MIKHAH 1:16 - Cho Bible Common Language 2016

¹⁶ Judah chang gui, nami m’hni ah nami hta gui ah hmawk ah nami thüi nak ah nami lu k’plut vä. Nami hta gui cu omktu khaw ah hteh püi gui khai gui kyasei langta ah mäih ah nami lu plut vä.

MIKHAH 1:16 Referans Kwoze

ISAIAH 22:12

Uktu m’gäi ciah Bawipa naw, thüisui sui ne, nami lu k’teiu ne, nami thüi kyah vai ah ning khü gui ci nei.

JEREMIAH 7:29

“Jerusalem chang gui thüi kyap vä; Nami lu k’tei u ne a hei ah ghawt vä, m’htung lai ah gook kyah ng’äi mi cu vä, a i ah kyasei ci ung kei, Bawipa cu m’lungshe ne, ka chang gui ka hnungtuk gui ci nei.

JOB 1:20

Cun ung Joba cu ng’düi law ne a sui k’teek ci. Ani cu alu teiu ne m’dek ung a hmai gawk khai ah kyu ne ng’baup ci.

AMOS 8:10

Nami yungkawi cu sih htüm ah ka lat khai, nami yei nak ng’äi cu kyah m’lau ah ka lat khai. Nami lu ning ah sak gui ne, thüisei suinu ka ning sui sak gui khai. Nangmi cu a hta tumat bäng ah phäh ah thüikyap ciah nupa gui ah mäih nami kyap khai. Cun ah hnüüp cu akha ah ng’pyi khai.

JEREMIAH 16:6

Büh mang ci la dukhaih ci gui cu shin ah kho ung sik khai gui, cun ung phi a u naw kä phuh gui khai, ngami ah phäh ah a u kä thüisei khai. A u naw phi a thüi am dang nak ah amät vun kä nat sak khai, alu kä k’teek khai.

JEREMIAH 6:26

Bawipa naw a chang gui pyen na gui ci, “Suishe sui ne m’vut ung ng’hleeo vä. A Htapa tumat bäng ah phäh ah thüi kyap ciah mäih ah nami phlitui cha ne thüi gyap vä, a i ah kyasei ci ung law ne ning m’di gui khai ah chang tumat naw ang ghit ah ning tu law gui khai nei.

ISAIAH 15:2

Dibon chang gui cu agup ah pei ah kyap khai gui ah khawgui ah hang kai ci gui. Moab chang gui cu Nebo la Medeba mang gaw gui ah phah ah thüi aih u neta; ami lumu k’tei u ne m’khamu cu m’sei ci gui.

2 GHANGPUGHANG GUI 17:6

Hoshea ah uknak a kum kaw nak ung Assiria uktubawi naw Samaria cu khäm ne Israel gui cu pha gui ne Assiria ah hteh püi gui ci. Amshah Halah mang gaw ung, amshah cu Habor Tuinu pei, Kozan khopäng ung, la m’shah cu Media mang gaw gui ung tha gui ci.

THULÄÄN NAK 28:41

Nangmi ung hta pami, hta hnumi om khai. Cun ung phi nangmi ung kä om khai gui, a i ah kyasei ci ung ngami cu ng’tuk nak ung hteh püi ne thawng ung chum gui khai gui,

JEREMIAH 47:5

Kaza chang gui ah khan ah dämduh ciah azä nak gawk lawk ci, Ashkelon chang gui cu kä ship deep ci gui. Om ba ciah Philistia gui cu a i güt thüi kyap khai gui ang?

AMOS 7:11

Shin cu ani ah ng’thu nei, “Jeroboam cu ng’tuk nak ung sik khai, Israel chang gui cu ami khaw ungka omktu ah hteh püi gui khai gui’ ” cik ci.

AMOS 7:17

Cun ah kyasei Amaziah naw, Bawipa naw ng’thu ning pyen nak ci nei, ‘Na chu cu mang gaw ung chang plet ah kyak khai. Na hta gui cu ng’tuk nak ung ngawn gui khai gui. Na khaw k’bou ne chang hei gui am pe gui khai gui. Nang na mät cu khaw she khaw ah na sik khai. Israel chang gui cu ami khaw ungka, akcang ah k’täm gui u ne, omtu khaw ah gawt gui khai gui.’ ”

JEREMIAH 4:8

Cun ah kyasei sui k’she sui ne, kyap ne m’lau vä, a i ah kyasei ci ung Bawipa ah m’lungshe nak naw Judah cu kä ng’hlah tak ci nei.

NG’ÄI KYAH 2:19

Amü pum pum, tho law ba ba ne, Bawipa ah ma ah kyap ci gui. Nami m’lung kyong gäsei u ne, nami htau nau gui ah khan ah chimgein gui vai ah ng’hui ng’pa vä. A hmaw hta gui cu lam ng’kit päng ung ei cawi ne si vai ci gui nei.