MATTHE 9:34 - Cho Bible Common Language 2016

³⁴ Pharisee gui naw, “Shin ah chang naw, khoshe bawi ah peit ah huham awn, khoshe cu k’täm ci nei,” cine pyein ci gui.

MATTHE 9:34 Referans Kwoze

LUKA 11:15

Chang gui cu cäicat ci gui, cun ung phi chang amshah naw, shin ah Bawipa cu kho gui ah ng’vaipi Beelyebul ah peit ah k’thagui awn khoshe k’täm ci nei” cik ci gui.

MAKUH 3:22

Jerusalem ah kaa lawk ciah thukhän saya amshah gui naw, “Ani cu Beelyebul naw a kai nei, ani cu khoshe gui ah ng’vai pi ah kyasei a cun ah ming awn khoshe gui cu m’khütnäng ci nei” cine pyein ci gui.

JOHAN 3:20

Akshe ah om ciah chang phung naw, akshe abi ang dang vai kyi ne, akdei cu kä ng’ya hlük ci.

MATTHE 10:25

Changshäm cun phi a bawi ah kä hlüngtai pi ci. Cun ah kiasei ng’thei tuk ci naw m’thei tuk ci k’pha ne, changshäm cu a bawi ah mäih ah a kyak tu ung yeikyai vai kyak ci. Im kyong ung ang vai pi cu, Beelyebul ah mi khü ung, im kyong ung om ciah chang hmün gui läi cu, akshe pi ah khü gui vai kyak khai.

MATTHE 11:18

Tuihnim Johan cu ei phi hlawi ne, yu phi kä aw ne, nangmi ah om nak ah gawk law sei, nangmi naw “Shin ah chang cu khoshe ah kai nei,” nami cik ci.

MATTHE 12:22

Khoshe naw kai sei a i kä hmu ba ne, kä ng’thu ba hlawt ciah chang tumat cu, chang gui naw Bawipa Jesuh ah law püi ci gui. Bawipa Jesuh naw khoshe k’täm khätah cun ah chang cu, amik m’dei ba sei ng’thu law ba thei ci.

MATTHE 12:27

Nangmi naw kei cu Beelyebul ah na peit ah k’thagui awn khoshe ka k’täm ciah nami pyein ci, cun ah a kyak ung nangmi ah chang gui naw mä a u ah peit ah k’thamah nak awn, khoshe cu ami k’täm hning ang? Nangmi nami katnak mawng cu nami chang gui ah bilawh naw ng’dang sak ci nei.

JOHAN 7:20

Cun ah chang gui naw, “Nang ung khoshe om ci nei, a u naw nang ning ngawn khai ah pawng püi sei ang?” cine kyak na tu ba ci gui.