MATTHE 9:13 - Cho Bible Common Language 2016

¹³ Kei cu peit taak ah mä m’gein nak kam hni pi ci, ciah cacim cu teng ne vang ngaih-tüh ba vä. Kei cu chang k’ni gui ka hun gui khai ah ka lawk ciah kä kyak ci, changshe gui ka hun gui khai ah ka lawk ei nei,” cine pyen na gui ci.

MATTHE 9:13 Referans Kwoze

MAKUH 2:17

Cun ah ami ng’shi gui cu Bawipa Jesuh naw ng’ya gui netah, “Gai ciah hmawk ah sei bawi kä hlü ci, gaw ciah hmawk ah hlü ci, Kei cu chang k’ni gui ka khü gui khai ah ka lawk ciah kä kyak ci, changshe gui ka khü gui khai ah ka lawk ci” cine kyak na gui ci.

LUKA 19:10

Chang ah Htapa cu maih ciah chang gui shui ba gui ne hun gui khai ah kyum lawk ci nei” cine Zakhaeus-am pyen nak ci.

HOSEA 6:6

Kei naw ng’täi ciah anmi m’hni nak cu ka ng’ya hlük ci. Seime awn nami khawihnah nak ah kä kyak ci. Kei ah ka chang gui naw m’khih ne douthak ah dam ah ami na hmuhmat vai cu kei naw ka m’hni ci.

LUKA 5:32

Kei cu chang k’ni gui ng’yu ba khai gui ah ka khü gui khai ah ka lawk ciah kä kyak ci, changshe gui ng’yu ba khai gui ah ka khü gui khai ah ka lawk ci” cine pyen na gui ci.

MATTHE 12:7

Cacim ung ‘Kei naw ngawnsheh vawihpeh ah mä, m’gein nak cu kamhni pi ci,’ ciah om ciah a mawng cu nami hmat vai sü ung, katnak kä bik ciah chang gui düt thüi nah ne kä nami m’kat gui khai sü te.

NG'THU K'THUUK~ 21:3

Düng ci, bä cicu na bi vai, cun naw khawihnah nak law püi ah ta Bawipa cu yei sak pi ci.

2 PETER 3:9

Chang amshah ah ngaih ah mäih ah, Bawipa cu a shaitaak ah mäih ah bi abi vai ah kä shokshü ci, chang tumat hta phi kä dimaih ne, chang avan cu cheishoh nak ungka ami ng’hlah law ba vai ah ng’ya hlü ne, hnimgei ne om ci.

LAMKTU 3:19

Cun ah kiah seih ng’yu ba u neh Khanpughi ah ng’hlat law vä, nami katnak ning m’gein gui khai.

LAMKTU 11:18

Cun ah thu ng’ya u netah cun ah chang gui cu, kä pyein m’shet ba u ne, “Khanpughi naw changpakhui hei gui am phi, ng’yuvat ba ne ghin nak gah vai ah mawng cu pe gui ci nei” cine Khanpughi cu m’hlüngtai ci gui.

MATTHE 3:2

“Nami shetkat nak ng’nü ung ng’yu ba vä, Khanpughi ah uknak kho cu ng’et law pyii ci nei” cine ng’thu pyein ci.

LAMKTU 5:31

Israel chang gui ng’yu ba u netah ami kat ami phiawn nak vai ah, Khanpughi naw cun ah Bawipa cu, thawh ba sak netah akpat lam ung ang vaipi lah Hun Bawipa ah ngoh sak pyi ci nei.

LUKA 24:47

Ani ah ang ming awn kat phiawn nak la ng’yu vat ba nak ah mawng cu Jerusalem ung tün ne, akho päng ung, chang pakhui avan-am m’thein gui vai nei.

MATTHE 4:17

Cun ung tüi ne Bawipa Jesuh naw, “Nami shetkat nak ng’nü ung ng’yu ba vä, khankho uknak ng’et law pyii ci nei” ci ne ng’thu pyein lawk ci.

LAMKTU 2:38

Peter naw, “nang mi ak chang sing cu, nami katnak ung ka nami ng’yu ba vai, Bawipa Jesuh Khrih ah ming awn tui nami hnim vai, cun ung nami katnak cu ning m’gein gui seih, nang mi naw Khanpughi ah Mumcha Theing cu nami gah khai.

MATTHE 3:8

Akcang ah nami ng’yu ba ah mawng cu nami om ih awn nami m’dang vai nei.

LAMKTU 20:21

Judah chang gui am phi bäi, changpakhui hei gui am phi bäi, Khanpughi ah ma ah ami katnak ng’yu ba u ne, Bawipa Jesuh cu ami yum vai ah kheing ne ka m’thein gui ci.

MATTHE 21:42

Bawipa Jesuh naw, “Shin ah cacim cu kä nami phat tu man ci kya ne maa? “Lung im co ci gui naw ghü ne ami ghäih ah lung cu, Ak tung pibäih ung düi ciah lung ah kya lawk ci. Cun cu Bawipa ah bi ah kya ne, ang htei ah cäicat vai ah kya ci.

MATTHE 12:3

Bawipa Jesuh naw, “David ghangpughang naw, amät la ak chang gui ei cawi law u netah, bi abi cu kä nami phat tu man ci ma?

MAKUH 12:26

Sih nak ungka thawh nak ba ah mawng Moses ah cacim cu kä nami phat man ne ma? Cun ah cacim, mei ah däi ciah cap-plum ah a mawng ung, Khanpughi naw, “Kei cu Abraham ah nak Khanpughi, Isaak ah nak Khanpughi, Jakob ah nak Khanpughi nei” cine Moses ah ma ah thu pyein ci.

JOHAN 10:34

Bawipa Jesuh naw, “Nami ng’thu khän ung Khanpughi naw, Nangmi cu Khanpughi ah mäih ah nami kyak ci cine pyein ci. Cacim ung om cicu angtäi ah bä ciah mi hmat ci.

MATTHE 19:4

Bawipa Jesuh naw, “Ak htük ge ung Pushipi naw pami la hnumi cu tüi pyang goi ci.

MATTHE 12:5

Cun kawn ah taigü gui naw kyin hnüüp päng ung kyin nak ah thukhän gui cu m’shet u sei phi m’kat nak gui kä om ci, ciah Mosesah thukhän ung om cicu kä nami phat tu man ci ma?

LUKA 10:26

Bawipa Jesuh naw, “Cacim ung a i ah nei a om? Nang naw a i ah nei na hmat?” cine ng’shi tu ba ci.

MAKUH 12:33

Khanpughi cu m’lung kyong avan, hmuhmat nak avan la k’tha gui avan nawn m’hni vai, mät ah paw chang cu mät awn m’täng ne m’hni vai’ ciah thukhän hnih läk cu Khanpughi-am ak ghing ngawn ne m’khih ne khawihnah nak la Khanpughi-am a hei gui peit nak nüng ah tah bä pi ci nei” cine pyein tu ba ci.

LUKA 5:31

Bawipa Jesuh naw, “Ak gai naw seibawi kä ng’ya hlük ci, ak gaw naw vah ng’ya hlük ci.