MIKHAH 1:2 - Cho Bible Common Language 2016

² Chang pakhui avan naw shin cu ng’ya vä; m’dek khan ung om ciah chang avan naw shin cu ngai vä! Uktu Bawipa naw ning hnu na gui ne saksi khai nei. Ngai vä! A khankho im ung ka naw thu pyen ci nei.

MIKHAH 1:2 Referans Kwoze

ISAIAH 1:2

Bawipa naw, “Khomdek la khomik, kei naw ka pyen law vai cu ngai vä! Kei naw ka m’ghin gui ah ak hmaw gui naw na hnu ng’tuk püi ci gui nei.

SAM 11:4

Bawipa cu a pum im theing ung om ci; Khankho ah amang kyang om ci. Ani naw chang gui ah om nak phung cu teng ne, ami bi law nü cu hmat ci.

THU PHLAAN 3:22

“Khrithabum gui-am Mumcha naw am thein gui cu nami hnga a om ung ngai ne ng’ya vä!

THU PHLAAN 3:13

“Khrithabum gui-am Mumcha naw am thein gui cu nami hnga a om ung ngai ne nami ng’yak vai nei!

THU PHLAAN 2:7

“Khrithabum gui-am Mumcha naw am thein gui cu nami hnga a om ung ngai ne nami ng’yak vai nei. “Näng nak gah ciah chang-am Khanpughi ah chaam kyong ah phung ciah, ghin nak sing ah aktheih ei nak hning cu ka pek khai nei.

MALAKHI 3:5

Hlüngtai ciah Khanpughi naw, “Ka ning ng’thumcha gui khai ah nami lung ah ka ng’dang lawk khai. Cun ah chang gui cu kei naw cet ne ang ghit ah ka hnungtuk püi gui khai, ng’pluh ci gui, chang ah chu ih püi ci gui, hleei pyen ne ng’gun ci gui, bii bik ciah ng’cheng mang pek ci gui. Hmeinu hmeihta shedam nak ci gui — kei kä na kyih aa ci phung avan ah kyak ci.

HABAKKUK 2:20

Bawipa cu theingciim ciah a Taigüim ung om ci, m’dek chang phung cu adüm ah ama ah mi kawp khai nei.

JONAH 2:7

Ka ghin nak ng’pyi ciah ka ngaih yah ung, O Bawipa, nang ah ka taigü ci, na Taigü im theing ungka naw na na ng’yak pek ci nei.

JEREMIAH 22:29

O khonglei, khonglei, khonglei! Bawipa ah thu pyen cu ngai ä:

SAM 50:7

“Na ngai vä, ka chang gui, thu ka pyen lawk khai; Israel chang gui, kei naw hnu ng’tuk ne ka ning m’nüm khai. Kei cu Khanpughi, nami Khanpughi nei.

THU PHLAAN 3:6

“Khrithabum gui-am, Mumcha naw am thein gui cu, nami hnga a om ung ngai ne nami ng’yak vai nei!

THU PHLAAN 2:29

“Khrithabum gui-am Mumcha naw am thein gui cu, nami hnga a om ung ngai ne nami ng’yak vai nei!

THU PHLAAN 2:17

“Khihtabum gui-am Mumcha naw am thein gui cu nami hnga a om ung ngai ne nami ng’yak vai nei! “Näng nak gah ciah chang-am thup ne ghim ah manna m’htut cu ka pek khai, k’toulung bawk phi ka pek khai. Cun ah k’toulung bawk ung guk ah ming thai cu, a u naw kä hmat khai, acun ah lung gah ci bäng naw hmat khai.

THU PHLAAN 2:11

“Khrithabum gui-am Mumcha naw am thein gui cu nami hnga a om ung ngai ne nami ng’yak vai nei! “Näng nak gah ciah chang gui cu akhnih vei nak sihnak phiawn nak khai gui nei.

MALAKHI 2:14

A i ah kyasei ani naw kä a dou ba cu nami ng’shi thäh ci. A i ah kyasei ci ung ani naw hmat ci, nami hmaw yah ung nami chu nak ah nami chu ah khan ah nami shaitak nami m’shet ah hmawk ah kyak ci. Ani cu na paw ah kyak ci, cun ung phi nang naw na shaitak nam shet ci. Khanpughi ah ma ah shai na tak ci kyasei, ani ah khan ah na bekhüt vai kyak ci.

JEREMIAH 29:23

Ngami ah ma nak vai cu awn ah kyak khai, ai ah kyasei ci ung ngami naw kyih vai ah kaatnak cu bik ci gui-ngami naw chang ah chuhta kat püi u ne Bawipa ah min gung ami hleei pyen ci gui. A cun ah Bawipa ah angyak hlü cu hnungtuk püi ci; ani naw ngami naw a i ami bi cu hmat ci ani cu ngami hnungtuk nak ung saksi ah kyak ci. Bawipa naw pyen ci.”

JEREMIAH 6:19

Khomdek aw ngai ä! Ngami ah bilawh avan m’kyuk nak vai ah shin ah chang gui ah khan ah kei naw dishum nak ka law püi ci nei, a i ah kyasei ci ung ngami naw kei ah m’thei thang cu hnungtuk u ne, kei ah ng’thu kä ami ngaih ah phäh ah kyak ci.

SAM 50:12

“Kei cu ei ka cawi ung phi kä ka ning yoi khai, m’dek khan ung om ci avan cu kei ah ka ah kyak ci.

SAM 50:1

Ak hlüngtai pi Khanpughi, Bawipa naw thu pyen ci; Ani naw khomdek khan akhei ak kyang avan khü ci.

SAM 28:2

Na nam htei vai ah ka m’lau ung, Na pum im theing lam ah ka kut ka k’shäng ung, na ngaih pe ä.

SAM 24:1

Khomdek khan la a cun ung om ci phung cu Bawipa ah kaa ah kyak ci; Khomdek la akhan ah om ci pung cu ani ah kaa ah kyak ci.

THULÄÄN NAK 32:1

“Khankho la khomdek ka thu ngai vä, Kei naw a i ka pyen cu akheng ah ngai vä.

SUKI GUI 11:10

Ngami naw, “Kami yum ci nei, Bawipa cu kami saksi nei” cik ci gui.

1 GHANGPUGHANG GUI 22:28

Mikaiah naw pyen ne, “Nang phyawng ne na law ba ah a kyak ung, kei ung Bawipa naw ng’thu kä pyen ciah kyak khai!” Ani naw m’khah ba ne, “Chang päng naw kei ah ng’thu cu ngai vä!” cik ci.

2 SHONTÄP NAK 18:27

Mikaiah naw, “Nang phyawn ne na law ba ah a kyak ung, kei ah pyen ah thu cu Bawipa ah pyen ah kä kyak khai” cik ci. Cun kawn ah a pyen ba mä cu, “Kei ah ka pyen ah thu cu chang nü naw ngai vä!”

ISAIAH 18:3

Khomdek khan ung om ciah chang nü naw ngai vä! Khomhtung gui ah alai ung m’düih ah m’hnüt nak ah alan cu teng vä! Phyungpuuk tum cu ngai vä!

ISAIAH 50:7

Cun ung phi ngami ah hedam nak naw kä ne nat sak ci, a i ah sei ci ung uktu Bawipa naw na m’hteihtang ci. Cun gui m’khüt vai ah kei naw ka tha ka lak ci. Kei cu kä ka lü ng’aa khai ah kei naw ka hmat ci,

JEREMIAH 42:5

Cun kawn ah ngami naw ami na pyen nak cu,” mikmi ah phäh ah Bawipa mi khanpughi naw aning pek gui ah thumkhän avan cu kä mi läk ah a kyak ung, mikmi ana hnugtuk püi nak gui ung Bawipa cu düng ci la bekhüt ciah saksi ah kya sä.

NG'THU K'THUUK~ 8:4

Kei naw nami van ka ning ng’pa na gui ci, khomdek khanchang nü ka khü ci.

JONAH 2:8

Agup akholä khawihnah ci gui naw, ami ning chang m’sui nak cu nawng ci gui nei.