MIKHAH 3:7 - Cho Bible Common Language 2016

⁷ Ma lam ah mawng ng’cä ba cicu a pyen kä bä sei thüi khai. Khanpughi naw kä m’shang sei ami van yung kyak khai gui.

MIKHAH 3:7 Referans Kwoze

ZEKHARIAH 13:4

Cun ah khin a gawk law ung a u prophet phi amik hmuh awn kä khähghah khai, prophet ah mäih ah kä bik khai, chang gui ah ma ah gai ne prophet ah ghaat ciah suinu cu kä sui khai.

ISAIAH 44:25

Kei naw cängbang ci gui cu akgu ah kyak sak gui ne, cecai ci gui ah pyen gui ka m’shet yawp ci. Cüivai ci gui ah ng’thu cu kei naw k’beng ne, Ngami ah cüivai nak cu gu-aang nak ah a kyak ah mawng ka dang sak ci.

AMOS 8:11

“Nami khaw ung khaw a shet nak, ka chah law nak vai ah akhin cu gawk lawk ci nei. Chang gui cu cawi khai gui, ei ah cawi ah kä kyak ci, gha khai gui, tui ah gha ah kä kyak ci, ngami cu Bawipa ah ng’thu ah cawi gha khai gui. Kei Uktu Bawipa naw ka pyen nei.

EZEKIEL 24:17

Na hngääk cu a u naw kä ning za en sä. Thüi kyap ciah mäih ah lukä pawng ne phahnak kä ng’leh ne, kä na hteh hton vai. Na hmai kä na shung vai, thüikyap ciah ei ah mäih ah ei kä na ei vai.”

1 SAMUEL 28:6

Cun ah kyasei a i ka bik khai cine Bawipa cu ng’shik ci. Cun ung phi Bawipa naw kä m’shang pang ci, ng’mang ung phi kia, Urim, Thummim la prophet awn phi kä m’shang ci.

TAIGÜTHUM 13:45

Kheilei ung gaw ciah chang naw sui kheei a sui vai, alu kä a huih vai, a hmai ak ka lam a uk vai, “Kä theingthap ci, kä theingthap ci” cine am lau vai.

MIKHAH 7:16

Chang pakhui gui naw a cun gui cu hmu u neta, ami gai nak vaisü ung, ami tha ng’haam sei, ami m’gawng k’bawm u ne, ami hnga phi paang khai nei.

EZEKIEL 24:22

Cun kawn ah kei naw ka bi cu nangmi naw nami bik khai. Nangmi naw nami hmai kä nami shung khai, thüikyap ci gui ah ei kä nami ei khai.

SAM 74:9

Theing ciah kami m’hnih nak gui cu ng’kawn yawp ci, prophet gui phi kä dang ba ci, cun cu a i güt lüng khai ah a u naw phi kä hmat ci,

1 SAMUEL 28:15

Samuel naw Saul am, “A i ah kyasei na na m’shok shü ang? A i ah kyasei shi ah ka law vai ah na bi ang? cik ci. Saul naw “Kei cu khüikha nak akdäm ung ka gawk ci nei! Philistin gui naw na ng’tuk püi ci gui, Khanpughi naw na nawng ci. Cun ah kyasei ka ning khü nei, a i ka bi vai cu na m’thein ä” cik ci.

1 SAMUEL 14:37

Cun ah kyasei Saul naw Khanpughi ng’shik ci,” Philistin gui ka hnim gui vai aw? Nang naw näng nak na na pe gui khai aw?” Cun ung phi cu hnüüp Khanpughi naw kä m’shang ci.

1 SAMUEL 9:9

Saul naw, “Nik khai nei! Ni hteit khai” cik ci. Cun kawn ah ngani cu theingcim ciah chang ah om nak ah hteit ci goi. Ngani cu gawnu lam khaw gui ung ani hang kai vü yah ung, tui than khai lawk ci gui ah hnumi hta gui cu hmuk ci goi. Ani naw hnumi hta gui ng’shi ni ne, “Gawnu ah mikhmuk ci om ne ang?” cik ci goi. (Cun yah ung prophet am mikhmuk ciah pyen ci gui, Khanpughi ng’shi hlük ciah chang phung naw, “Mikhmuk ciah mi hteit khai,” ci man ci.)

PHYAWN NAK 9:11

Cee gui cun phi a hei Egypt chang gui ah mäih ah hlut u neta, Moses ah ma ah kä ng’dang law ba ci gui.

MIKHAH 3:4

Bawipa ah nami ng’paa nak vai ah a khin gawk lawk ci, cun ung phi ani naw kä ning m’shang gui khai. Akshe nami bik ci kyasei nami taigü cu kä ngai khai.

JEREMIAH 18:18

Cun kawn ah chang gui naw pyen ci gui, “Jeremiah ah mawng tumat mat ah mi bik khai nei! Na m’cumcäi gui ciah taigü gui, napüi gui ciah cüivai chang gui, Khanpughi ah ng’thu ng’shäu ciah prophet gui cu akphlüt ah om man ci nei. Ani ah khan ah k’bün nak law püi ne mi hnungtuk püi khai nei, ani ah pyen cu kä mi ngai ba khai nei.”