MIKHAH 3:6 - Cho Bible Common Language 2016

⁶ “Prophet gui aw, nami hnüüp ng’pyi ci nei, nami khan ah khohni so ci nei. A i ah kyasei ci ung, ka chang gui lam nami hma sak gui ci, nangmi ung muimang kä om ba khai, kä nami ng’cäbang ba hlawt khai.”

MIKHAH 3:6 Referans Kwoze

ISAIAH 29:10

Bawipa naw nami ngam khai ah ning ci gui ci nei, nami ip hniim law ge khai nei. Prophet gui cu chang gui ah mik ah kya khin te ci gui, cun ung phi khanpughi naw ami mik m’shin sak gui ci nei.

ISAIAH 59:10

Chang mik m’dauh ah mäih ah mikmi cu m’thäp ne mihteit ci mikmi cu hnüüng ng’lung ung plai sei mi ng’taak ci mü hmüp ah mäih ah, hmüp ciah sih nak ah khaw ah mäih ah.

JEREMIAH 15:9

A hta chih maih ciah nu nu cu ng’gäih pyi ci nei, ang ghi kä ng’täi ba ci nei. Ani ah khok dei cu mühmüp ah ng’hlat ci nei; ani cu thüisei ne amlung kyong na pyi ci nei. Ghing ba shut ciah cun ah nangmi cu nami ga gui am ka ning ngawn sak gui khai nei. Kei, Bawipa naw ka pyen nei.”

JEREMIAH 13:16

Ani naw khaw hmüp nak kä a law püi pha ung, Ngami m’htung khan ah ng’vawn ne kä nami ng’tän phaung ani naw hmüp khui nu ah kyak khai ah kä a m’hlah pha ung, Bawipa nami Khanpughi cu m’tam khah vä.

SAM 74:9

Theing ciah kami m’hnih nak gui cu ng’kawn yawp ci, prophet gui phi kä dang ba ci, cun cu a i güt lüng khai ah a u naw phi kä hmat ci,

EZEKIEL 7:26

Lei gai tumat naw tumat läk lawk khai, ng’thu kshe cu ang shun ah name ng’yak khai. Prophet gui naw ami hmuh gui cu ami m’dang vai ah nangmi naw name ng’paa na gui khai. Taigü gui naw chang gui kä m’thei thang khai gui, agham hta gui naw m’shum thein nak kä pek khai gui.

AMOS 8:11

“Nami khaw ung khaw a shet nak, ka chah law nak vai ah akhin cu gawk lawk ci nei. Chang gui cu cawi khai gui, ei ah cawi ah kä kyak ci, gha khai gui, tui ah gha ah kä kyak ci, ngami cu Bawipa ah ng’thu ah cawi gha khai gui. Kei Uktu Bawipa naw ka pyen nei.

MIKHAH 2:6

Chang gui naw kei ah ma ah ng’thu ami pyen cu, “Keimi ah khan ah thu kä pyen ä, cun ah amawng gui kä pyen en ä. Khanpughi naw keimi cu kä na m’thüi gui khai nei.

JEREMIAH 18:18

Cun kawn ah chang gui naw pyen ci gui, “Jeremiah ah mawng tumat mat ah mi bik khai nei! Na m’cumcäi gui ciah taigü gui, napüi gui ciah cüivai chang gui, Khanpughi ah ng’thu ng’shäu ciah prophet gui cu akphlüt ah om man ci nei. Ani ah khan ah k’bün nak law püi ne mi hnungtuk püi khai nei, ani ah pyen cu kä mi ngai ba khai nei.”

EZEKIEL 13:9

Muimang pyan ne, kä bä ciah ng’cängbang ciah prophet gui nangmi cu kei naw ka ning m’kyuk gui khai nei. Ka chang gui naw m’hnüt bäi vai ah ami ng’bum nak ung nangmi kä name om tuk khai nei; Israel pahta chang gui ah ming guk nak ung nangmi ah ming kä k’boih tu vai nei; nangmi cu name khaw ung kä name law bap hung khai nei. Cun kawn ah nangmi naw kei cu Uktu Bawipa ah name nah mat khai nei.