MIKHAH 3:11 - Cho Bible Common Language 2016

¹¹ Mang gaw uktu gui naw, khawh la ne uk ci gui, taigü gui naw pek vai ah thukhän m’than ci gui, prophet gui naw ngui ami gah vai ah phäh ah cängbang ci gui — cun ung phi ami van Bawipa naw om püi gui ciah pyen ci gui. Ngami naw, “Akshe keimi ung kä gawk lawk khai, Bawipa keimi awn om ci” cik ci gui.

MIKHAH 3:11 Referans Kwoze

JEREMIAH 6:13

Chang nü nü dämduh ci, zawken ci naw, kä ng’düng nak awn k’tha na ne ngui shui ci gui; prophet gui la taigü gui naw phi chang m’hleei ci gui.

ISAIAH 1:23

Nami vgvai gui cu hnu ng’tuk ciah kya u ne, m’guk ei ah teihpüi ah kyak ci gui; ngami naw m’cümhnah nak la ng’mü khawk cu angtäi sei dou ci gui. Ngami naw yung aha m’kawt ung hmei hta cu kä shungvong ci gui, hmei nu ah mawngma phi kä m’khoi m’cha pek ci gui.

MIKHAH 3:5

Ka chang gui cu prophet gui naw m’hleei gui ci gui, petak gui ci am dimdeeih nak shaitak pek ci gui. Kä petak gui ci am ng’tuk nak awn m’kyih ci gui. Bawipa naw, cun ah prophet gui am,

JEREMIAH 7:4

Keimi na hun gui pyi ci! Shin cu Bawipa ah Taigüim nei, shin cu Bawipa ah Taigüim nei, shin cu Bawipa ah Taigüim nei! cine hleehlak ciah ng’thu yum nak cu nami ng’düm vai!

1 PETER 5:2

Khanpughi naw a ning ap gui ah htomebum cu, htomeshäm ah kya ne nami ngäng vai nei. Bi vai kyasei bi ah kä kyak ciah, Khanpughi ah khuut ah kyasei ng’yak hlü nak awn nami bi vai nei. Nami bi cu ng’cheng gah hlü ah m’lung awn kä kyak ciah, bi nak hlü ah m’lung cang awn nami bi vai nei.

TITUS 1:11

Ngami cu thu kä ami pyein ba vai ah khin lawk ci nei, a i ah kyasei ci ung ngami cu kä m’theithang khin vai m’theithang u ne, kyongkhui gui cu shetkat sak ci gui, lü ng’aa nak vai kyak ciah ngui ng’yak nak hlü awn ami bi ah kyak ci.

MIKHAH 7:3

Akshe bi vai ah chang van theileh ci. Bawi gui la suki gui naw m’cümhnah nak thäh ci gui. Ang vaipi naw ang yak hlü pi thäh ci, ngami naw atäng ah bum ci gui.

ISAIAH 48:2

Nangmi naw nami mät cu theing cim ciah mang gaw chang gui ah nami pyen ci, m’gäi ciah Bawipa ming nak ciah Israel khanpughi nami ngaih u ciah pyen ne nami khäh ghah ci.

JEREMIAH 8:10

Cun ah kyasei ami lolai gui cu kaanak ciah ak thai gui am pe gui ne, ami chu gui cu ahei pami gui am ka pe gui khai. Akdämduh ak zawken chang nü naw kä ng’düng nak awn ngui gah vai ah k’tha nak ci gui. Prophet gui la taigü gui naw phi chang gui m’hleei gui ci gui.

1 SAMUEL 8:3

Cun ung phi ami pa ah bi cu kä läk hlawt ci gui; ngami cu ngui gah vai bäng tha nak ci gui. Ngami cu ng’mü khawh dou u ne a i ah mawng phi ng’düng khai ah kä m’khoi m’chak ci gui.

KHEI NAK 16:15

Moses cu ang htei ah m’lungshe neta, Bawipa ah ma ah “Shin ah chang ah law püi ah douthak cu a i phi kä na dou vai. Ngami ah khan ah ka cheishoh nak a i phi kä om ci, kei naw ami ng’sela tumat phi kä ka la man ci.”

JUDE 1:11

Ngahmi ah hmawk ah thüi sei aih vai kyak ci nei. Ngami cu Kain ah lam läk ci gui nei. Ngui ami ng’yak nak hlü awn Balaam ah shetkat ah mäih ah chishoh pyi ci gui nei. Korah ah mäih ah Khanpughi ng’tuk püi u ne, ani ah mäih ah dishum ci gui nei.

1 TIMOTHI 3:3

Ani cu yu kä aw ne, ng’tuk vook kä lup ne, ng’awi gi ne, dimeih nak ng’yak hlük ciah chang ah kyak khai: ngui m’hni aih ciah chang ah kä kya khai;

AMOS 9:10

Ka chang gui ah ng’lung ungka cheishoh ci gui phung cu ng’tuk nak ung ngawn gui vai — Cun ah chang gui cu ‘Khanpughi naw, a i leigai awn phi kä na et sak gui khai, cik ciah chang gui avan ah kyak khai’ ” cik ci.

HOSEA 4:18

Ngami cu yu akdäm aw u neta pawmyau ciah hnumi awn hlimtui ci gui. M’tam khah nak vai ah ta thüi sei nak cu m’hni pi ci gui.

ISAIAH 56:11

Ngami cu sokang aih ne a phü kä ng’yak ciah ui gui awn täng ci gui. Shinah ng’vai gui ng hmuh hmat nak a i kä om ci. Ngami a chang sing naw ami mät ah m’hni bi u ne, ami mät ah hmawk bäng shui ci gui.

MATTHE 3:9

Abraham cu kami pa ah kyak ci nami ci nak düt awn, nangmi cu katnak ung nami phyawng khai ah kä nami ngaih-en vai nei. Khanpughi naw shin ah lung gui cu la ne, Abraham ah hta gui ah tüi pyang hning ci, cicu ka ning m’thein gui ci nei.

MALAKHI 1:10

Hlüngtai ciah Bawipa naw, “Nangmi ungka tumat naw pum im shoh a khai vai ah ka ng’ya hlük ci, cun cu mang kyang ung mei, akholä ah a däi vai cu shungshet nak ah kyak ci. Kei naw kä ka ning yei na gui ci, nami na pek law phi kä ka dou khai.

ZEPHANIAH 3:3

Ami bawi gui cu m’ngawk ciah kawng ah mäih ah kyak ci gui, ami suki gui cu ei ah cawi ciah hngei ah mäih ah kyak ci gui. Ani cu sokang aih ne aguh pang phi kä nawng ne khaw thaih güt om ci.

EZEKIEL 22:27

Azozah bawi gui cu ami lawk ah khisa phyit ne k’teek ciah hnei ah mäih ah kyak ci gui. Ngami naw ami ng’mang nak vai ah chang ngawn ci gui.

EZEKIEL 22:12

Amshah naw cheng dou ne chang ngawn ci gui. Amshah gui naw ami Israel paw gui am ngui ataw ah k’pu u ne, ngami ah khan ah ataw la ne ng’büh mang ci gui. Ngami naw kei cu na m’hnih ci gui.” Uktu Bawipa naw a pyen nei.

NG'THU K'THUUK~ 17:23

Ka taga ciah suki naw ng’mu khawh dou ci, Ani naw taga khai ah ka bi hlawt ci.

ISAIAH 5:23

Cun ung phi nangmi naw ng’mü khawk dou u ne, chang she m’hlawt ne, kä hma ciah chang cu taga khai ah kä nami bi pek ci.

JEREMIAH 23:17

Kei ah ng’thu kä ngai ne mak ciah chang gui am, ‘Nangmi ung apäng avan bä lawk khai nei’ cine pyen nak ci gui. Ngami naw am lung liing ciah chang nü am leigai naw kä ning tawn khai nei, cine m’thein ci gui.”

JEREMIAH 26:7

Taigüim kyong ah shin gui kei naw ka pyen cu Taigü gui, prophet gui la chang avan naw ng’yak ci gui,

EZEKIEL 34:2

Ani naw pyen ci, “Hnicim chang, Israel gui ah uktu gui cu m’shukcha gui ä. Ngami ah khan ah ng’cängbang ne, kei, uktu Bawipa naw ngami ka pyen nak gui cu m’thein gui ä. Israel gui ah htomeshäm gui, nangmi nami ng’ziin ci nei! Nangmi nami mät naw nami mä m’htei htang u ne htome gui kä nami tengkhen ci.

HOSEA 4:8

Kei ah ka chang gui ah shetkat nak awn nangmi nami bühmang lawk ci. Cun ah kyasei nangmi naw nami shetkat law pi vai nami ng’ya hlük ci.

AMOS 5:14

Ngaih na ne akni nak bi vai, akshe kä nami bi vai, cun ung nami ghing khai. Nami pyen nak ah mäih ah Bawipa Khanpughi naw akcang ah ning om püi gui khai.

MALAKHI 2:9

Nangmi naw ka ng’yak hlü kä nami läk ci, ka chang gui nami m’thei ung phi, chang päng ah ng’yak hlü ah kä nami m’thei ciah kyasei, kei naw, Israel chang gui naw ami ning päipih gui vai ah ka bik khai.

KHEI NAK 22:7

Cun ah kyasei Moabit la Midianit ami ng’vai gui cu plah tam ung ami cheng nak vai hteh püi u ne, Balaam ah hteit ci gui. Balak ah thu m’khäh phi pek ci gui.

JEREMIAH 5:12

Bawipa ah chang gui naw ani maa na u neta, ami pyen cu, “ani naw akzang ah a i kä bi lawk khai nei, mikmi ung ng’tuk nak la kho a zaw nak kä om khai nei.”

ZEPHANIAH 3:4

Prophet gui cu a i kä bik ci gui, hleeihlak ci gui, taigü gui naw thu theing cu m’shet u ne, Khanpughi ah thukhän cu amimät ah ng’thu awn k’caw ci gui.