MIKHAH 4:5 - Cho Bible Common Language 2016

⁵ Pakhui päng naw amät ah khanpughi khawihnah ne läk khai, cun ung phi keimi naw Bawipa kami Khanpughi angtäi sei khawihnah ne kami läk khai.

MIKHAH 4:5 Referans Kwoze

ZEKHARIAH 10:12

Kei naw ka chang gui cu ka khüighaat sak gui khai, Ngami naw na khawihnah ne na läk khai gui.” Cun cu Bawipa ah ng’thu ah kyak ci.

KOLOSE 3:17

Nami bi nüng nami ng’thu nüng cu Bawipa Jesuh ah ming awn nami bi vai, Cun cu ani ah ming awn Pa Khanpughi nami m’hlüngtai ah kia ci.

JOSHUA 24:15

Ani ah bii bi vai cu kä nami ng’yak hlü ah a kyak ung, a u ah bii bi vai cu tuhngawi nami phukpit vai. Mesopotamia ah nami pupa gui ah khawihnah man ah khanpughi gui ang? Tuhbäi nangmi naw nami om nak ah khaw mah gui, Amorit gui ah khanpughi gui ang? Kei la ka kyongchang läi naw Bawipa ah bii kami bik khai nei.”

ISAIAH 2:5

Tuhbäi, Jakob ah hta ng’shon gui. Bawipa naw ana pek gui ah akdei ung mi hteit khai nei.

SAM 48:14

“Shin ah Khanpughi cu ngawi yä mi Khanpughi nei; Ani naw ngawi yä lam na m’shüm gui khai nei.”

KOLOSE 2:6

Khrit Jesuh cu Bawipa nei, cine nami dou ah a kyak ung ani awn kawng ät ne nami ghin vai.

ISAIAH 26:8

Nang ah ng’yak hlü cu kami läk ci nei, nang ung ngaih u nak kami tak ci nei; keimi ah ng’yak hlü avan cu nang ah kyak ci nei.

2 GHANGPUGHANG GUI 17:34

Ngami naw cau ami thungyo cu tuhngawi güt law püi ci gui. Ngami naw Bawipa cu kä khawihnah ci gui, Jakob, Israel ah angming a sui ah htangshon am a pek ah thukhän gui la thumkhän gui phi kä läk ci gui.

2 GHANGPUGHANG GUI 17:29

Cun ung phi Samaria ung om tuk ci gui naw ami mät ah a gup gui pyang u ne, Israel gui naw ami cawh ah cagat gui ung tha ci gui. Ami mät ah ang bum phäh phäh naw ami om nak tu ah mang gaw ung a gup pyang bäng bäng ci gui:

ATÜNNAK 17:1

Abram a khawkum 99 a law sang ung Bawipa cu Abram ah ma ah dang law neta, “Kei cu Hlüngtai ciah Khanpughi ah ka kyak ci, ka ng’thu ngai ne angtäi sei düng cicu na bi vai.

SAM 71:16

Bawipa, Khanpughi, na thamah nak ung ka hteit khai; na mät ah ni nak bäng cu ka ng’shäu khai.

LAMKTU 14:16

Cau pui kho läi Khanpughi naw chang gui cu ami mät ah ng’yaak hlü ah om ih sak gui ci.

ISAIAH 26:13

Bawipa, kami khanpughi, keimi cu chang a hei gui naw na uk gui ci nei, cun ung phi nang bang cu kami Bawipa ah na kya ci nei.

THULÄÄN NAK 27:10

Cun ah kyasei ani ngai u ne, tuhngawi kei naw ka ning pek gui ah thukhän avan nami k’pan vai.

SAM 20:6

A ghü ah ghangpughang am Bawipa naw näng nak a pek cu tuhbäi kei naw ka hmat ci nei; Ak khankho theing ah om ne, ani cu m’shang ne, a huham awn näng nak küi cu pek ci nei.

JEREMIAH 32:40

Kei naw ng’täi ciah thukhän cu ngami awn ka bik khai. Ngami ah phäha ah akni ka bi cu kä ka ng’düm phung khai, ami m’lung kyong avan awn ami na kyih aa vai ah kei naw ka bik khai, cun ung ngami naw kei käna ng’hlah tak khai gui.