MIKHAH 4:11 - Cho Bible Common Language 2016

¹¹ Chang pakhui akda naw ng’lung na ne ning tu gui khai. Ngami naw, “Jerusalem cu m’di vai nei! Shin ah mang gaw ah di cu mi hmuk khai nei!” cik khai gui.

MIKHAH 4:11 Referans Kwoze

OBADIAH 1:12

Judah khaw ah na mätyah gui ah ng’yoyaw nak cu kä na teng hlü vai. Ngami ah di nak ah hnüüp ung nang cu kä na yeikyai vai. Ngami ah cümbawng ah phäh ah kä na gaih vai.

MIKHAH 7:10

Mi ga gui naw hmu neta kä yei khai gui. “Nami Bawipa Khanpughi cu a hawi ang?” cine na ng’shi gui ciah mi ga gui naw, a cun gui cu hmu u neta, lü ng’aa khai gui. Ngami cu lam ung ng’nai ah mäih ah kai na gui ne dep gui u sei mi hmu gui khai nei.

JEREMIAH 52:4

Cun ah kyasei Nebukhadnezzar naw nga gui avan awn law ne, Zedekiah ah uk nak a kum kaw nak, acha gha nak ah a hnüüp gha nak ung Jerusalem cu law ne tuk ci. Ngami cu mang gaw k’pung ah phung tu u ne, a caun ah ng’veing ah m’dek k’paang co ci gui,

SAM 129:5

Zion mang gaw thüi nak ciah chang phung cu, tuh ne k’täm gui u sä.

ISAIAH 10:7

Cun ung phi Assirian ghangpughang ung ak ghat ah bi vai ah am lung kyong ung a pawng püi om tu hnga ci. Ani naw chang pakhui akda m’di vai ah k’bäi pyi ci.

ISAIAH 17:12

Huham ah ciah pakhui gui cu tuinu ah gaai ah miah ah, puikho ah ng’güüt ah mäih ah m’gäi m’cik ci gui.

ISAIAH 29:7

Khanpughi ah sonkiang mang gaw tu ne khäm ciah pakhui gui ah gakap gui avan, ami limei gui avan awi kah ang nü-cu ng’mang ah mäih ah maih khai, mü ah a i baw ngaih-tüh ah mäih ah kyak khai.

EZEKIEL 26:3

Cun kawn ah shin cu kei, uktu Bawipa naw ka pyen nei: Tire mang gaw, kei cu na na ga nei, kei naw nang ning tuk khai ah changpakhui akda ka law püi khai, ngami cu tuinu ah ng’hnawk ah mäih ah lawk khai gui.

SAM 83:5

M’lung ngaih täng sei ng’ge u ne, ning hnu ng’tuk püi khai ah ng’cut ne pawng ci gui cu:

EZEKIEL 38:17

Kei naw cau ka pyen ah chang tumat cu nang ah kyak ci, cun yah ung kei naw ka changshäm, Israel prophet gui ungka naw ka ng’shäu cu, cun ah hnüüp a gawk law ung, Israel tuk khai ah chang tumat cu kei naw ka law püi khai” ciah kyak ci. Uktu Bawipa naw a pyen nei.

ZEKHARIAH 12:3

Cun ah khin a gawk law ung Jerusalem cu, lung k’song ah ka pyang khai — acun ah lung sawchang ciah chang phung cu geih geep khai. Khomdek khan ung pakhui avan cu ani tuk vai ah ng’chum lawk khai gui.