MATTHE 9:24 - Cho Bible Common Language 2016

²⁴ Cun kawn ah Bawipa Jesuh naw, “Ng’nawn vä, shin ah hnumi hta sik ciah kä kyak ci, ip ci nei,” cine kya khätah, chang gui naw päipih ci gui.

MATTHE 9:24 Referans Kwoze

LAMKTU 20:10

Cun ung phi Paul cu kyum law ne cun ah chang cu Kaup shi ne kyawp netah, “Kä ng’ä ai vä! ani ghing yah ci nei” cine pyein ci.

LAMKTU 9:40

Peter naw cun ah chang gui ami van k’caw ah tüi gui netah, khuuk dong ne taigü ci. Cun kawn ah gook lam ah ng’hlat netah, “Tabitha, hto vä,” cine pyein ci. Tabitha cu m’dei law ba ne, Peter cu hmu netah, hto ne ngok ci.

JOHAN 11:4

Bawipa Jesuh naw cun cu ng’ya netah, “Shin ah gaw nak cu, sih nak vai ah kä kyak ci, Khanpughi ah hlüngtai nak ang dang nak vai la a shin ah gaw nak awn Khanpughi ah A Htapa ah hlüngtai nak ang shü khang nak vai ah kyak ci.

ISAIAH 53:3

Mik mi naw mi päipih ne mi hnu nak ci; Ani cu yaica ne m’neh m’awh ci. Ani teng khai tumat phi kä om ci — Ani cu akholä ah mäih ah mikmi naw mi nawng ci.

ISAIAH 49:7

Israel ah theingcim ciah Khanpughi la hunbawi naw, chang gui naw ak nui ah ami päipih, chang pakhui gui naw ami thüi gen, uktu gui ah changshäm am a pyen nak cu; “Ghangpughang gui naw ning laut sak u ne, tho ne ami ning chang m’sui nak cu m’dang khai gui; Manghta gui naw phi cun cu hmu u neta, kawp ne ning chang m’sui khai gui.” Shin cu kya lawk khai, a i ah kyasei ci ung Bawipa naw a changshäm cu ghü pyi ci; Israel ah Theingcim ciah khanpughi naw a shaitak cu k’pank khek ci.

JOB 12:4

Tuhbäi ka teihpüi gui naw phi na gaih tuk ci gui nei; ngami naw na gaih tuk ci gui, cun ung phi kei ka düng ci, katnak kä om ci. Cun ung phi Khanpughi naw ka taigü ana m’shan nak vai ah akhin om pyi ci nei.

MAKUH 5:40

Cun ci khätah chang gui naw Bawipa Jesuh cu päipih ci gui. Bawipa Jesuh naw chang gui avan ak pung ah hteh sak gui netah, cun ah hnumi hta ah anu la apa ni, ang düihpüi chang sing thum bäng khü gui ne, hnumi hta ami m’shän nak ah kyong ah va lut ci gui.

LUKA 8:53

Hnumi hta si pyi ciah hmat ciah chang gui naw, Bawipa Jesuh cu m’lep nak ci gui.