MATTHE 9:35 - Cho Bible Common Language 2016

³⁵ Bawipa Jesuh cu gawnu, gawhta apigaw päng ung hteit ne, pum im gui ung m’theithang gui ci. Khanpughi ah uknak kho a mawng thu k’ni gui cu m’theithang gui ne, gawpai nak a hlü hlü ung gawpai ci gui phi gai sak gui ci.

MATTHE 9:35 Referans Kwoze

LAMKTU 10:38

Nazaret chang Bawipa Jesuh ah khan ah Khanpughi naw Mumcha Theing la hlüng tai nak a peit ah mawng cu nami hmat pyi ci. Ani cu Khanpughi naw a täng ah om püi sei, hteit shüi shüi ne, khoshe ah ei auk gui ah chang gui m’gein gui ne gaigawng sak gui ci.

MAKUH 6:56

Bawipa Jesuh a hteh nak vai ah gawnu gui, lo gui la lam gui nüng ung ak gaw gui cu m’shän gui ci gui. A suinu ah pyai mawng hta pang ami tawn tu hlawt vai ah ng’coipa ne ng’yoi ci gui. Va tawn tu hta hlawt ciah chang phung cu ang ghit ah gai ci gui.

MATTHE 11:5

Amik m’dauh gui, m’dei ba ci gui, shumkhem ci gui hteithon ba ci gui, kheilei ah ei gui theek ba ci gui, akpang ak ang gui ng’lang ba ci gui. Aksi gui ghing ba ci gui. Chang pyaam gui naw ng’thu k’ni ng’ya pyii ci gui.

LUKA 13:22

Bawipa Jesuh cu Jerusalem ah a hteh nak lam ah gawnu gawhta a gawk nak päng ah hei m’hteihtang vü gui ne hteit ci.

LAMKTU 2:22

“Israel chang gui kei ah ng’thu cu ngai yawp vä, Khanpughi naw cäi aih gui vai lah ngaih khit gui vai ah Nazaret chang Bawipa Jesuh ah m’khüt näng nak cu ani awn m’dang pyi ci nei. Cun ah amawng gui cu nami ng’lung ah ng’dang pyi ci kiah seih nami van naw nami hmat yawp pyi ci.

MAKUH 6:6

Bawipa Jesuh cu ngami ung yum nak kä a om ah phäh ah cäi ng’ä ci.

MATTHE 11:1

Bawipa Jesuh naw cun ah ang düihpüi gha-lei-goi cu m’cäi gui netah, acun ah kho pei yung pigaw gui ah ng’thu pyein ne m’theithang gui khai ah hteit ci.

MATTHE 10:1

Bawipa Jesuh naw ang düihpüi chang sing gha-lei-goi cu khü gui netah, khoshe gui ami k’täm nak hning vai la gaw nak phung ami gai sak nak hning vai ah, huham cu pe gui ci.

MAKUH 1:14

Johan thawng ung ami chum kawn ah Bawipa Jesuh cu Kalile kho ah law ne Khanpughi ungka lawk ciah Thu Ni cu pyein ci.