MIKHAH 3:8 - Cho Bible Common Language 2016

⁸ Cun ung phi kei cu Bawipa naw a mümcha la ahuham awn nakbe ne, taga nak ah mawng la Israel gui ah katnak m’thein nak gui vai ah thagui na pek ci.

MIKHAH 3:8 Referans Kwoze

ISAIAH 58:1

Bawipa naw pyen ci, “Nami mtau hning ah m’lau vä! Ka chang gui Israel gui am ami katnak m’thein gui vä!

1 KORIN 2:4

ka pyeinsak m’theithang nak ung, hnicim chang ah hmuhmat nak ah thulung cu kä ka pyein ci, Khanpughi ah Mumcha hlüngtai nak awn be ciah ng’thulung bäng awn ka pyein ci.

EZEKIEL 43:10

Bawipa naw k’täi ne, “Hnicim chang, Israel chang gui am Taigüim ah amawng cu m’thein gui ä, pawng püi nak cu teng m’kein sak gui ä. Katnak awn ami hnün thawh ah phäh ah lü ng’aa sak gui ä.

EZEKIEL 16:2

ani naw pyen ci, “Hnicim Chang, ani naw a i shemshai nak gui a bi ah Jerusalem cu tawk ä.

JOB 32:18

Kei cu kä ka ng’htau vai ah kä ka k’üp ba hlawt ci nei. Ka shai ung lut lawk ciah ng’thu gui cu kä ka k’üp ba hlawt ci nei.

MATTHE 7:29

A i ah kyasei ci ung ani naw thukhän saya gui ah mäih düt ah kä kyak ciah ah huham mah ne am theithang ah hmawk ah kyak ci.

EZEKIEL 22:2

Ani naw pyen ci, “Hnicim chang, ngawn sih nak awn be ciah mang gaw cu ng’thumcha ge vai ah na om ne ang? Shemshai nak abi gui avan cu ani ung ng’htei khai ah bi ä.

EZEKIEL 20:4

“Hnicim chang, nang cu ngami m’kyuk gui ge vai ah na om ne ang? Na om ung bi ge ä. Ami pupa gui naw ami bi gui ah shemshai nak gui cu m’shüm tu gui ä.

EZEKIEL 3:14

Bawipa ah huham cu kei ah khanah dämuh ciah nak tut ne gawk law khäta amum cha naw na hteh püi sei, kei cu ka m’lung na ne ka m’lung she ci.

JEREMIAH 20:9

Cun ung phi kei naw, “Kei naw Bawipa kä ka m’hnih khai nei, ani ah min gung ng’thu kä ka pyen ba khai nei,” ka ciah a kyak ung, nang ah ng’thu cu kei ah m’lung kyong ah mei ah mäih ah ui ci nei. Kei naw cun cu akyong ah ka k’pan vai ah ka tha nak ci, cun ung phi kä ka k’pan vai ah ka tha nak ci, cun ung phi kä ka k’pang ba hlawt ci nei.

JEREMIAH 1:18

“Ngai ä, Jeremiah! Shin ah khaw chang nü, bawi gui, taigü gui la chang gui-naw ning hnungtuk khai gui nei. Cunung phi cun gui na m’khät nak vai ah k’thagui cu tuhngawi kei naw ka ning pek ci; nang cu khäng sei k’paang ah mäh ah na kyak khai. Ngami naw nang kä ning hmim hlawt khai gui, kei naw nang ning ompüi ne, ka ning shungvong khai. Kei, Bawipa naw ka pyen ci.

JEREMIAH 6:11

Nang ah m’lungshe nak naw hnungtuk püi gui ne kei phi na ui ci nei. Bawipa, kei naw cun cu kä ka kawt ba hning ci nei.” Cun kawn ah Bawipa naw kei na pyen nak ci, “Kei ah ka m’lungshe nak cä lam gui ung om ciah a hmaw gui la ng’bum ciah chang nong gui ah khan ah yuk huk ä. Ami cei gui la ami chu gui phi la yawp khai gui, a ghipa aih gui phi kä k’pawih nak khai gui.

MAKUH 3:17

James la anau Johan, Zebedee ah hta goi (Bawipa Jesuh naw Boanerake ah ani ming a sui goi, kho hmum chang ciah ming ci);

ISAIAH 61:1

Uktu Bawipa naw ang mümcha awn kei cu na be sak ci. Ani naw na ghü ne na tüi ci, Dukhaih ci gui ah ma ah thu ni hteh pui vai ah, Am lung kyong she-kak ci gui gai sak vai ah, pha ne ami chum gui ah luat nak ah mawng thu ng’shäu vai ah, Thawng ung kium ci gui ah ng’pängze nak vai ah.

ISAIAH 61:2

Bawipa naw a chang gui a hun nak vai la Ami ga gui a tuk hnim nak gui vai ah akhin cu gawk law pyi ci nei, cine ng’thu ka shäu vai ah kei cu na tüi ci. Thüi kyap ci gui ami van k’büi gui vai ah kei cu na tüi ci,

NG’ÄI KYAH 2:14

Na prophet gui naw a i ami ning m’thein vai kä om ci. Cun ung phi hleei hlak ci gui. Nami katnak kä hnungtuk en phung ne, ami ng’thu pyen naw ning hleei hlak sak gui ci. Ng’yu ba vai kä hlü ci, ciah nami ngaih vai ah acun gui naw ning ci gui ci.

EZEKIEL 23:36

Bawipa naw na pyen nak ci, “Hnicim Chang, Nang cu Oholah la Oholibah na m’khoi Cha goi ge khai ah na om ne ang? Ngani naw shemshai ci gui ani bi ah phäh ah k’bün goi ä.