MIKHAH 1:11 - Cho Bible Common Language 2016

¹¹ Shaphi chang gui nami k’plui ah lü ng’a ne dawng vä, Zaanan chang gui kä luh law ah kyap ne pigaw kyong ah nami om vai, Betheyela chang gui ah kyah nami ng’yak ung yii vai kä om ciah nami hmat vai.

MIKHAH 1:11 Referans Kwoze

ISAIAH 20:4

Assiria ghangpughang naw um ah khopäng goi ung ka apha gui ah thawngkium gui cu ami plui ah hteh püi gui khai nei. Aghi, ak hmaw, ngami cu ami plui ah phahnat kä ng’leh ne, ami khaang m’dang hteit khai gui nei, Egypt khaw cu thui ng’a sak khai gui.

NAHUM 3:5

Ahlüngtai säih Bawipa naw, “Nineveh, nang cu ka ning m’kyuk khai! Nang cu na k’plui ah ka ning om sak khai, Chang pakhui gui naw ning teng khai gui, Na thu ng’aa nak avan ning teng khai gui.

MIKHAH 1:8

Cun kawn ah Mikhah naw, “A cun ah hmawk ah kei cu kyap ne ka m’lau khai, ka thüi ka m’dang nak ah ka khaw m’dawng awn ka ng’vaak khai. Kei cu sa ui ah mäih ah m’ou ne kha ah mäih ah ka ng’ging khai.

EZEKIEL 23:29

Ngami naw ning thüi na gui ci gui, nangmi naw nami bi phung ngami naw hteh püi khai gui, nak plui ah ning nawng khai gui, pawmzau chang ah mäih ah ak ptui ah nami kyak khai. Na htuk htik nak la na pawnza nak naw

EZEKIEL 16:37

Shin gui avan ah phäh ah, a cau na m’hni gui man ami van atäng ah kei naw ka law püi gui khai-cun gui cu nang ah na m’hni gui la na gen gui amshah ah kyak khai, Ngami naw koi ne ning veing khai gui ah kei naw ka law püi gui khai, Cun kawn ah kei naw na sui sak ning suh sak ne, na plui ah ami ning vaih phäh ah ami ning vai ah ka bik khai.

JEREMIAH 48:9

Moab ah phäh ah ng’phuh hmun lungtung cu ng’ling vä; cun ah khaw cu di law ge khai nei. Acun ah gawnu gui cu m’di khai gui nei, a u phi cun ung kä om ba khai nei.”

JEREMIAH 48:6

Ngami naw, ‘Nami ghin hlü ung ang ghit ah dawng vä!’ Bung hmu ah ng’sela ak’zäng ah mäih ah dawng vä!’

JEREMIAH 13:22

Shin gui avan a i ah kyasei a kyak law cine, nami ng’shi ah a kyak ung — a i ah kyasei nami sui kheei sei sui she nami sui ang ma cun cu nami katnak cu kyih aih vai ah a kyak ah phäh ah kyak ci.

ISAIAH 16:2

Ngami cu tuinu Arnon ah akem ung om ne ami ngäng yah ung, ami ng’bu ung ka k’tän gui ah kha gui ah mäih ah akholä ah lula ci gui.

JOSHUA 15:37

Cun kawn ung om ba ciah mang gaw gui cu, Zenam, Hadashah, Mikdalkad,

ZEKHARIAH 14:5

Nangmi cu khomhtung hnih ah ng’pai ciah m’ghawng ung dawng ne nami phyawng khai. Judah khaw ung ghangpughang Uzziah ah uk sangung shipi a thüng yah ung ami phiawn ah mäih ah nami phyawng khai. Bawipa ka Khanpughi cu law ne khanchang avan law püi gui khai.