MIKHAH 1:7 - Cho Bible Common Language 2016

⁷ Amiktung nak ah agup avan khuui khai ah sheiuh yawp vai, m’gu plet ne ami pum im ah ami pektak phung mei awn m’khih vai. Agup gui avan cu a u naw kä a hmuh hlü vai ah kyak khai. Samaria naw shin gui cu am guk plet awn a gah ah kyak ci, tuhbäi a ga gui naw hteh püi ne a khawhei ah m’guk plet pum im ung m’hluh ci gui.”

MIKHAH 1:7 Referans Kwoze

THULÄÄN NAK 23:18

A cun ah mäih ah, cun ah mäih bi ne gah ah ngui cu, shaitak ah kümbe nak vai ah Bawipa nami Khanpughi ah im ung kä nami law püi vai. Bawipa naw Taigüim ung thuiplet nak cu thüi nak ci.

HOSEA 2:12

Ani naw am hni ah chang gui naw, a ih püi ghui vai ah ami pek ah a pyen ah sapyit gui la thei gui cu kei naw ka m’di khai. Ani ah sapyit dum la sing thei dum cu bung ah ka ng’lat sak khai, cun gui cu khisa gui naw m’di yawp khai gui.

THU PHLAAN 18:3

A i ah kyasei ci ung changpakhui akda naw acun ah gawnu awn ng’yaw ng’pawm nak ah kyak ciah yu cu awktat ci gui nei. Khomdek ah khan ah ghangpughang gui cun phi ani awn ng’yaw ng’pawm ci gui nei. Khomdek ah khan ah sumlei ci gui cun phi acun ah gawnu ah pletbeng nak awn ng’bühmang pyi ci gui nei” cine pyein ci.

HOSEA 8:6

Israel gui m’si shep ci gui naw agup gui pyang ci gui. Cun ung phi cun cu khanpughi ah kä kyak ci. Samaria ung ami khawihnah ah ghui vantang cu akhui ak pi ah kyak khai nei.

THU PHLAAN 18:9

Ani awn ng’yaw ng’pawm lä mante ciah khomdek khan ung ghangpughang gui naw, ani ui ciah mei ah akhu cu ami hmuh ung kyap ne m’lau khai gui nei.

JOEL 3:3

Ngami naw htung ng’yuk u ne, a u ami pha ah k’bäi ci gui. Ngami naw hnumi hta, pami hta gui cu, khleihtein vai ah m’guk plet nak la yu ah yoi ci gui.

ISAIAH 27:9

Khoshe ah lung sonkiang gui cu khak khai ah güüt ne, khanpughinu Asherah ah m’hnüt nak kä ung, tui ng’ui sonkiang kä ah om ba kawn ung, Israel gui ah katnak cu m’geinsei nak om khai nei.

2 SHONTÄP NAK 31:1

Pawi ang pyi kawn ah Israel chang gui ami van cu Judah kho mang gaw päng ung hteit ne, lungktung gui shui u ne Asherah khanpughinu ah a gup gui m’shet u ne, sonkiang gui la khogam khawihnah nak ah hmun gui cu m’di ci gui. Ngami naw pawih ba ciah Judah la Benjamin, Ephraim la Manasseh khopäng gui ung phi acun ah bik ci gui; cun kawn ah ami van hteit ba ci gui.

THULÄÄN NAK 9:21

Nangmi naw nami bi ah katnak cu kei naw ka lak ci, m’sii awn pyan ah seipat gup cu mei ung ka shum ci, khui ne ng’piäuh khai ah ka shuh-gep ci. M’vut ung m’dawn neta, m’vut cu m’htung ah ka long lawk ciah tui ung ka shum ci nei.

TAIGÜTHUM 26:30

M’htung khan ung nami khawihnah nak ah hmun gui cu kei naw ka m’di khai, ang ui sonkiang gui cu ka gäi khai, sik ciah nami pumsa gui cu kyu ne ng’yän ciah nami ka, a gup gui ah khan ah ka yuk ghawt khai, kä ni aih ciah a kyong ah,

1 SAMUEL 5:4

A ngawi ung khaw ngawi, a gup cu kyu ba mä ne, Thukhän M’küm ah ma ah ng’yän ba ci. Cun ung läi a lu la a kut gui cu hnget ne, m’kawt pei ah ng’yän ci gui; a pum bäng om ba ci.

ISAIAH 23:17

Khokum chih-kip ang pyi kawn ah, Bawipa naw Tire gawnu cu a cau sumlei nak man ung hteh ba sak khai. Khomdek khan ung uktu kho gui avan am, amät naw amät cu khah gui khai.

EZEKIEL 6:6

Israel mang gaw gui avan cu m’di khai gui, cun ah kyasei ami mangkiang gui la a gup gui avan cu akhui ah ng’piäh khai, ami angui-sonkiang gui cu geep yawp ne, ngami naw ami pyan gui phung cu kä om ba khai.

HOSEA 2:14

Cun ah kyasei kei naw bung puk ah ka hteh püi ba mä khai. A cu ah kei naw m’hni nak ah ng’thu awn ka khü ba khai.

HOSEA 8:5

Samaria mang gaw ung chang gui naw ami khawihnah ah ghui vantang gup cu kei naw ka thüi nak ci. Ngami ah khan ah kei cu ka m’lungshe aih ci, Ngami naw agup ami khawihnah nak cu a i khäta nawng khai gui ang?