MATTHE 9:5 - Cho Bible Common Language 2016

⁵ Na katnak ning k’phiawn pyii nei, ci ang a yäi tu ba, tho law ne hteit ä, ci vai ang a yäi tu ba?

MATTHE 9:5 Referans Kwoze

LAMKTU 3:16

Cun ah Bawipa ah hlüng tai ciah ang ming naw shin ah shum ciah chang cu gai sak pyi ci. Tuk bäi nami hmuh lah nami hmat cu cun ah Bawipa ah ng’ming ung yum nak awn bi ah kyak ci; nami van naw nami hmuh ah mäih ah, Bawipa Jesuh ung yum nak bäng naw shin ah chang cu gai sak ciah kyak ci.

LAMKTU 9:34

“Aeneas, Jesuh Khrit naw ning gai sak ci nei, tho ne na ih phak look ä” cine kyak nak sei, Aeneas cu acun vai am tho lawk ci.

MATTHE 9:2

Cun yah ung chang gui naw akshum tumat kawt ne law püi ci gui. Bawipa Jesuh naw cun ah chang gui ah yum nak cu hmu netah, shum ciah chang-am, “Kahta, kä na ng’ä vai, na katnak cu ning k’phiawn pyii nei,” cik ci.

MATTHE 9:6

Cun ung phi chang ah Htapa naw, khomdek khan ah katnak ak phiawn hning cu, ka ning hmuh sak gui khai nei; ci netah shum ciah chang-am, “Tho law ne na ih phak look ne, na im ah hteit ba ä,” cine pyen nak ci.

MAKUH 2:5

Bawipa Jesuh naw ngami ah yum nak a i hlawk ah a däm cu hmu netah, shuum ciah chang-am, “Ka hta, na katnak cu ning phiawn sak pyi nei” cik ci.

LUKA 5:20

Bawipa Jesuh naw ami yum nak adäm aih cu hmu netah, shum ciah chang-am,” “Teihpüi awi, na katnak ning k’phiawn pyi nei” ci ne pyen nak ci.

LUKA 7:48

Cun kawn ah Bawipa Jesuh naw, “Na katnak ka ning phiawn sak pyi ci nei” cine cun ah hnumi-am pyen nak ci.