MATTHE 9:37 - Cho Bible Common Language 2016

³⁷ Cun ah kyasei Bawipa Jesuh naw, “Khäm vai htangmguh da pang sei phi, khäm ciah chang gui cu ken aih ci gui.

MATTHE 9:37 Referans Kwoze

LUKA 10:2

Bawipa Jesuh naw, “Htang m’guh ah vai akda om ci, cun ung phi aat ciah chang cu ken aih ci. Cun ah kyasei htang m’guh aat khai akda tüih vai ah htang m’guh nak ciah ma ah taigü vä.

MAKUH 16:15

Bawipa Jesuh naw, “Khomdek khan avan ung hteit ne chang nüng nüng-am Thu Ni cu m’thein vä.

1 KORIN 3:9

Keimi cu Khanpughi ah khuut a täng ah kami bik ciah bik bi gui ah kami kyak ci, nangmi cu Khanpughi ah lomaa ah nami kyak ci. Nangmi cu Khanpughi ah im ah phi nami kyak ci.

MATTHE 28:19

nangmi htei ne kho nüng ung chang van cu, kei ah ng’khah püi ah kiak sak yawp vä. Cun ah chang gui cu Apa, A hta la Mumcha Theing ah ming ung tuinim nak pe vä.

2 KORIN 6:1

Cun ah kyasei Khanpughi ah khuut bi nak ghawm awn nangmi cu kami ning hui na gui ci. Nangmi cu Khanpughi ah m’gein nak nami gah ci kyasei, cun cu kä nami m’di en vai.

LAMKTU 16:9

Cu mü Paul naw ang mui mang ung, “Macedonia kho ah law ne na bawm gui vä” cine Mecedonia chang tumat naw ng’düi ne ng’yoi sei hmuk ci,

LUKA 24:47

Ani ah ang ming awn kat phiawn nak la ng’yu vat ba nak ah mawng cu Jerusalem ung tün ne, akho päng ung, chang pakhui avan-am m’thein gui vai nei.

SAM 68:11

Bawipa naw thukhän pe gui sei hnumi akda naw thuni hteh püi ci gui:

1 TIMOTHI 5:17

Khanpughi ah khuut bik ciah ak tahnga gui cu, ng’cheng a goi thum ah gah khin ci gui ah nami hmat vai nei. Thu Ni ng’shäu ci gui la m’theingthang bilo ci gui cu ak tung pi ah gah khin ci gui nei.

KOLOSE 4:11

Justus ami ciah Joshua naw phi ning yavaih na gui ci nei. Acun ah ng’thu gui cu yum ciah Jew chang gui ah kya u ne, Khanpughi ah uknak kho ah hmawk ah kei awn a täng ah bi bi u ne, kei cu aktung ah nam hteihtang ci gui nei.

LAMKTU 18:10

A u naw phi nang kä ning k’shedam nak khai, shin ah gawnu ung om ciah chang akda cu, kei na yum ciah chang gui nei” cine pyein ci.

MATTHE 9:38

Cun ah kyasei htangmguh khäm khai a tüih law vai ah, htangmguh nak ciah taigü vä,” cine ang düihpüi gui cu m’cäi gui ci.

MATTHE 20:1

“Khankho uknak cu shin ah mäih ah kyak ci. Kho hnüüp ät ung sapyit lo tak ciah chang tumat cu lo bi ah ng’ghüh khai ah kho ngawi hta ah hteit ngawi ci.

JAMES 5:4

Nangmi naw nami lo bik ciah chang gui ah ng’cheng cu kä nami pek ci nei. Ngami ah ng’cheng shan cu ngai vä! Ngami naw ng’cheng shang ne ami m’lau ah k’aw cu, a hlüngtai säih Bawipa, Khanpughi naw ng’yak ci nei.