MIKHAH 4:8 - Cho Bible Common Language 2016

⁸ Nang Jerusalem, Khanpughi naw, htoshäm ah mäih ah a chang gui am htei nak ah uknak khaw ah mang gaw ah na kya ba khai, cun cu nangmi ah ka ah kyak ci.

MIKHAH 4:8 Referans Kwoze

ISAIAH 1:26

A can ka ah mäih ah kei naw uktu gui la ng’cäi ä ci gui cu ka ning pe gui khai. Cun kawn ah Jerusalem cu düng ciah bekhüt ciah mang gaw ah khü vai.”

ZEKHARIAH 9:10

Bawipa naw, “Kei naw Israel ungka ng’tuk nak ah yatha gui la Jerusalem ungka ng’se gui cu, Ka lak khai nei; Ami ng’tuk nak ah li gui phi Ka m’di khai nei. Nami ghangpughang naw chang pakhui gui ah ng’lung ah dimdeeih nak bik khai nei; Ani naw vang tuinu ungka naw vang tuinu, Euphratis tuinu ungka naw, khaw cawi ah khüt khai ah, uk khai nei” cik ci.

THU PHLAAN 22:5

Khaw amünak kä om ba khai. Mei im la hni ng’shü kä hlü ba khai, a i ah kyasei ci ung Bawipa Khanpughi cu ngami ah akdei ah kiak khai, ngami naw ghangpughang ah kya ne ngawi yä uk khai gui.

ZEKHARIAH 9:12

Law ba vä, ami k’täm ah chang gui, Tuhbäi nami ngaih u vai om ci nei; Phyawn nak ah nami hmun ung law ba vä. Tuhbäi kei naw ka ning m’thein gui cu, Nami geinvai nak avan ah khan ah, a goi ah hriham ka ning pe gui khai nei.

OBADIAH 1:21

Jerusalem ung chang m’gäi gui naw, Edom cu tu ne näng ne uk khai gui. Bawipa amät cu Ghangpughang ah kyak khai.”

ATÜNNAK 35:21

Jakob cu k’täi ne hteit neta Eder tänghän akga ah k’pyu co ci.

EPHESIAN 1:21

Bawi Khrit naw cun ah kho ah khankho uk ci gui, huham mah gui, hlüngtai ci gui, la bawi gui cu uk gui ci. Ani ah ming cu tuhbäi la lawk khai ah khin ung huham ah ci gui phung ah küikyang pi ci.

MAKUH 12:1

Cun kawn ah Bawipa Jesuh naw ngami-am m’tumtäng ne am thein gui cu, “Chang tumat naw sapyit lo cu bi ne, geit ne ng’vong ci. Sapyit m’theih m’seh nak vai ah khui phi shawk ne, tängkyäng phi co ci. Cun kawn ah ani cu a sapyit lo khah gui ne bi sak gui netah, a kho hei yung ah hteit ci.

DANIEL 2:44

Cun ah uktu gui ah a khin ung khankho Khanpughi naw kä ng’pyi hlawt ciah uknak khaw cu m’düih khai. A cun cu a u naw kä näng hlawt khai, ani naw ahei uknak khaw gui cu m’di yawp ne, khonglän ung om khai.

2 SAMUEL 5:7

(Cun ung phi David naw Zion mangpang cu tu ne näng sei, “David mang gaw” ah kya lawk ci.)

KHEI NAK 24:19

Israel pakhui naw ngami cu ng’thüng sak gui khai nei. Ak hnu ah pawih ba ci gui cu tuthat gui khai gui nei.”

MATTHE 21:33

“A hei tumtäng nak tumat cu ngai vä, sapyit akda geit ciah khomdek mah tumat om ci. Ani cu lo avan ng’vong ne sapyit neen nak vai khui phi shawk ci, shaam tumat phi co ci. Cun kawn ah a sapyit lo cu chang gui-am ak phlam a ei vai ah m’kai ne khah gui netah, a kho hei ah hteit ci.

DANIEL 7:18

Hlüngtai ciah Khanpughi ah chang gui naw, bawi mang huham cu gah u ne, khonglän ung kut shum khai gui.”

ISAIAH 5:2

Ani naw m’dek lei cu co ne lung gui cu ghäng ci; ani naw sapyit aknipi gui geit ci. Ani naw cun gui ngäng nak vai ah tänghän co ci, Sapyit theih neen nak vai ah khui phi co ci. Ani naw sapyit a up vai cu ging ci, cun ung phi sapyit theih cu thui yawp ci.

ISAIAH 10:32

Tuhngawi ga gui cu Nob gawnu ung om ci gui. A cun ung ngami naw Zion M’htung, Jerusalem mang gaw ung ami kut m’hnüm ne k’thüng ci gui.

SAM 48:3

Cun ah mang gaw ah chaam kyong ah ani awn om ung phyawn nak om ci, cicu Khanpughi naw m’dang ci nei.

SAM 61:3

Nang cu ka ng’yii nak ah na kyak ci, ka gaa gui awn ng’tuk nak ung ka ng’shung nak ah na kyak ci.

MIKHAH 2:12

“Cun ung phi pawih ba ciah Israel chang avan cu ka ning bum sak gui khai. Kei naw nangmi cu ami ng’bu ah law ba ciah htome gui ah mäih ah ka ning bum ba sak gui khai. Nami khaw ci chang akda awn be ba khai.”

NEHEMIAH 3:25

Uzai ah hta Palal naw am cawt co ci, cun cu paang ah akit ung tün ne, akhan mang im tänghän gaw ngäng nak ah khaan ung khüt ci; Parosh ah hta Pedaiah naw am cawt co ci, cun cu m’hnüt nak ah akyang täng tui m’kawt pei la Taigüim ngäng nak ah tänghän ung khut ci. (Cun cu mang gaw ah avang Ophela ah ami pyen ah pei, Taigüim ung bii bik ci gui ah om nak ah kyak ci.)

SAM 24:7

M’kawtnu gui cu m’auh vä, caupui m’kawt gui cu hmawng vä, ghangpughang mang cu lut lawk khai nei.

SOLOMON NG’Ä~ 4:4

Na hnügawn cu tänghän ah mäih ah kyak ci, äh awi gui cu shawiphaw phia khak veing ne bah ah mäih ah kyak ci gui, cun gui cu ng’veing ne ng’mi ci gui.

ZEKHARIAH 9:9

Zei vä, yei vä, Zion Chang gui, Zei ne m’lau vä, Jerusalem Chang gui! Ani cu m’khüt nak la näng nak awn lawk ci nei! Teng vä, nami ghangpughang cu lawk ci nei! Cun ung phi m’lung neim nak awn Ng’sehta ng’cuum ne lawk ci, cun cu Ng’se am ca hta, ng’se a nu ah a hta ah kyak ci.