MIKHAH 1:1 - Cho Bible Common Language 2016

¹ Judah khaw ung Jotham, Ahaz la Hezekiah ni cu ghangpughang ah ami kyak yah ung, Moresheth gawnu ungka Mikhah am Bawipa naw ng’thu pek ci. Samaria La Jerusalem ah amawng gui avan cu Khanpughi naw Mikhah ung thu am than ah kyak ci.

MIKHAH 1:1 Referans Kwoze

JEREMIAH 26:18

Hezekiah cu Judah ghangpughang ah a kyak yah ung, moresheth ah ka prophet mikah naw chang gui avan a pyen nak gui cu, m’gäi ciah Bawipa naw pyen ci, ‘Zion cu lai ah mäih ah thawn khai gui, Jerusalem cu akshe gui oum ah kyak khai, Taigüim m’htung cu bung ah kyak khai.’

ISAIAH 1:1

Shin ah ca-uk ung Judah la Jerusalem ah mawng Khanpughi naw Amoz ah hta Isaiah am ng’thu am than cu guk ah kyak ci, cun cu Judah ghangpughang Uzziah, Jotham, Ahaz la Hezekiah gui ah khin ah kyak ci.

HOSEA 1:1

Shin cu Beeri ah hta Hosea am Bawipa naw a pek ah ng’thu ah kyak ci. Cun sangung Judah ung Uzziah, Jotham, Ahaz la Hezekiah gui cu ghangpughang ah kyak ci gui. Israel ung Jehoash ah hta Jeroboam cu ghangpughang ah kyak ci.

AMOS 1:1

Shin cu Amos ah thu ah kyak ci, ani cu Tekoa gawnu ah ka htoshäm ah kyak ci. Shihpi kä a thüng pha kum goi yah ung Uzziah cu Judah ghangpughang ah kya ne, Jehoash ah hta Jeroboam cu Israel ghangpughang ah a kyak yah ung, Israel gui ah mawng shin gui avan cu, Khanpughi naw Amos ung a thumkhän ah kyak ci.

MIKHAH 1:5

Israel chang gui cheishoh u ne, Khanpughi ami hnungtuk püi ah phäh ah shin gui cu akcang ah kia lawk khai nei. Israel ah hnungtuk nak ung m’kyuk vai cu a u ang? Samaria mang gaw amät nei. Judah khaw ung chei cicu a u ang? Jerusalem amät nei.

AMOS 6:1

Cun cu nangmi ah phäh ah a i hlawk ah kyih vai ah kyak khai aw, Zion ung yäi sei om ci gui, Samaria ung phiawng ne om ci gui — nangmi cu dämduh ciah Israel pakhui ah ng’vai gui, nangmi ah chang gui m’htei vai ah hteit ci gui.

HOSEA 8:14

“Israel chang gui naw mang im gui co ci gui, cun ung phi ami mät tüi pyang gui cicu m’hnih ci gui. Judah chang gui naw vongpaang mang im co ci gui. Cun ung phi kei naw mei ka chah lawk khai, cun naw ami mang im gui la mang gaw gui cu ui yawp khai.”

HOSEA 4:15

“Nangmi Israel chang gui cu kei ung kä nami bekhüt pang ung phi, Judah gui naw cun ah mäih ah cheishoh nak kä bi en u sä. Kikal la Bethaven ung kä khawihnah en u sä. Cun ung ghing ciah Khanpughi ah ming awn shaitak kä bi en vä.

ISAIAH 7:9

Israel cu Samaria, amät ah mang gaw tung ah ta kä khüi ghat tuba ci. Samaria cu Ghangpughang Pekah a hta kä khüi ghat tuba ci. “Nami yumnak kä a khäng htek ah akyak ung, nangmi kä nami khäing htek khai.”

HABAKKUK 1:1

Shin cu Prophet Habakkuk ah ma ah Bawipa naw ng’thu am than ah kyak ci.

2 PETER 1:21

A i ah kyasei ci ung, a i thu thuuk phi chang ah ng’yak hlü düt ah dang lawk ciah kä kyak ci, Mumcha Theing ah lamshäm nak awn vah chang gui naw, Khanpughi ah thuthuuk cu ami pyein ah kiak ci.

2 GHANGPUGHANG GUI 15:5

Bawipa naw Uzziah cu vun-khei nak awn gaw sak sei ani cu a ghin ah chuih a cun ung gaw ci. Ani cu im tumat ung om tu hnga ci, abi vai avan cu a hta am ap sei a hta Jotham naw kho cu uk ci.

2 GHANGPUGHANG GUI 15:32

Israel ghangpughang Remaliah hta Pekah ah uknak a kum goi nak ung Uzziah ah hta Jotham cu Judah ghangpughang ah kya lawk ci,

2 GHANGPUGHANG GUI 16:1

Remaliah ah hta Pekah naw Israel ghangpughang ah kya ne a uknak a kum gha lei chih nak ung Jonathan ah hta Ahaz cu Judah ghangpughang ah kya lawk ci,

2 GHANGPUGHANG GUI 18:1

Elah ah hta Hoshea Israel ghangpughang ah a kyak nak a kum thum nak ung, Ahaz ah hta Hezekiah cu Judah ghangpughang ah kya lawk ci,

2 SHONTÄP NAK 28:1

Ahaz cu a khokum kum m’ku ung ghangpughang ah kya lawk ci, Jerusalem ung om ne kum gha lei chuk ung uk ci. Ani naw a pupa David ghangpughang naw akni abi gui cu kä läk ci; cun nak vaisü ung Bawipa naw kä am hni gui cu bik ci,

2 SHONTÄP NAK 29:1

Hezekiah cu a khokum m’ku lei hma ung Judah ghangpughang ah kya law ne, Jerusalem ung om ne kum m’ku lei kaw ung uk ci. Anu cu Zechariah ah hta Abijah ah kyak ci.

ISAIAH 7:1

Ghangpughang Ahaz, Jotham ah hta, Uzziah tu naw Judah khaw a uk yah ung ng’tuk nak om ci. Siria ghangpughang Rezin la Israel ghangpughang Remaliah ah hta pekah naw Jerusalem cu tuk ci goi, cun ung phi kä khäm hlawt ci gai.

MIKHAH 3:9

Israel uktu gui, na ngai vä! nangmi cu taga ci thüi ne u ne, ahman cu ahma ah nami lat ci.

ISAIAH 1:2

Bawipa naw, “Khomdek la khomik, kei naw ka pyen law vai cu ngai vä! Kei naw ka m’ghin gui ah ak hmaw gui naw na hnu ng’tuk püi ci gui nei.