MATTHE 8:8 - Cho Bible Common Language 2016

⁸ Gabawi naw, “Nang cu kei awn kä ni khin ciah kyak sei, ka im kyong ah na law vai ah kä khin pang ci nei, m’khüt näng nak thu bäng na pyein ung ka chang cu gai ba khai nei.

MATTHE 8:8 Referans Kwoze

SAM 107:20

Ani naw a thukän awn gai sak gui ne, ng’cim hmun ungka hun gui ci.

SAM 33:9

Ang thu m’gawng ung ka khomdek cu ng’tüisho ci, ang thum khän ung ka apäng dang lawk ci.

MATTHE 8:3

Bawipa Jesuh naw a kut k’phiaat ne hei tawn netah, “Ka ng’yak hlü om ci nei, theingthap sä,” cik ci. Acun vai-am cun ah chang cu theek ne gai ba ci.

JOHAN 1:27

Cun ung phi kei cu ani ah phahnat gui k’phian khai ah phi kä ka khin ci” cik ci.

LUKA 5:8

Simon Peter cu acun gui hmu netah Bawipa Jesuh ah ma ah m’kuukdong ne, “Bawipa, kei cu katnak bik ciah chang ah ka kyak ci kyasei, kä na k’et ne a hei ah hteit tei-ä” cik ci.

MATTHE 3:11

Nangmi nami ng’yu ba ah hmawk ah tui awn tuihnim nak ka ning pe gui ci, Kei ah ka hnu ah lawk ciah Bawipa naw Mumcha Theing la mei awn hnim nak ning pe gui khai. Ani cu kei ah mä hlüngtai pi ci, Kei cu ani ah phahnak phi ka kawt khai ah kä ka khin ci.

LUKA 15:21

A hta naw, “Kapa aw, kei cu Khanpughi la nang Kapa ah khan ah kat nak ka bi pyi ci nei. Cun ah kyasei, nang kapa ah hta ah kä ka khin ba ci nei” cik ci.

LUKA 15:19

Nang kapa ah na hta ah kä ka khin ba ci nei, ci ne ka pyein khai” cik ci.

MATTHE 3:14

Cun ung phi Johan naw, “Kei cu nang naw tuinim nak na na pek khai ah kyak ci, cun ung phi kei ah nang na lawk ci ma?” cine ana maa nak ci.

KHEI NAK 20:8

“Thukhän M’küm ah ma ah ka, ng’shawpawng na lak vai, cun kawn ah nang la Aaron naw chang bum avan cu nami ng’bum sak vai. Chang avan naw nami ma ah lungsheng cu nami pyen nak vai, cun ung cun ah lung ungka tui lut lawk khai. A cu cha ah nang naw chang gui ah phäh ah lung ungka tui cu na lak pe gui khai, chang gui la ami seime gui naw awk khai gui.”

SAM 10:17

O Bawipa, ng’neim ci gui ah taigü cu na ngai khai nei; Nang naw thamah nak na pe gui khai.

ATÜNNAK 32:10

Na m’hni nak la na bekhüt nak cu kei changshäm awn kä khinkha ci nei. Cau kei naw Jordan tuinu cu ng’shopawng bäng awn ka kat lawk ci nei, cun ung phi tuhbäi chang bum hnih kami law lawk ci.

MATTHE 8:7

Bawipa Jesuh naw, “Kei naw law ne ka gai sak khai nei,” ci khätah;

MATTHE 8:9

Kei cu kang vai ah ng’thu ka ngai ci, kei ah kaa ah phi gakap gui om ci gui. Gakap tumat cu hteit ä, ka ci ung hteit ci, law ä, ka ci ung lawk ci, ka changshäm cun phi cun bi ä, ka ci ung bik ci,” cine pyein ci.