MATTHE 9:18 - Cho Bible Common Language 2016

¹⁸ Bawipa Jesuh naw cun ah ng’thu a pyein yah ung, Jew chang yungbawi tumat cu Bawipa Jesuh ah pei ah law ne m’khuukdoong netah, “Ka hta hnumi cu tuhbäi hta sik ci nei, cun ung phi nang Bawipa law ne ak khan ah na kut na taih ah a kyak ung, ani cu ghing ba khai nei,” cine ng’hui ng’paa ne pyein ci.

MATTHE 9:18 Referans Kwoze

MATTHE 8:2

Cun sang ung kheilei ung gaw ciah chang tumat cu, Bawipa ah ma ah m’kuukdoong netah, “Bawipa na ng’yak hlü a om ung kei ah gaw nak cu na theek sak ä,” cik ci.

LUKA 13:14

Cun ah Bawipa Jesuh naw pum hnüüp ung ak gaw am gai ba ah, phäh ah pum im ngäng cicu m’lung k’she netah, “Bi bi nak vai kho hnüüp chuk om ci. Acun yah ung law ne gai nak nami ng’yoih law vai, Pum hnüüp ung kä nami law-en vai,” cine chang gui am pyen na gui ci.

JOHAN 11:32

Mari cu Bawipa Jesuh ah om nak ah gawk ne, Bawipa Jesuh cu hmu law netah, “Bawipa, nang na om vai sü ung kabe kä sik khai süte nei” cik ci.

MATTHE 9:24

Cun kawn ah Bawipa Jesuh naw, “Ng’nawn vä, shin ah hnumi hta sik ciah kä kyak ci, ip ci nei,” cine kya khätah, chang gui naw päipih ci gui.

2 GHANGPUGHANG GUI 5:11

Naaman cu anghtei ah m’lungshe neta, “Ani cu lut law ne, Bawipa a Khanpughi ah taigü ne, akhei nak ah khan ah a kut väng ne, kei na gai sak khai ah ka ngai ci nei!

LAMKTU 13:15

Moses ah thu khäm la prophet gui ah ca guk gui cu ami phat pyi kawn ah, Pum im ung ang vai gui naw, “Phäi nau gui aw, chang gui ah thamah nak vai thu nami pyein vai a om ah a kyak ung, nami pyein vai kami yaak hlük ci nei” cine chang tüi law ne pyein lawk ci gui.

JOHAN 11:25

Bawipa Jesuh naw, “Kei cu thawh nak ba la ghin nak ah ka kiak ci, kei na yum ciah chang cu, a sih ung phi ghing ba khai;

LUKA 18:18

Jew changvai tumat naw, “Nik ciah saya aw, angtäi ghin nak gah vai ah a i ang ka bi kaw” cine Bawipa Jesuh cu ng’shi lawk ci.

LUKA 7:2

A cu ah Roman gabawi ung beit ng’yak ciah akchangshäm om ci. Ani cu si ghep ghep ne gaw ci.

MATTHE 28:17

Ngami naw Bawipa Jesuh cu hmu u netah, kawp ne khawihnah ci gui. Cun ung phi amshah gui naw, kä ngaih gep ci gui.

MATTHE 17:14

Bawipa Jesuh la ang düihpüi gui cu chang gui ah om nak ah gawk law ba u khätah, chang tumat cu Bawipa Jesuh ah ma ah law ne khuukdong netah,

MATTHE 15:25

Cun ci khätah cun ah hnuminu naw akho pei ah khuukdong netah, “Bawipa, kei cu nam gein ä,” cine ng’yoi ba ci.

MATTHE 14:33

Hleiko khan ah om ciah ang düihpüi gui cu Bawipa Jesuh ah kawp ne ngüm yawp u netah, “Nang cu akcang ah Khanpughi ah Htapa ah na kyak ci nei,” cik ci gui.

MATTHE 20:20

Cun kawn ah Zebedee ah chu cu a hta hnih ng’khah püi ne law ne, Bawipa Jesuh ah ma ah khuukdong netah ng’huipaa khai ah kawp ci.

MATTHE 8:25

Ang düihpüi gui naw Bawipa Jesuh cu m’tho u netah, “Bawipa na hun gui ä, kami si lawk khai kyak ci nei,” cine pyein ci gui.

MATTHE 9:17

Sapyit tui asü phi a u naw um akshe ung kä than man ci, than ah a kiak ung um pawk sei sapyit tui phi ng’chawt yawp khai. Cun ah kiasei um phi kä sheka ne sapyit tui phi kä ah dimaih vai ah sapyit tui asü cu um akthai ung than man nei,” cine m’cäi gui ci.

MATTHE 9:19

Cun ah kyasei Bawipa Jesuh cu ng’düi law ne ani awn a täng ah hteit tuk ci. Ang düihpüi gui phi hteit tuk ci gui.

LAMKTU 28:8

Publius ah a pa cu a pawi na sei gaw ne ng’yän ci. Paul cu ani ah im kyong ah lut ne taigü ci. Cun kawn ah ani ah khan ah a kut taih ne gai ba sak ci.