pakhui gui m’di khai cu lut lawk ci nei. Judah mang gaw gui cu dishum sei nawng vai nei, acun ung a u phi kä om ba khai nei.

ISAIAH 10:6

Kei naw Assiria gui cu, Khanpughi ka om ciah pakhui, kei na m’lungshe sak ciah chang gui tu gui khai ah ka tüi gui ci nei. Kei naw ngami ah ka tüih gui cu guttep ne, m’gu ne, lam ung m’vut ah mäih ah chang gui kai na gui khai ah kyak ci nei.”

ISAIAH 8:9

Nangmi chang pakhui gui, kyi kyawk ne ng’bum law vä! Asho nak ah khaw ung ka gui, ngai vä. Ng’tuk ge vai ah om vä, cun ung phi nami kyih vai nei! Ä, ng’tuk ge vai ah om vä, cun ung phi nami kyih vai nei!

2 GHANGPUGHANG GUI 24:2

Bawipa naw abi law vai ah a changshäm prophet gui ung a pyen ah mäih ah, Babilonian, Sirian, Moabit la Ammonit gakap gui cu Judah m’di khai gui ah tüi gui ci.

1 GHANGPUGHANG GUI 22:24

Cun kawn ah prophet Zedekiah naw Mikaiah ah hteit ne a hmai ung k’beeih neta, “A i yah ung nei Bawipa ah Mümcha naw kei na hteh ta neta nang a ning thu püi?” cik ci.

ATÜNNAK 35:19

Rachela cu si sei, Ephrath ah hteh nak lam pei ung k’phuh ci gui, cun cu tuhbäi Bethlehem ah kyak ci.

ATÜNNAK 49:10

Mang ah hteipawng cu Judah naw kawt khai. A hta ng’shon naw khonglän ung uk khai. Pakhui gui naw khawh pe lawk khai gui. Ani kyih aa ne ama ah kawp khai gui.

THULÄÄN NAK 33:27

Khanpughi cu angtäi sei nangmi ah ng’shung nak ah kyak ci. Ani ah ng’täi ciah a kut gui cu nang ah ng’khäng nak ah kyak ci. Ami van nami m’di gui vai ah ani naw ning m’thein gui ci.

SUKI GUI 17:7

Cun yah ung Judah khaw Bethlehem gawnu ung Levit chang nong tumat om ci.

NG'THU K'THUUK~ 8:23

Kei cu a tün law nak ah ana pyan ah kyak ci; akhtükbäih ung khaw kä a om pha ung.

ISAIAH 9:5

Tu law gui ciah gakap gui ah phahnak gui la si kawp ciah suisak gui avan cu mei awn m’khih vai.

EZEKIEL 21:32

Nangmi cu mei naw ning m’di gui khai. Nami si cu nami mät ah khaw ung ng’huk khai, a u naw phi kä ning shüm ba gui khai.” Bawipa naw a pyen nei.

DANIEL 9:25

Shin cu ngaih na ne hmuhmat vä. Jerusalem cawh ba vai ah thumkhän ah akhin ungka naw Khanpughi naw a ghü ah ang vaihta a law ung khut ciah khokum chih chih vei lüng khai, cun cu kum chukkip-lei goi chih vei khäng khai, cun ung phi cun cu khüikha nak ah khin ah kyak khai.