MIKHAH 1:9 - Cho Bible Common Language 2016

⁹ Samaria cu a leim kä khan hlawt ci, Judah phi a cun ah mäih ah geinvai ci. Di nak naw ka chang gui ah om nak Jerusalem m’kawt cu pha lawk ci nei.”

MIKHAH 1:9 Referans Kwoze

MIKHAH 1:12

Maroth chang gui phi phiawng hlü ne ngäng ci gui. Cun ung phi Bawipa naw di nak cu law püi sei, Jerusalem ung gawk law pyi ci nei.

JEREMIAH 15:18

A i ah kyasei kei ka yaica tu lä ang? A i ah kyasei a hmaleim gui kä m’tui m’seih ang? A i ah kyasei cun gui kä akhan ang? Khocha ah kawi ne ket ciah tui hta lawng ah mäih ah nang naw kei cu nana thüisei sak hlü ne ma?”

ISAIAH 3:26

Mang gaw m’kawt gui cu kyap ne ng’pyang khai gui, mang gaw amät cun phi m’dek ung akplui ah ngok ciah hnumi ah mäih ah kyak khai.

JEREMIAH 46:11

Egypt chang gui, Kilead ah hteit ne shei gui shui vä! Nami shei gui avan cu mang vai kä kyak ci, a u phi kä gai sak ci nei.

MIKHAH 6:13

Nami cheishoh ah hmawk ah nami shet nak vai la nami di nak vai cu kei naw ka tün pyi ci.

NAHUM 3:19

Na khei m’tui nak vai a i kä om ci, na hmaleim phi kä khan hlawt ci. Nang ah di ah mawng ng’yak ciah chang avan naw, ami m’ya k’phyawk ne yeikyai ci gui. Kä ng’pyi hlawt ciah nang ah shetkat nak k’phyawn hning khai a u kä om ne ang?

ISAIAH 36:1

Judah ung Hezekiah ghangpughang ah a kyak nak a kum ghaleiphli ung. Assiria mang bawi Sennacherib naw khäng htek ciah Judah mang gaw gui cu tu ne khän ci.

ISAIAH 36:2

Cun kawn ah ani naw a bawi ng’vaipi thukväi ne, gakap aknui khah püi ne, lachish ung ka naw Jerusalem ah hteit ne ghangpughang Hezekiah naw ang paa nak vai ah k’thäh sakc! A cun ah bawi ng’vai naw lam cu khäm ci, cun cu tah tah ci gui ah bi bi nak ak khan tui büm ung ka, tui ami hang lak nak ah mzawng ah kyak ci.