MATTHE 9:30 - Cho Bible Common Language 2016

³⁰ ani mik cu acun vai-am m’dei lawk ci. Bawipa Jesuh naw, “Shin ah a mawng cu a u-am kä nani m’thein-en vai,” cine khän ne m’cäi goi ci.

MATTHE 9:30 Referans Kwoze

LUKA 5:14

Bawipa Jesuh naw, “Shin ah mawng cu a u-am kä nam thein-en vai nei, taigüpa ah yäih ne hteit ne, na pumsa na teng sak vai, cun ung chang van naw na gai ah mawng hmat tuk khai gui. Cun kawn ah Moses ah thukhän ah mäih ah peit taak nak na bi vai nei” ci ne pyen nak ci.

MATTHE 8:4

Bawipa Jesuh naw, “Shin ah mawng cu a u-am kä nam thein-en vai, cun ung phi taigü ng’vai ah hteit ne na pumsa cu nam hnuh vai, cun kawn ah na gai nak ah mawng ang dang vai ah Moses ah thukhän ah mäih ah peit taak nak na bi vai,” cine pyen nak ci.

LUKA 8:56

Anu pa gui cu ang htei ah cäicat ci gui. Cun ung phi shin ah amawng gui kä ami pyein sak vai ah ng’thu khän gui ci.

MAKUH 5:43

Bawipa Jesuh naw, “Shin ah a mawng cu a u-am phi kä nami m’thein-en vai” cine ak tung ah khän gui netah, “Hnumi hta-am ei m’bei vä” cine pyen na gui ci.

MATTHE 17:9

Cun kawn ah Bawipa Jesuh la ang düihpüi gui cu, khomhtung ah kaa kyum law ba ci gui. Ami kyum law ba yah ung Bawipa Jesuh naw, “Tuhbäi nami hmuh gui cu, chang ah Htapa sih nak ungka a thawh law ba ung khüt sei, a u-am kä nami m’thein vai,” cine ang düihpüi gui-am m’yih sak gui ci.

MATTHE 12:16

Ani naw gawipai ci gui cu gai sak gui ci. Cun ung phi ani ah mawng kä ami pyein-en vai ah m’yih sak gui ci.

ISAIAH 52:13

Bawipa naw pyen ci, “Ka changshäm cu a bilawh nak ung näng nak om khai; Ani cu a hlüngtai ah m’tam khah khai gui.

ISAIAH 42:7

Nang naw amik m’dauh cu na m’dei sak khai, Thawng kyong ah hmüp khui ung ngok ci cu na laut sak khai.

ISAIAH 35:5

Amik m’dauh gui naw hmu hning khai gui, akpang gui naw ng’yak khai gui.

SAM 146:8

Amik m’dauh gui cu m’dei sak gui ci. Zu ng’kyak ci gui cu zu chang tu gui ci; düng ciah ah chang gui cu m’hni gui ci.

MAKUH 1:43

Acun vai-am Bawipa Jesuh naw ak yä ah a hteh ba vai ah m’cäi netah,

MAKUH 3:12

Bawipa Jesuh naw mümcha she gui cu, ani a u ah a kyak ah mawng m’dang ne kä ami pyein vai ah khän ne k’bäi gui ci.