MIKHAH 1:5 - Cho Bible Common Language 2016

⁵ Israel chang gui cheishoh u ne, Khanpughi ami hnungtuk püi ah phäh ah shin gui cu akcang ah kia lawk khai nei. Israel ah hnungtuk nak ung m’kyuk vai cu a u ang? Samaria mang gaw amät nei. Judah khaw ung chei cicu a u ang? Jerusalem amät nei.

MIKHAH 1:5 Referans Kwoze

AMOS 8:14

Samaria ah agup gui awn ng’phyun ciah chang gui, ‘Dan khanpughi ung, Beersheba khanpughi ung’ cik ciah chang gui cu — kiuk khai gui, kä tho ba khai gui.”

JEREMIAH 2:19

Nami mät ah akshe naw ning m’kyuk gui khai, kei nami na ng’hlah tak nak naw ning m’kat gui khai. Bawipa nami na khanpughi nami na nawng cu a i hlawk ah kha ne a chei cu nangmi naw nami hmat lawk khai. Nangmi cu kei ung kä nami bekhüt ba ci. Kei, uk ciah Bawipa m’gäi ci naw ka pyen nei.”

NG’ÄI KYAH 5:16

Keimi kami khähghah nak ungka, a i phi kä k’pawih ci nei. Keimi cu hmaka u ne tuhbäi kami ng’yiin ci.

JEREMIAH 6:19

Khomdek aw ngai ä! Ngami ah bilawh avan m’kyuk nak vai ah shin ah chang gui ah khan ah kei naw dishum nak ka law püi ci nei, a i ah kyasei ci ung ngami naw kei ah m’thei thang cu hnungtuk u ne, kei ah ng’thu kä ami ngaih ah phäh ah kyak ci.

JEREMIAH 4:18

Judah, nang naw shin gui ci na mät naw na law püi ah kyak ci, cun cu namät ah na ghin om nak la na bi lawh awn ah kyak ci. Na katnak naw shin ah aning yaica sak ah kyak ci; acun naw na m’lung ung ning shun ci nei.

JEREMIAH 2:17

Israel, nang naw shin cu na mät ah khan ah na law püi ci! Kei naw lam anglät ung lam ka ning m’shüm gui yah ung na Khanpughi Bawipa, kei cu na na nawng ci.

1 GHANGPUGHANG GUI 13:32

Bethela ung sonkiang hnungtuk ne Bawipa ah thumkhän ung ani ah pyen ah ng’thu gui, la Samaria gawnu gui ung khawihnah nak ah hmun avan hnungtuk püi nak cu akcang ah bä lawk khai nei.”

AMOS 6:1

Cun cu nangmi ah phäh ah a i hlawk ah kyih vai ah kyak khai aw, Zion ung yäi sei om ci gui, Samaria ung phiawng ne om ci gui — nangmi cu dämduh ciah Israel pakhui ah ng’vai gui, nangmi ah chang gui m’htei vai ah hteit ci gui.

HOSEA 7:1

“Kei naw ka chang Israel gui ka gai sak hlü gui laka bühmang ba sak hlü gui päng ung kei naw ami cheishoh nak la akshe ami gui avan ka hmuk ci. Ngami cu tumat la tumat ng’hleeihlak tuk ci gui. Ngami im gäi ne lut ne m’guk ci gui. Ngami naw lam ung chang guttep ci gui.

JEREMIAH 5:25

Cun nak vaisü ung nangmi ungka shin ah akni gui cu nami katnak naw k’pang yawp ci nei.

2 SHONTÄP NAK 34:3

Josiah cu a khokum kum cheit ung ghangpughang ah kya lawk ci kya ne hmaw sang ci, ani naw apughi David Ghangpughang ah Khanpughi cu tün ne khawihnah ci. Kum phli a lüng kawn ah ani naw tün ne, khogam khawihnah nak ah hmun gui, Khanpughinu Asherah ah a gup gui, la a hei a gup gui avan cu m’di yawp ci.

2 SHONTÄP NAK 34:4

Ani ah m’shümthein nak awn a chang gui naw Baala khawihnah nak ah sonkiang gui cu dep u neta a pei yung ah ka, tui ng’ui-sonkiang gui phi phyek ci gui. Ngami naw Asherah ah gup la ahei gup gui avan cu m’dek ung m’vutah ng’deng khai ah ci u neta ngami khawihnah ci gui ah chang gui ah phuh hmun ah khan ah m’vut cu phyang ci gui.

ISAIAH 7:9

Israel cu Samaria, amät ah mang gaw tung ah ta kä khüi ghat tuba ci. Samaria cu Ghangpughang Pekah a hta kä khüi ghat tuba ci. “Nami yumnak kä a khäng htek ah akyak ung, nangmi kä nami khäing htek khai.”

AMOS 7:9

Isaak ah hta ng’shon gui ah khawihnah nak ah hmun cu m’di vai nei. Israel gui ah theingciim ciah hmun gui cu ng’gäi ne di yawp khai nei. Kei naw ghangpughang Jeroboam ah ng’shon cu ka ng’pyi sak khai nei” cik ci.

MIKHAH 1:13

Lachish chang gui ng’se cu ng’hle ung khit vä. Nang naw Israel ah cheishoh nak cu thei tu ne Jerusalem cu na cheishoh sak ci nei.

1 GHANGPUGHANG GUI 11:7

Ani naw Jerusalem ah ak kyang khomhtung khan ah shemshai ciah Moab khanpughi Chemosh khawihnah nak vai la Ammon ah Shemshai ciah khanpughi Molek khawihnah nak vai ah hmun cu co ci.

1 GHANGPUGHANG GUI 16:24

cun kawn ah ani naw Shemer ming nak ciah chang ah Samaria khogui cu ngui phia chuk kip awn hleih ci. Omri naw khogui cu vongpang ne, gawnu sa ne, aming cu Samaria ah sui ci, Shemer cu cun ah khawmah ah kya man te ci.

JEREMIAH 23:13

Samaria prophet gui ah katnak cu kei naw ka hmuk ci nei; ngami cu Baal ah ming ung ng’thu pyen ci gui, ka chang gui cu lam hma sak ci gui.

JEREMIAH 23:14

Cun ung phi Jerusalem ah prophet gui cu sheka pi u sei ka hmu gui ci: ngami cu plet u ne ami hleei pyen ci gui; ngami naw chang gui phi cheishoh sak ci gui, cun ah kyasei a u chang naw phi akshe bi cu kä ng’düm ci gui. Kei ah phäh läi ah ngami ami van cu Sodom la Komorrah chang gui mäih ah shekak ci gui.

EZEKIEL 16:46

“Nang ah na pai ang vaipi cu Samaria ah kyak ci, a siiptäng ah a gaw hta gui awn om ci. Nang ah na be ak hmaw ba cu, Sodom ah kyak ci, a htumtäng ah a gawhta gui awn om ci.