MIKHAH 4:4 - Cho Bible Common Language 2016

⁴ Chang nü cu amät ah khaw, amät ah lo awn dimdeeih sei om khai, a u naw kä kyihkyawk sak gui khai. M’gäi ciah Bawipa naw shin ah shaitak ci nei.

MIKHAH 4:4 Referans Kwoze

ZEKHARIAH 3:10

Cun ah hnüüp a gawk law ung, nami im ng’phei gui nami khü vai, law u ne, yeikyai ding gei ngaih gep u sei, nami sapyit shun la thei ghing gui naw ning koi gui khai.”

1 GHANGPUGHANG GUI 4:25

Ani a ghin ah chuih Judah la Israel gui cu phyawn m’htein ne om ci gui, ami kyong khui päng cu amät ah sapyit lo, thei ghing gui phäh phäh awn om ci gui.

EZEKIEL 39:26

Ngami cu a u naw kä m’kyihkyawk gui sei ami khaw ung phyawng gai ne ami om law ba ah a kyak ung, kei kä ami na bekhüt nak ah phäh ah ami thui ng’aa cu ngami naw m’hnih hning khai gui nei.

ISAIAH 1:20

Cun ung phi kei nami na lan ah akyak ung, nami khawmü sei nami sik khai. Kei, Bawipa naw ka pyen nei.”

ISAIAH 54:14

Taga nak la düng nak naw nang cu ning khüi ghaat sak khai. Shedam nak la kyihkyawk nak ung nang cu na phyawng khai.

EZEKIEL 34:28

Ahei changpakhui gui naw kä gut tep ba gui khai gui, khisa gui naw kä lo, kä ei ba gui khai. Ngami cu geingbawi sei om khai gui, a u naw kä kyihkyawk sak gui khai.

ISAIAH 58:14

Kei ah bi nami bi nak ung ka gawk lawk ciah yeikyai nak cu nami hmuk khai. Khaw avan ung chang ah m’tam khah vai ah ka ning pyang gui khai. Kei naw nami a Jakob am ka pek ah khaw ung nangmi cu nami yeikyai khai. Kei, Bawipa naw ka pyen nei.”

ISAIAH 40:5

Bawipa ah bäimang nak cu m’than lawk khai, hnicim chang avan naw hmuk khai. Shin cu Bawipa amät ah shaitak ah kyak ci nei.”

EZEKIEL 38:11

Nang naw am gein kaa ah om ciah khopäng cu tuk vai ah na k’bäi khai, acun ung chang gui cu ding gei ne ngaih gep sei, shungvong nak kä om ciah gawpaang ung om ci gui.

EZEKIEL 34:25

Kei naw ngami awn thukhän ka bik khai, acun naw ami ngaih gep nak vai ah ng’kham pe gui khai. Kei naw kyihkyawk vai kyak ciah khisa gui avan khaw ungka ka k’täm gui khai, cun ung kei ah ka htome gui cu phyawng m’htein ne lolai ung lum u ne, bung hmu ah ip khai gui.

ISAIAH 26:16

Nang naw na chang gui cu na m’kyuk ci nei, BAWIPA, ngami cu cümbawng ne, nang ah taigü ci gui nei.

TAIGÜTHUM 26:6

“Nami khaw ung kei naw dimdeeih nak ka ning pe gui khai, nangmi cu a i phi kä kyihkyawk ne nami ip khai. Cun ah khaw ung khisa ah ga ung ka ning phyawn gui khai, cun ah khaw ung ng’tuk nak kä om ba khai.

JOB 11:19

Nang naw nag a gui cu kä na kiih ba khai; Chang akda naw na m’htei tu vai ah ning k’thäh lawk khai.

SAM 72:3

Kho lei avan cu khawh mah sä; ng’düng nak awn pui m’ca sä.

ISAIAH 17:2

Siria mang gaw gui cu kho ng’län ung khokän ah kyak khai gui. Cun gui cu htome gui la seipat gui ah khu ei hmun ah kyak khai gui, cun gui cu a u naw kä k’täm gui hlawt khai.

ISAIAH 22:25

Cun ah a kyak law ung, htek ciah sing hmui cu längbang law ne kiuk khai. Cun cu a cun ung bah gui nü ah ang pyi nak ah kyak khai.” Ci ne Bawipa naw pyen ci.

ISAIAH 36:16

Hezekiah cu känami ngaih en vai nei! Assirian ghangpughang naw ning thumkhän gui ci, mang gaw k’pung ah lut law ne nami ng’paa vai nei. Nami mät ah sapyit ung ka ak thih nami ei khai, nami mät ah thei ghing ung ka thei ei u ne, nami mät ah tui shawk ung ka tui nami awk khai —

JEREMIAH 30:10

“Ka Chang gui aw, kä nami kyih vai nei; Israel chang gui aw, Kä nami cäi cat vai nei. Kei naw nangmi cu cun ah shounu ciah khaw, thawng kyum ciah nami kyak nak ah khaw ungka ka ning gung gui khai. Nangmi cu nami im ah law ba ne ding gei sei nami om khai, Nangmi cu khan sei nami om khai, a u naw kä ning m’kyihkyawk gui khai.

1 GHANGPUGHANG GUI 5:5

Bawipa naw, kapa David am shaitak nak pek ci, nang ah kawn ah kei naw ghangpughang ah ka hmoh vai ah na hta naw, kei ah phäh ah Taigüim cu co khai.’ Bawipa ka Khanpughi khawihnah nak vai ah Taigüim cawh vai ah kei naw ka k’bäi pyi ci.

NG'THU K'THUUK~ 3:25

Nangmi naw cun ah mäih leigai cu kä nami kyihkyawk vai. Cun cu pui khaw khi ah mäih ah lawk ciah akshe kha ah kyak ci.

ISAIAH 32:17

A i ah kyasei ci ung akehang sing naw düng nak cu bik khai, dimdeeih nak la ngaih gep nak cu angtäi sei om khai.

JEREMIAH 23:4

Nangmi ning m’htei gui khai ah uktu gui cu kei naw ka m’düih gui khai. Kei ah ka chang gui cu kä kyihkyawk ba khai gui, kä cäicat ba khai gui, kei naw kä ka m’kyuk ba gui khai. Kei, Bawipa naw ka pyen ci.”

MIKHAH 5:3

A nau poi m’neh ciah hnumi kä a hta pha ah chuih, Bawipa naw a chang gui cu ga ah kut ung nawng gui khai. Cun kawn ah omktu ah kyak ci gui ah khochang gui cu ami mät ah pakhui ah ng’bum ba khai gui.

ZEPHANIAH 3:13

Pawih ba ciah Israel chang gui cu, chang ah khan ah kä cheishoh khai gui, ami hleei kä pyen khai gui, kä thuvi khai gui, ngami cu bämang m’lung üp khai gui, a u phi kä kyih khai gui.”