MATTHE 9:15 - Cho Bible Common Language 2016

¹⁵ Bawipa Jesuh naw, “Chumah khai ah pamihta ah a teihpüi gui cu, cun ah pamihta awn a täng ah ami om yah ung, thüisei khai gui ang? Cun ung phi cun ah pamihta cu ngami ungka la ne ami hteh nak püi vai ah a khin gawk lawk khai nei. Cun kawn ah ngami cu ei hlawi khai gui nei.

MATTHE 9:15 Referans Kwoze

THU PHLAAN 19:9

Cun kawn ah khankho chang naw, “Shin cu na guk vai nei, Htomehta ah hta m’um nak ung ami khü gui ah chang gui cu yeikyai nak om ci nei” cinetah leng ba mä ne, “Shin ah ng’thu cu Khanpughi ah ng’thu akcang ah kyak ci nei” cine na pyen nak ci.

JOHAN 3:29

Ceimah ci khäm cicu chumah ciah kyak ci. Chumah ciah teih püi cun naw, chumah ciah k’o cu ng’düi ne ngai netah, ang yak ung ang htei ah a yeikyai ah mäih ah, kei ang htei ah ka yeikyai pyi ci nei.

THU PHLAAN 21:2

Khanpughi ah khanmawpi ungka theingcim ciah Jerusalem mang gaw thai cu a cei awn ng’hmu lawk khai goi ah ng’laamihta ah ng’bilaw ah mäih ah kyum law sei ka hmuk ci.

LAMKTU 14:23

Ngahni naw khritha bum päng ung a gham gui hei m’düih vü ne, ei hlawi ne taigü nak awn, ami yum ah Khanpughi ah ap gui ci ci goi.

1 KORIN 7:5

Nangmi naw k’taigü nak vai ah ng’dawt ne nami k’bäi ah akhin nami peit ah kawn ah, ng’chula goi ah ng’yak hlü cu kä nami ng’chei en sak vai nei. K’Taigü nak ang pyi kawn ah nami om man ah nami om ba vai nei. Cun ung vah nami m’lung cu htingling sak hlawt u ne Satan ah tüihtok nak cu nami m’khüt näng khai.

JOHAN 16:6

Acun ah mawng ning m’thein gui ngä sei nami m’lung thüi ngai ci.

ISAIAH 22:12

Uktu m’gäi ciah Bawipa naw, thüisui sui ne, nami lu k’teiu ne, nami thüi kyah vai ah ning khü gui ci nei.

2 KORIN 11:27

Kei cu yaica bawngbai ne khuut ka bik ci; ih ah phi kä ka ip hlawt ci, tui ah ka gha ci, ei ah ka cawi ci; phü ne ei vai kä om ci, yii vai kä om ci, sui vai kä om ci

MATTHE 9:14

Cun kawn ah Johan ah ang düihpüi gui cu Bawipa Jesuh ah pei ah law u netah, “Keimi la pharisee gui cu a shäng shäng ei kami hlawi ci, cun ung phi nang Bawipa ah düihpüi gui cu, a i ah kiasei ei kä ami hlawi tu ang? cine ng’shik ci gui.

MATTHE 9:16

A u naw phi sui ak kheei cu sui akthai awn kä k’dawm man ci nei. K’dawm ah a kyak ung akthai naw kaih sei ak kheei cu teek law pi ci.

MAKUH 2:19

Bawipa Jesuh naw, “Chumah ciah pamihta ah akhin gui cu, amät awn a täng ah ami om yah ung ei hlawi hning khai gui ang? Chumah ciah pamihta a om ah chuih ei kä hlawi khai gui nei.

MAKUH 2:20

Cun ung phi ngami ung kaa, cun ah pamihta ng’pai ne a hteh nak ba vai ah hnüüp a gawk law ung, ngami cu ei hlawi khai gui nei.

LUKA 5:34

Bawipa Jesuh naw, “Hta m’um nak ung chumah ciah pami a om ah chuih khin gui cu ei hlawi sak gui khai ang?

LUKA 5:35

Cun ung phi chumah ciah pami cu ngami ungka ami hteh nak püi vai ah hnüüp gawk lawk khai nei, cun kawn ah ngami cu ei hlawi khai gui nei” cine pyen na gui ci.

LUKA 17:22

Cun kawn ah Bawipa Jesuh naw ang düihpüi gui-am, “Chang ah Htapa ah kho hnüüp ät la nangmi ah ng’yak hlü ah kho hnüüp cu gawk lawk khai. Cun ung phi cun goi cu, kä ng’bui khai.