MIKHAH 1:6 - Cho Bible Common Language 2016

⁶ Cun ah kyasei Bawipa naw, “Samaria cu ng’leido ung m’dek ng’plum ah mäih ah shek khai, Sapyit geit nak ah khomdek ah mäih ah ka kyak sak khai. Mang gaw im ng’ki gui cu khaw nawi ah ng’dawn sak gui ne, mang gaw lungtung cu ka auh sak khai nei.

MIKHAH 1:6 Referans Kwoze

EZEKIEL 13:14

Thung bawk awn ami hluk ah gaw pang cu kei naw ka gäi khai, ka ng’piäh sak khai, ang nei lung gui ka maih sak khai. A cun naw ning geih gui ne name van ning ngawn gui khai. Cun ung Chang nü naw kei cu Bawipa ah nah mat khai.

MIKHAH 3:12

Cun ah nangmi ah om ah, Zion cu lai ah mäih ah thawn khai gui, Jerusalem ci di nak ah m’dek ng’plum ah kyak khai. Taigüim m’htung cu bung ah ng’lat khai.

NG’ÄI KYAH 4:1

Keimi ah pyü ciah ghui cu siim ci nei; Taigüim ung lung gui cu lam gui ung ng’yaih ne ng’yän ci gui nei.

2 GHANGPUGHANG GUI 19:25

“A shin gui avan cau ge kei naw ka pawng püi cu kä na ng’ya man ne ma? Tuhbäi cun gui kei naw ka law püi ci. Khäng ciah mang gaw gui ng’awt ng’bum ah kyak sak nak ah huham cu nang am ka ning pek ci.

MATTHE 24:2

Bawipa Jesuh naw, “Shin ah cawh kyan gui cu nangmi naw nami hmuk ci nei, kei naw akcang ka pyein cu shin ah pum im cu cawh nak ah lung tumat phi a mät ah om nak ung kä ng’yän ba khai ah ng’gäi ne maih lawk khai nei,” cine pyein ci.

HABAKKUK 3:13

Na chang gui na hun gui khai ah na hteit ci, na ghü ah ghangpughang phi na hun khai, changshe gui ah ami ng’vai gui cu nang naw hniim ne, ani läk ci gui cu na m’di yawp ci.

AMOS 5:11

Nangmi naw dukhaih ci gui nami yawshe na gui ci, ami geit phi nami guh pe gui ci. Cun ah kyasei nangmi cu lung awn nami cawh ah im akni ung kä nami om khai. Nami geit ah sapyit akni ungka a tui phi kä nami awk khai.

HOSEA 13:16

Samaria cu kei ana hnungtuk püi ah phäh ah m’kyuk vai nei, a chang gui cu ng’tuk nak ung sik khai gui. Nausen hta gui m’dek vawih na gui khai gui, käumah ciah hnumi gui cu k’daai gui khai gui.”

JEREMIAH 51:37

Cun ah khopäng cu di ne ng’pum khai, khisa gui ah om nak ah kyak khai. Cun cu ten gung kyihkyawk vai kya ne, a cun ung a u phi kä om khai, cun hmuk ciah chang avan cu cäicat khai gui.

JEREMIAH 51:25

Babilonian nang cu khomdek khan avan m’di ciah khomhtung awn na täng ci. Cun ung phi kei, Bawipa cu nang ah ga ah ka kyak ci. Kei naw nang cu ning k’pang ne m’dek awn ka ning pingtei sak khai, m’vut ah ka ning kyak sak khai.

JEREMIAH 9:11

Bawipa naw pyen ci, “kei naw Jerusalem cu, im ng’phrek ciah ng’awt ng’bum, sa ui gui ah om nak ah hmun ah ka pyang khai; Judah mang gaw gui cu chang ah kä om nak bung ah kyak khai gui.”

ISAIAH 25:12

Ani naw Moab gui ah ami vongpang gui cu hlüng ciah vongpang gui awn atäng ah m’di gui ne, m’vut ung yung kyak sak gui khai.

ISAIAH 25:2

Nangmi naw mang gaw gui cu di khai ah nami m’hlat ci, ami vongpang gui cu nami m’di ci. Kami ga gui naw ami cawh ah mang im gui cu khaw ng’län ung om ci nei.

2 SAMUEL 17:13

Ani cu mang gaw tumat ung a luh ah akiak ung mik chang gui ami van naw gui, gui law püi u ne, mang gaw cu khaw nawi ah ka ah khai khai gui. Lung hta tumat phi m’htung lai ung kä om ba khai” cik ci.

ISAIAH 17:1

Bawipa naw pyen ci, “Damaskas cu mang gaw ah kä kya ba khai; cun cu ng’phyek ci gui k’bum ah kyak khai.

JEREMIAH 31:5

Nangmi naw Samaria m’htung ah Sapyit nami geit ba khai, cun ah sapyit ah m’theih pai cu geit ci gui naw ei khai gui.

2 GHANGPUGHANG GUI 18:9

Hezekiah ah uknak a kum phli nak — Israel ung ghangpughang Hoshea ah uknak a kum chih nak ung — Assiria uktubawi Shalamanese naw Israel cu tu ne, Samaria cu khaai ci gui.

2 GHANGPUGHANG GUI 18:10

Ami khaai nak a kum thum nak ung Samaria cu shung ci; cun cu Hezekiah ah uknak a kum chuk nak, Hoshea ah uknak a kum ko nak ah kyak ci.

AMOS 6:8

Uk ne m’gäi ciah Bawipa ah bä ciah ang cäi nak cu: “Israel gui chang ah ami ng’shei cu kei naw ka thüi nak ci, ami ng’päi im gui cu kei naw ka päipih ci. Kei naw ami mang gaw la akyong ah om ci nü cu ga am ka ap khai” cik ci.