MIKHAH 2:6 - Cho Bible Common Language 2016

⁶ Chang gui naw kei ah ma ah ng’thu ami pyen cu, “Keimi ah khan ah thu kä pyen ä, cun ah amawng gui kä pyen en ä. Khanpughi naw keimi cu kä na m’thüi gui khai nei.

MIKHAH 2:6 Referans Kwoze

AMOS 2:12

Cun ung phi nangmi naw Nazirit gui cu yu nami awk sak gui ci, prophet gui naw ka ng’thu kä ami pyen vai ah nami k’bäi gui ci.

ISAIAH 30:10

Ngami naw prophet gui adüm ah ami om vai ah pyen na gui ci gui. Ngami naw, “Düng ciah mawng cu keimi awn kä na na pyen nak gui vai, keimi naw kami ng’yak hlü lu nami na m’thein gui vai. Kami cheishoh nak ung kami k’ang ei khai nei.

LAMKTU 5:40

Kawngsi ng’vai gui naw Gamaliel ah ng’thu cu ngai u netah ang düihpüi gui cu khü gui ci gui. Cun kawn ah that gui u netah Bawipa Jesuh ah ng’ming awn ng’thu kä ah mi pyein nen ba vai ah, khen neh m’cäi gui netah tüi ba gui ci gui.

LAMKTU 7:51

Stephen naw, “Nang mi cu nami ling aih aih ci, na mi m’lung naw Khanpughi kä yum hlawt ci, Khanpughi ah ng’thu phi kä nami yum hlük ci, nang mi cu nami pupa gui ah mäih ah Mumcha Theing cu ang täi sei nami hnu nak ci nei,

LAMKTU 5:28

“A cun ah chang ah ng’ming awn kä na mi m’theithang en ba vai ah, keimi naw ak khengah kami ning maa nah gui pyi ci, Cun ung phi nangmi naw Jerusalem khaw avan ung na mi m’theithang gui pyi ci. Ani ah sih phi keimi ah om ah nami pyein law hlü pyi ci nei” ci ne kyak nah gui ci gui.

LAMKTU 4:17

Cun ung phi shin ah a mawng cu chang khli naw kä a hmat ten tu vai ah cän kawn ah shin ah chang gawi naw Jesuh ah ming awn a i kä a ni pyein nen ba vai ah khen neh mi ma nah gawi khai nei” ci neh ng’ge ci gui.

MIKHAH 6:16

Shin gui ah a kyak law cu ghangpughang Omri la ahta Ahab ah omshe nami läk ah phäh ah kyak ci. Ngami ah bi cu nami läk lä ung di nak ung ka ning hteh püi gui khai. Chang van naw ning päipih khai, khaw nü ah chang naw nin m’kyuk khai gui” cik ci.

AMOS 7:13

Shin ah Bethela ung kä na ng’cängbang ba vai nei. Shin cu ghangpughang ah khawihnah nak hmun, pakhui k’tung ah Taigüim ah kyak ci nei” cik ci.

EZEKIEL 21:2

ani naw pyen ci, “Hnicim chang, Jerusalem cu m’shukcha ä. Chang gui naw ami khawihnah nak ah hmun gui cu m’shukcha ä. Israel khaw cu ng’thu k’bäi ä,

EZEKIEL 20:46

Ani naw pyen ci, “Hnicim chang, a htumtäng ah yuk teng ä. A htum täng hnungtuk ne ng’thu pyen ne, a htumtäng bung hnungtuk ne ng’cängbang ä.

EZEKIEL 3:26

Kei naw na m’lei ka ning ang sak khai, cun ah kyasei nang naw shin ah kük net ciah chang gui ng’thu kä nak bäi gui hlawt khai.

SAM 74:9

Theing ciah kami m’hnih nak gui cu ng’kawn yawp ci, prophet gui phi kä dang ba ci, cun cu a i güt lüng khai ah a u naw phi kä hmat ci,

ISAIAH 29:10

Bawipa naw nami ngam khai ah ning ci gui ci nei, nami ip hniim law ge khai nei. Prophet gui cu chang gui ah mik ah kya khin te ci gui, cun ung phi khanpughi naw ami mik m’shin sak gui ci nei.

AMOS 7:16

Tuhbäi Bawipa naw a i a cicu ngai vä. Nangmi naw ka ng’cä nak ka ng’düm vai, Israel gui hnungtuk ne ng’thu cu ka ng’düm vai ah na mi pyen ci.

MIKHAH 3:6

“Prophet gui aw, nami hnüüp ng’pyi ci nei, nami khan ah khohni so ci nei. A i ah kyasei ci ung, ka chang gui lam nami hma sak gui ci, nangmi ung muimang kä om ba khai, kä nami ng’cäbang ba hlawt khai.”