MATTHE 8:9 - Cho Bible Common Language 2016

⁹ Kei cu kang vai ah ng’thu ka ngai ci, kei ah kaa ah phi gakap gui om ci gui. Gakap tumat cu hteit ä, ka ci ung hteit ci, law ä, ka ci ung lawk ci, ka changshäm cun phi cun bi ä, ka ci ung bik ci,” cine pyein ci.

MATTHE 8:9 Referans Kwoze

TITUS 2:9

Changshäm gui cu ami bawi ah ng’thu ami ngaih vai, a mawng avan ung ami bawi ami yei sak vai, ling ne kä ami thu en tu ba vai,

KOLOSE 3:22

Changshäm gui aw, hnicim chang nami bawi cu, a päng avan ung nami ngaih vai nei, a ning täk gui la a ning m’cäi gui ah nami kyak bäng ah kä kyasei, Bawipa nami kyih aa nak awn m’lung theing awn nami hnünthawh peit vai.

LUKA 7:8

Kei cu ang vai ah ak ka ung ka om ci, kei ah ka ung phi gakap gui om ci gui. Ngami ungka “Htiet ä” ka ciah chang cu hteit ci, “Law ä” ka ciah chang cu lawk ci. Ka changshäm cun phi “Shin na bi vai” ka ci ung acun cu bik ci” cine pyein ci.

LUKA 4:39

Bawipa Jesuh naw akgaw ah pei ah hteit netah, gawnak cu k’taap ge ne k’täm ci. Gaw nak maih sei, acun vai-am ani cu tho law ba ne, ngami cu khin na gui ci.

SAM 148:8

Lailäp la gäi lung, khüi toi la kho ng’mei, puikho khi avan a thumkhän ngai ci gui naw.

SAM 119:91

Ak ghing om avan cu tuhngawi güt om ci gui, cun cu na thumkhän ah hmawk ah kyak ci, cun gui ami van cu na shäm ah ami kyak ah hmawk ah kyak ci.

MATTHE 8:8

Gabawi naw, “Nang cu kei awn kä ni khin ciah kyak sei, ka im kyong ah na law vai ah kä khin pang ci nei, m’khüt näng nak thu bäng na pyein ung ka chang cu gai ba khai nei.

MATTHE 8:10

Cun a ciah thu cu Bawipa Jesuh naw ng’ya ne cäicat netah, chang gui-am,

MAKUH 1:27

Chang gui cu ang htei ah cäicat u netah, “shin ah a mawng cu a i hawkcha ah ang? m’theithang nak ak thai a hei ang? Ani naw khoshe gui cu k’täm gui sei, ngami naw ang thu cu ngai ci gui nei” cine ami mät ng’cecäk ci gui.

LUKA 9:1

Bawipa Jesuh naw ang düihpüi sing gha-lei-goi cu a pei ah khü gui netah, khoshe m’khüt nak la nat nak näng nak ah hlüngtai nak la m’khüt näng nak cu ap gui ci.