MATTHE 9:2 - Cho Bible Common Language 2016

² Cun yah ung chang gui naw akshum tumat kawt ne law püi ci gui. Bawipa Jesuh naw cun ah chang gui ah yum nak cu hmu netah, shum ciah chang-am, “Kahta, kä na ng’ä vai, na katnak cu ning k’phiawn pyii nei,” cik ci.

MATTHE 9:2 Referans Kwoze

MATTHE 9:22

Bawipa Jesuh naw ng’hlat ne va teng ne cun ah hnumi cu hmu netah, “Ka hta hnumi kä ng’ä ai ä, na yum nak naw ning gai sak pyii ci nei,” cik ci. Acun vai-am cun ah hnumi cu gai ci.

JAMES 2:18

Cun ung phi chang tumat mat naw, “Chang tumat ung yum nak om ci, ahei tumat ung hnünthawh nak om ci,” cine, a kyak law ung, Kei naw “Hnünthawh nak kä om ciah yum nak cu nam hnuh vä, kei naw ka hnünthawh nak awn ka yum nak cu ka ning m’hnuh gui khai nei,” cine ka pyein khai.

LAMKTU 19:12

Chang gui naw Paul ah bi ah yih la Tampu gui pang cu ak gaw gui la khoshe ah kai gui ah om nak ah, ami hteh püi ah a kyak ung, nat nak gui cu maih ne, chang kai ciah khoshe gui cu dawng ci gui.

JOHAN 21:5

Bawipa Jesuh naw, “Ak hmaw gui awi, nga nami phak ci ang?” cine ng’shi gui ci. Ngami naw, “Kä kami phak ci nei” cik ci gui.

MATTHE 8:10

Cun a ciah thu cu Bawipa Jesuh naw ng’ya ne cäicat netah, chang gui-am,

MATTHE 4:24

Bawipa Jesuh ah mawng cu Siria kho avan ung thang law khätah, chang gui naw khoshe ah kai gui, mangtak ci gui, a kut kho shum ci gui la agü a hlü ah gawpai ciah chang gui cu a om nak ah law püi ci gui. Bawipa Jesuh naw cun gui ami van gai sak gui ci.

ROMAN 5:11

Cun bäng ah kä kyak ciah Khanpughi naw mikmi cu, Bawi Khrit ung a teihpüi ah ana pyan gui pyi ah kya sei, yeikyai nak phi mi gah ci.

LAMKTU 14:9

Ani cu Paul ah ng’thu pyein ngoh ne ngai tuk ci. Paul naw ani cu kheing ne teng ne, anat nak a maih nak hlawt vai ah a yum nak a om cu hmu netah,

JOHAN 16:33

Nangmi cu kei awn nami kawng ät nak awn, dimdeeih nak nami gah vai ah shin ah ng’thu ka pyein ah kyak ci. Nangmi cu m’dek khan naw ning yaica sak gui khai. Cun ung phi nami m’gäi vai nei, kei naw m’dek khan cu ka näng pyi ci” cine pyein ci.

MATTHE 9:6

Cun ung phi chang ah Htapa naw, khomdek khan ah katnak ak phiawn hning cu, ka ning hmuh sak gui khai nei; ci netah shum ciah chang-am, “Tho law ne na ih phak look ne, na im ah hteit ba ä,” cine pyen nak ci.

MATTHE 8:16

Khomü lam ah chang gui naw khoshe ah kai, chang akda law püi u sei, khoshe gui cu k’de ne k’täm gui ci.

ISAIAH 44:22

Kei naw nami katnak cu kho ng’mei ah mäih ah ka zon sak ci nei. Kei ah law ba vä, kei cu nangmi ning hun gui ciah ka kyak ci nei.”

JOHAN 2:25

Ani naw ngami ah m’lung ngaih hmat gui yawp ci kya ne, ngami ah mawng cu a u naw am thein vai kä hlü ci.

MAKUH 5:34

Bawipa Jesuh naw, “Kahta hnumi na yum nak naw ning gai sak pyi ci, dimdeeih nak awn hteit baä, na katnak maih yawp sä” ci ne kiak nak ci.

MAKUH 1:32

Khohni sip ne khomü hun law khätah, chang gui naw gawpai ci gui la khoshe ah kai gui cu Bawipa Jesuh ah om nak ah law püi ci gui.

THUSHÄUTU 9:7

Cun ah kyasei, na buh ei ne yeikyai ä, na sapyit tui aw ne lünlawi ä. Cun cu Khanpughi ung bä ci nei.

MATTHE 6:12

Na kat na gui ci kami m’gein ah mäih ah, Kami katnak nam gein gui ä.

MATTHE 9:5

Na katnak ning k’phiawn pyii nei, ci ang a yäi tu ba, tho law ne hteit ä, ci vai ang a yäi tu ba?

MATTHE 14:27

Acun vai-am Bawipa Jesuh naw, “Kä cäicat vä, kei nei, kä kyikyawk vä,” cine pyen na gui ci.

MAKUH 6:50

m’cha ah ngai u ne, kyi ne m’lau ci gui. Acun vai-am Bawipa Jesuh naw, “Kä ng’ä vä, kä kyikyawk vä, kei nei” cine pyen na gui ci.

MAKUH 10:49

Bawipa Jesuh cu ng’düi netah, “Cän ah chang, khü ne law püi vä” cine pyen na gui ci. Chang gui naw a mik m’dauh-am, “Kä ng’ä ne, ng’düi law ä, Bawipa naw ning khü ci nei” ci ne kiak nak ci gui.

LAMKTU 23:11

Acun mü Khanpughi cu Paul ah ma ah ng’düi netah, “Kä na kyih vai, nang cu Jerusalem ung kei ah mawng na saksi ah mäih ah Rom ung phi na saksi ba khai nei” cine pyen nak ci.