MIKHAH 2:13 - Cho Bible Common Language 2016

¹³ Bawipa naw lam pyan pe gui ne, omktu khaw ah ka lam shüm ba gui khai. Ngami naw mang m’kawt cu gäi ne hmawng ne, lut lawk khai gui. Ami ghangpughang Bawipa amät naw lam shüm gui khai.

MIKHAH 2:13 Referans Kwoze

ISAIAH 52:12

Tuhbäi ung ang ghit ah nami hteh tak vai kä hlü ci; nami phiawn vai ah nami tha nak vai kä hlü ci. Bawipa nami khanpughi naw lam ning m’shüm gui ne apäng ung ning shungvong gui khai.

THU PHLAAN 17:14

Ngami naw Htomehta cu ng’tuk püi khai gui. Cun ung phi Htomehta cu bawi nüng ah Bawi, mang nüng ah Mang (Ghangpughang nüng ah Ghangpughang) ah kyak ciah kya ne, ngami cu näng gui khai. Bawipa ah a ghü gui la bekhüt ne läk ci gui cu ani awn atäng ah näng nak gah khai gui,” cine pyein ci.

THU PHLAAN 7:17

A i ah kyasei ci ung mangkiaang ah lai ung om ciah Htomehta naw, ngami cu ngung gui ne, ghin nak tui k’gei ah khawng nak ah khah püi gui khai. Khanpughi naw phi ngami ah mik ungka ng’phli tui phung cu ghu pe gui khai” cine pyein ci.

HEBRU 6:20

Taigü tung Melchizedek ah hnün ung ngoh ne, angtäi ah Taigü tung ah kyak ciah Bawipa Jesuh cu, mikmi ah hmawk ah cun ah mang im ah lut pyi ci nei.

ZEKHARIAH 10:12

Kei naw ka chang gui cu ka khüighaat sak gui khai, Ngami naw na khawihnah ne na läk khai gui.” Cun cu Bawipa ah ng’thu ah kyak ci.

HOSEA 1:11

Judah chang gui la Israel chang gui cukawng ät ba khai gui. Ngami naw ami mät ah phäh ah ng’vaihta tumat ghü khai gui. Ngami cu ami khaw ung geit kaw u ne, bühmang ba khai gui. Ä! Jezreela ah hnüüp cu dämduh ciah hnüüp ah kyak khai!

DANIEL 2:44

Cun ah uktu gui ah a khin ung khankho Khanpughi naw kä ng’pyi hlawt ciah uknak khaw cu m’düih khai. A cun cu a u naw kä näng hlawt khai, ani naw ahei uknak khaw gui cu m’di yawp ne, khonglän ung om khai.

ISAIAH 55:4

Kei naw ani cu pakhui gui ah ang vaihta la gakapbawi ah ka pyang ci, kei naw cun gui awn ani ungka naw ka huham ka m’dang ci.

ISAIAH 42:7

Nang naw amik m’dauh cu na m’dei sak khai, Thawng kyong ah hmüp khui ung ngok ci cu na laut sak khai.

HOSEA 13:14

Kei naw shin ah chang gui cu sih nak ah khaw ungka kä ka hun gui khai. Sih nak ah huham ungka kä ka gung gui khai. Sih nak, na leigai cu law püi ä, Kei cu shin ah chang gui ah phäh ah kä ka yeikyai ba ci nei.

HOSEA 3:5

Cun ung phi Israel chang gui cu Bawipa ami Khanpughi la ami ghangpughang David ah htangshon ah ami ng’hlah law ba nak vai ah akhin cu gawk lawk khai nei. Cun kawn ah ngami naw Bawipa cu kyih aa u ne ani ah m’cümhnah akni cu gah khai gui nei.

ISAIAH 51:12

Bawipa naw pyen ci, “Thagui ning k’be gui ci cu kei ah ka kyak ci. Khumghaw hlawk düt ah ghing hning ne, si thei ciahchang cu, a i vai nami kyih ang?

MIKHAH 2:12

“Cun ung phi pawih ba ciah Israel chang avan cu ka ning bum sak gui khai. Kei naw nangmi cu ami ng’bu ah law ba ciah htome gui ah mäih ah ka ning bum ba sak gui khai. Nami khaw ci chang akda awn be ba khai.”

MIKHAH 3:1

Ngai vä, nangmi Israel Uktu gui! Nangmi cu taga ciah bi nak nami hmat ciah kya lang ne,

PHYAWN NAK 14:19

Khanpughi ah khanchang Israel gui ah ma ah om ci cu, ami hnu ah hteit ba ci, khaw ng’mei von cun phi ng’nawng ne,

JOSHUA 3:6

Cun kawn ah ani naw taigü gui cu Thukhän M’küm kawt ne chang gui ah ma ung ami hteh vai ah pyen na gui sei, a pyen ah mäih ah bik ci gui.

HOSEA 2:2

Ka hta nau gui, nami nu cu pyen ah vä — ani cu kei ah chu ah kä kya ba ci, kei cu ani ah cei ah kä ka kya ba ci. Pletbeng nak la pawmyau nak cu kä a bi ba vai ah pyen ah vä.

MIKHAH 4:7

Ngami cu ng’khem u ne im awn ng’shawng ci gui, cun ung phi ami k’pawih nak gui cu kei naw akthai ah ka tün ba sak gui khai. Ngami cu pakhui küi ah kya ba khai gui, Kei naw ngami cu Zion m’htung ungka naw khonglän ung ka uk gui khai.”