MATTHE 9:36 - Cho Bible Common Language 2016

³⁶ Chang gui cu htoshäm kä om ciah htome gui ah mäih ah, ami ngaih u vai kä om sei, ami ng’ä ai cu hmuh gui netah, chang gui cu m’gein gui ci.

MATTHE 9:36 Referans Kwoze

KHEI NAK 27:17

ani cu ng’tuk nak ung thumkhän hning khai, cun ung na chang bum gui cu htoshäm kä om ciah htome ah mäih ah kä kyak khai gui.”

MAKUH 6:34

Bawipa Jesuh cu hleiko ung hang kai netah, chang khli cu hmu gui ci. Chang gui cu htoshäm kä om ciah hto gui ah mäih ah kia u sei m’gein gui netah, ng’Thu Ni akda cu pyein ne m’theithang gui ci.

JEREMIAH 50:6

“Kei ah chang gui cu Khomhtung khanah htoshäm naw a maih sak gui ah htome ah mäih ah kyak ci gui. Ngami cu khomhtung tumat ungka naw tumat un glum ciah htome ah mäih ah kyak ci gui, ngami naw ami im a hawi om cicu m’hnin ci gui.

MATTHE 14:14

Bawipa Jesuh naw hleiko ung a kai kawn ah chang gui cu teng gui ne m’gein gui netah gawpai ci gui cu gai sak gui ci.

ZEKHARIAH 10:2

Chang gui naw agup gui la k’ce gui cu yum ne ng’shik ci gui, cun ung phi ami gah cu hleeihlak la akholä gui ah kyak ci. Amshah naw ng’mang k’phlan ci, cun naw lam ning hma sak gui ci; ngami naw m’lung üpnak ami ning pek gui cu akholä ah kyak ci. Cun ah kyasei chang gui cu maih ciah htome ah mäih ah ng’vaak shüi ci gui. Ngami cu ami ng’vaihta kä om sei yaica ci gui.

MATTHE 15:32

Bawi Jesuh naw ang düihpüi gui cu khü gui netah, “Shin ah chang gui kei awn a täng ah ami om tu cu hnüüp thum lüng lawk ci nei, Ngami ung ei vai kä om ci, kam gein gui ci nei. A i kä tumbei gui ung ami hteh ba ung lamah ami thagui maih khai nei,” cine kyak na gui ci.

MATTHE 15:24

Bawipa Jesuh naw, “Kei cu maih ciah htome bum ah kyak ciah Israel chang gui ah hmawk bäng ah ka lawk ci nei,” cine m’shang gui ci.

2 SHONTÄP NAK 18:16

Mikaiah naw, “Israel gakap gui cu khomhtung khan ah htoshäm kä om ciah htome gui ah mäih ah ng’phyüngpai u sei ka hmu gui ci nei. Cun kawn ah Bawipa naw pyen ci. “Shin ah chang gui ung ami ng’vaihta kä om ci, dimdeeih nak awn ami im ah hteh ba sak gui ä” cik ci.

HEBRU 5:2

Ani amät cu kä a khüm be nak da ci kyasei, lam hma ciah chang, cheishoh ciah chang gui cu chimgein gui ci.

HEBRU 4:15

Mikmi ah Taigü Tung cu mikmi ah shetkat nak kä nam gein gui hlawt ciah kä kyak ci. Mikmi ah Taigü Tung cu, mikmi ah mäih ah tüihtok nak aut ci, cun ung phi cheishoh nak ung kä gawk ci.

MATTHE 10:6

Maih ciah hto gui ah kyak ciah Israel chang gui ah om nak ah hteit ne,

1 GHANGPUGHANG GUI 22:17

Mikaiah naw, “Israel gakap gui cu khomhtung yung ah htoshäm kä om ciah htome gui ah mäih ah püi u sei kei naw ka hmuk ci nei. Cun ung Bawipa naw, “Shin ah chang gui cu ami ng’vai kä om ci nei, akding gei ah ami im ah hteh ba sak gui vä” cik ci.

ZEKHARIAH 11:16

Ka htome gui ngäng khai ah htomeshäm tumat cu ka khü ci, cun ung phi ani naw ami ngawn sheh ah htome phi kä m’htei ci, maih ci phi kä shui ci, nat nak om ci phi kä m’tui ci, gai ci phi kä tumbei ci. Cun ung phi plan pi ciah asa cu ei ci, ami khawpaw phi khing ci.

ISAIAH 13:14

“Babilon ung om ciah a khohei chang gui cu ami mät ah khaw ah dawng ba khai gui, sakap ah kut ung ka phyawng ne püi ciah kigang ah mäih, htoshäm kä om ciah htome ah mäih ah kyak khai gui.

MAKUH 8:2

Bawipa Jesuh naw ang düihpüi gui khü gui netah, “Shin ah chang gui cu kei awn a täng ah kho hnüüp thum om lawk ci gui kya ne ami ei vai kä om ba ci. Cun ah kyasei kei naw kam gein gui ci.