MIKHAH 2:4 - Cho Bible Common Language 2016

⁴ Cun ah khin a gawk law ung chang gui naw nangmi ah mawng cu di nak ah mang khai gui. Ngami naw nang ah bui awt ah mawng shin ah ng’äi m’cu khai gui; Keimi cu kami di yawp ci nei! Kami khaw phi Bawipa naw la ne tuh ne na näng gui ci gui am pe gui ci nei.”

MIKHAH 2:4 Referans Kwoze

HABAKKUK 2:6

Ami näng gui naw näng ci gui cu gaih tuk ci gui, shemshai ci gui, shemshai ci gui. Ngami naw, “Kä nami kaa nami lak ci, nangmi cu ng’yiin ciah chang ah nami kyak ci, Nangmi cu a i güt aphu nami gah vai ang’ceet ah shang ba ne, ng’bühmang ne nami om khai ang?”

MIKHAH 1:15

Mareshah chang gui, Bawipa naw nami gaw tuk ciah ga am ning ap gui khai nei. Israel chang vai gui cu Adullam lung khui ung htiet ne ng’thup khai gui.

JEREMIAH 9:10

Kei naw ka pyen ci, “Khomhtung gui ah phäh ah kei ka thui kyap khai, khulim gui ah phäh ah ka kyap m’lau khai, a i ah kyasei ci ung ngami cu chawng u sei, cun gui cu kan ne a u kä hteit ba khai. Khiksa gui ah ng’ging gui cu a u naw kä ng’yak ba ci; kha gui la khisa gui phi dawng yawp ci gui.”

ISAIAH 24:3

Khomdek cu ng’phyit ne dii khai. Shin cu Bawipa ah thu pyen ah kya ne, bi tuk cang khai nei.

ISAIAH 6:11

Kei naw, “Bawipa shin ah mäih cu ai güt lüng khai ang?” cine ka ng’shik ci. Ani naw, “Shin gui cu mang gaw gui di ne a maih güt-im gui a u kä a om ba güt-khaw ung chang kä a om ba güt ah kyak khai.

THULÄÄN NAK 28:29

Nang cu amik m’dauh ah mäih ah khaw hnüüp khaw ung m’cüm ne, yak ne na hteit khai, na hteh nak vai ah lam cu kä na hmuk khai. Nang cu a i na bi ung phi, bämang nak kä om khai. Nang cu angtäi sei chang naw ning shedam nak khai, ning guttep khai, cun ung phi ning m’hteihtang tuk ci a u kä om khai.

KHEI NAK 23:7

Balaam naw shin ah cängbang nak cu ng’shäu ci: Moab ghangpughang Balak naw kei cu Siria khaw ak kyang lam khaw gui ungka naw na law püi ci. Ani naw, ‘Law ne kei ah phäh ah ng’thu ä’ ‘Israel chang gui plah tam gui ä,’ cik ci.

MAKUH 12:12

Bawipa Jesuh naw ngami a pyein nak gui ah am tumtäng cu Jew chang gui ah ami ng’vai gui naw hmat u netah, Bawipa Jesuh cu phak khai gui ah k’tha nak ci gui. Cun ung phi chang khli cu kyih u netah a hei lam ah hteit ba ci gui.

ZEPHANIAH 1:2

Bawipa naw, “Khomdek khan ung hang om ci avan cu ka m’di khai nei,

MIKHAH 2:10

Tho ne hteit vä, shin ung phyawn nak vai kä om ba ci nei. Shin ah hmun cu nak katnak naw ng’yiin sak ne di sak ci nei.

AMOS 5:17

Sapyit lo gui avan ung kyah m’lau nak om khai. Shin gui avan cu kia lawk khai, a i ah kyasei ci ung kei naw law ne ka ning m’kyuk gui khai” cine Bawipa naw pyen ci.

AMOS 5:1

Ngai vä, Israel chang gui, shin cu kei naw ka ning ng’äi gui ah gook kyah ng’äi ah kyak ci.

JOEL 1:13

Sonkyang ung bii bik ciah taigü gui; ng’yu nak sui sui ne kyap vä! Taigüim ah hteit ne mü lüng ne kyap vä! Nami Khanpughi am nami douthak vai atheih, atui a i kä om ci nei.

JOEL 1:8

Kyap vä, chang gui, a cei ge vaisü si khäta, kyap ciah hnumihta ah mäih ah kyap vä.

EZEKIEL 16:44

Bawipa naw pyen ci, “Jerusalem, nangmi ah mawng shin ah ng’thu thuuk cu chang gui naw mang khai gui nei; Nu ah mäih, Hta ah mäih.”

EZEKIEL 2:10

Kut naw cun ah ca k’chaw cu k’phiät khäta, vang goi vei ung caguk ah kyasei ka hmuk ci-cung ung thüisei ne k’yah gui, m’neh awh ng’hlaw-ei gui cu guk ah kyak ci.

JEREMIAH 14:18

Kei cu lolai ma ah ka hteh ung ng’tuk nak ung ami ngawn gui cu ka hmuk ci; kei cu gawnu gui ung ka hteh ung ei ah cawi ne sik ciah chang gui cu ka hmuk ci. Prophet gui la taigü gui cu ami bii bik ci gui, cun ung phi a i ami bi kä hmat ci gui.”

JEREMIAH 4:13

Teng vä, ga gui cu khongmei ah mäih ah lawk ci gui nei. Ami ng’tuk nak ah yatha gui koiphak ah mäih ah kya ne, ami ng’she gui cu hmu zong ah ta zangkhai tuba ci mikmi cu mi mäih pyi ci! Mi ng’ziin pyi ci nei!

ISAIAH 14:4

Cun ah ani naw abi law ung, ngami naw Babilonia ghang pughang cu m’kpse une ami pyen cu: “A i ghämce ciah ghangpughang cu kyu ng’tääk pyi ci nei! Ani naw a u kä shedam na ba khai nei!

JOB 27:1

M’gäi ne ghing ciah Khanpughi ung kei cu ka ng’taam ci nei. Kei ung taga nak cu ma na ne akha leng ah na ghin sak ci nei.

2 SHONTÄP NAK 35:25

Ghangpughang Josiah ah phäh ah prophet Jeremiah cu ng’äi ci. Cun cu Israel ung ng’äi ci gui ah thungyo ah kya law sei hnumi pami ami van naw ani ah phäh ah thüisei u ne cun ah ng’äi cu m’cu ci gui. Cun ah ng’äi cu ng’äikyah gui ung ami m’cuun tu ah kyak ci.

2 SAMUEL 1:17

Shin ah ng’äi kyah cu Saul la a hta Jonathan am David naw ang äi ah kyak ci.

KHEI NAK 24:15

Cun kawn ah ani naw shin ah cängbang nak cu ng’shäu ci: “Beor ah hta Balaam ah thu m’khäh, Ng’ciim sei hmu hning ciah chang ah ng’thu,

KHEI NAK 24:3

Ani naw shin ah cängbang nak cu ng’shäu ci: “Beor ah hta Balaam ah thu m’khäh, ang ciim ah hmu hning ciah chang ah hta ah ng’thu,

KHEI NAK 23:18

Cun ung Balaam naw shin ah ng’cängbang nak cu ng’shäu ci: “Law ä, Zippor ah hta ah hta Balak aw, Kei naw ka pyen law vai cu ngai ä.

JEREMIAH 6:12

Ami im gui, ami lolai gui la ami chu phi chang hei gui om pe gui khai gui. Shin ah kho ung om ciah chang gui cu kei naw ka m’kyuk law gui khai.

JEREMIAH 8:10

Cun ah kyasei ami lolai gui cu kaanak ciah ak thai gui am pe gui ne, ami chu gui cu ahei pami gui am ka pe gui khai. Akdämduh ak zawken chang nü naw kä ng’düng nak awn ngui gah vai ah k’tha nak ci gui. Prophet gui la taigü gui naw phi chang gui m’hleei gui ci gui.

MIKHAH 1:8

Cun kawn ah Mikhah naw, “A cun ah hmawk ah kei cu kyap ne ka m’lau khai, ka thüi ka m’dang nak ah ka khaw m’dawng awn ka ng’vaak khai. Kei cu sa ui ah mäih ah m’ou ne kha ah mäih ah ka ng’ging khai.

JEREMIAH 9:16

Kei naw ngami cu ami pupa gui la ami mät naw kä ami ng’yak man ah changpakhui gui ah ng’lung ah ka püi sak gui khai. Cun kawn ah kei naw akbe ah kä ka m’di pha gui ah chuih, ngami hnungtuk püi gui ne gakap gui ka tüi gui khai.”