MIKHAH 1:13 - Cho Bible Common Language 2016

¹³ Lachish chang gui ng’se cu ng’hle ung khit vä. Nang naw Israel ah cheishoh nak cu thei tu ne Jerusalem cu na cheishoh sak ci nei.

MIKHAH 1:13 Referans Kwoze

2 GHANGPUGHANG GUI 18:17

Assirian uktubawi naw Lachish ungka naw Jerusalem ung Hezekiah tuk khai ah gakap akda tüi lawk ci; acun cu ani ah ak hlüng pi ah bawi gui thum naw tängpang ci gui. Ngami cu Jerusalem ung gawk law u ne, a khan täng ah ka tui ah lon law nak ah lawng pei, shuntah ci gui ah bi nak ah lam cu khäm u ne a cun ung om ci gui.

2 SHONTÄP NAK 32:9

Shou hta khäta, Sennacherib la a gakap gui cu Lachish ung ami om yah ung ani naw Hezekiah la Jerusalem ah om ciah Judah chang gui am ng’shä tüi ne;

JOSHUA 10:3

Cun ah kyasei Adonizedek naw shin ah thu cu, shin ah ghangpughang gui am m’khäh gui ci; Hebron ghangpughang Hoham, Jarmuth ghangpughang Piram, Lachish ghangpughang Japhia la Eglon ghangpughang Debira.

THU PHLAAN 2:20

Cun ung phi nang ka ning pyein m’sheet nak cu, amät naw amät Khanpughi ah ng’shä ah pyein ciah hnumi nu Jeyebel cu na dou ah hmawk ah kya ci. Ani naw kei ah chang gui cu ami pletbeng vai la a gup-am sonkcan ah ei nami ei vai ah m’theithang ne lam k’she m’shüm gui ci.

THU PHLAAN 2:14

Cun ung phi Balaam ah m’theithang läk ciah chang api cu pyein m’shet vai om ci nei: a gup-am sonkcan ah ei ei vai la, pletbeng vai ah Israel chang gui-am lam shüm gui ciah Balak khawshe cu Balaam naw am theithang ah kyak ci.

MIKHAH 1:5

Israel chang gui cheishoh u ne, Khanpughi ami hnungtuk püi ah phäh ah shin gui cu akcang ah kia lawk khai nei. Israel ah hnungtuk nak ung m’kyuk vai cu a u ang? Samaria mang gaw amät nei. Judah khaw ung chei cicu a u ang? Jerusalem amät nei.

EZEKIEL 23:11

Apai ohalibah naw cun cu hmu pang ne phi, ani cu Oholah ah mä nu tuba ne, ka tuba ciah pawm zau Chang ah kya zawk ci.

JEREMIAH 4:29

Ng’se ng’cum chang gui la likap chang gui ah k’aw ami ng’yak ung, chang nü cu dawng khai gui. Am shah cu bung hmu ah dawng khai gui, amshah cu lungsong gui ah ng’lung ah kya khai gui. Gawnu päng ung a i kä om ba khai, acun ah hmun ung a u phi kä om ba khai.

JEREMIAH 3:8

Judah naw phi hmuk ci, kei naw Israel cu ng’cha püi ne, ahei ah ka k’täm ci, a i ah kyasei ci ung ani naw kei na ng’hla ta ne pawmya chang ah ani cu kya lawk ci, cun ung phi Judah, Israel ah kä bekhüt ciah abe, ani cu kä kyik ci, ani phi pawmya ah kyak ci,

ISAIAH 37:8

Ghangpughang naw lachish cu hteh ta ne libnah mang gaw pei yun ah ng’tuk bik ciah Assirian bawi naw ng’ya ci; cun ah kyasei ani ng’gepai püi khai ah a cu ah hteit ci.

ISAIAH 10:31

Madmenah la Kebim ung om ciah chang gui cu ami ghin vai ah dawng ci gui.

2 SHONTÄP NAK 11:9

Adoraim, Lachish, Azekah,

2 GHANGPUGHANG GUI 8:18

Ani ah chu cu Ahab ah hta ah kyak ci, ani cu Ahab ah mäih ah Israel ghangpughang gui ah mi shetnak bäng cu läk ci. Ani naw Bawipa hnungtuk ne katnak bik ci,

1 GHANGPUGHANG GUI 16:31

Ani cu ghangpughang Jeroboam ah mäih ah katnak abi awn kä ng’büh ne; ang ghit ah hteit ne, Sidon ghangpughang Ethbaala ah hta Jezebela cu chu na ne Baala khawihnah ci.

1 GHANGPUGHANG GUI 14:16

Bawipa naw Israel cu nawng khai, a i ah kyasei ci ung Jeroboam naw katnak bi ne Israel chang gui katnak ung a hteh püi ah hmawk ah kyak ci.

JOSHUA 15:39

Lachish, Boykath, Eklon,

PHYAWN NAK 32:21

Ani naw Aaron am, “Shin ah mäih ah kyih she ciah shetkat nak ami bi vai ah nang naw na ci gui cu, ngami naw nang ah khan ah a i bi u sei ang?

ATÜNNAK 19:17

Khanchang tumat naw, “Nami ghin vai ah dawng vä, nami hnu ah kä a mang en ba ne, ng’nawi ung kä ng’düm men ne, m’htung ah khüt ne dawng vä, cun ung nami phyawng khai nei” cine pyen na gui ci.

1 GHANGPUGHANG GUI 4:28

Uktu päng naw ami chaw ah kyak ciah htanghum la htang gong gui cu yatha kaih ciah ng’se gui la la gui ah om nak a hlü nak phung ung law püi ci gui.

2 GHANGPUGHANG GUI 14:19

Jerusalem ung Amaziah cu düm ah ngawn vai ah pawng law u khäta, ani cu Lachish mang gaw ah dawng ci, cun ung phi a ga gui naw gawt ne ngawn ci gui.

ISAIAH 36:2

Cun kawn ah ani naw a bawi ng’vaipi thukväi ne, gakap aknui khah püi ne, lachish ung ka naw Jerusalem ah hteit ne ghangpughang Hezekiah naw ang paa nak vai ah k’thäh sakc! A cun ah bawi ng’vai naw lam cu khäm ci, cun cu tah tah ci gui ah bi bi nak ak khan tui büm ung ka, tui ami hang lak nak ah mzawng ah kyak ci.

JOB 39:10

Nang naw ani cu gui awn khit ne k’pang ne lai thawn nak lam ung na hteh püi hlawt khai aw? Lai thawn nak vai ah lai ung na kaih hlawt khai aw?

JEREMIAH 34:7

Cun sangung Babilonia ghangpughang ah gakap gui naw mang gaw cu tuk ci gui. Cun ah gakap gui naw Lachish La Azekah phi tuk ci gui, can gui cu Judah Khaw ung k’pawih ba ciah khäng htek ciah mang gaw gui ah kyak ci.