MATTHE 8:4 - Cho Bible Common Language 2016

⁴ Bawipa Jesuh naw, “Shin ah mawng cu a u-am kä nam thein-en vai, cun ung phi taigü ng’vai ah hteit ne na pumsa cu nam hnuh vai, cun kawn ah na gai nak ah mawng ang dang vai ah Moses ah thukhän ah mäih ah peit taak nak na bi vai,” cine pyen nak ci.

MATTHE 8:4 Referans Kwoze

LUKA 17:14

Bawipa Jesuh naw, hmu law gui netah, “Nangmi hteit ne taigü gui-am nami pumsa vam hnuh gui vä” cik ci. Ngami cu Taigü gui ah ami hteh nak lam ah hteit ba yawp ci gui.

LUKA 5:14

Bawipa Jesuh naw, “Shin ah mawng cu a u-am kä nam thein-en vai nei, taigüpa ah yäih ne hteit ne, na pumsa na teng sak vai, cun ung chang van naw na gai ah mawng hmat tuk khai gui. Cun kawn ah Moses ah thukhän ah mäih ah peit taak nak na bi vai nei” ci ne pyen nak ci.

MAKUH 7:36

Bawipa Jesuh naw cun ah a mawng gui cu, a u-am phi kä ami m’thein-en vai ah m’yih sak gui ci. Cun ah Bawipa Jesuh naw m’yih sak gui sei phi, chang gui naw acun ah mawng cu pyein law pi k’täi ci gui.

MATTHE 9:30

ani mik cu acun vai-am m’dei lawk ci. Bawipa Jesuh naw, “Shin ah a mawng cu a u-am kä nani m’thein-en vai,” cine khän ne m’cäi goi ci.

MAKUH 6:11

Nangmi ning maa na gui ciah pigaw ung kä nami om tu vai. Nami ng’thu kä ngai ciah chang gui nami hteh taak gui vai. Cun ah nami hteh taak gui ung nami kho pha ung kaa, m’vut nami khawn shüt vai, cun cu ngami ah hmawk ah ng’thu m’shi nami sho shüt ah kiak khai” cine m’cäi gui ci.

MAKUH 5:43

Bawipa Jesuh naw, “Shin ah a mawng cu a u-am phi kä nami m’thein-en vai” cine ak tung ah khän gui netah, “Hnumi hta-am ei m’bei vä” cine pyen na gui ci.

MATTHE 17:9

Cun kawn ah Bawipa Jesuh la ang düihpüi gui cu, khomhtung ah kaa kyum law ba ci gui. Ami kyum law ba yah ung Bawipa Jesuh naw, “Tuhbäi nami hmuh gui cu, chang ah Htapa sih nak ungka a thawh law ba ung khüt sei, a u-am kä nami m’thein vai,” cine ang düihpüi gui-am m’yih sak gui ci.

MATTHE 10:18

Mang ah im ung ning tuthat gui khai gui. Nangmi cu kei ah hmawk ah uk-chuk ci gui la ghangpughang gui ah ma ah ning hteh püi gui khai gui. Cun ah kyasei ngami gui la a pakhui hei gui-am ng’thu k’ni cu nami m’thein gui khai.

MATTHE 6:1

‘Chang ah ma ah chang gui ah ning hmuh gui vai ah peit taak nak cu kä nami bi vai. Chang gui ah ning hmuh gui vai ah nami bi ah a kiak ung, khankho ah om ciah nami Pa naw a i phi kä ning m’cümhnah gui khai.

MATTHE 5:17

Moses ah Thukhän la profet gui ah cacim cu ka plawh sheh khai ah ka lawk ciah kä nami ngaih-en vai. Ka plawh sheh khai ah ka lawk ciah kä kyak ci, acun gui ka kümbe sak khai ah ka lawk ci nei.

ISAIAH 42:21

Bawipa cu khanpughi nei, ani naw ang ghit ah hun hlük ci nei. Angthukhän gui la a m’theithang gui cu m’hlüng tai ci nei, A chang gui naw ami m’tamkhah vai ah ng’ya hlük ci nei.

JOHAN 8:50

Kei naw ka mät ah hlüngtai nak vai kä ka shui ci, cun ung phi kei ah hlüngtai nak vai shui ne, kei lam ah om ne, m’khoichak ci cu om ci.

JOHAN 7:18

Amät ah ng’yak hlü pyeinsak ci cu, amät ah mingthang nak vai ah kyak ci. Cun ung phi tüi lawk ciah mingthang vai ng’ya hlük ci naw, düng nak awn ng’thu pyein ci, ani ung hleeihlak nak kä om ci.

JOHAN 5:41

“Chang ah m’hlüngtai vai kei naw kä ka ng’ya hlük ci,

LUKA 21:13

Cun gui cu nangmi naw Thu Ni nami pyein nak vai ah akhin k’ni ah kiak khai.

MAKUH 8:30

Cun kawn ah Bawipa Jesuh naw, “Kei a u ah ka kyak ah mawng cu a u-am kä nami m’thein-en vai nei” cine khän ne m’cäi gui ci.

MATTHE 16:20

Cun kawn ah Bawipa Jesuh naw amät Messiah ah a kyak ah mawng cu, a u-am kä ami m’thein-en vai ah ang düihpüi gui-am m’yih sak gui ci.

MATTHE 3:15

Bawipa Jesuh naw, “Khanpughi ah a pyein ah bi mi bik khai kya sei, acun ah na bi vai” cine kyak na khätah, cun kawn ah Johan naw yum ci.

MAKUH 13:9

Nangmi cu ngaih na ne nami om vai. Chang gui naw nangmi cu yung ah m’kawt ung ning ap gui khai gui. Pum im ah k’caw ah ning that gui khai gui. Nangmi cu kei ah hmawk ah bawimang gui la ghangpughang gui ah ma ah gawk u ne, Thu Ni pyein ne nami ng’shä khai.

TAIGÜTHUM 13:49

cun cu ng’kyiing law ne baw, sen law ne baw a kyak ung, cun cu khei nak pung lawk ciah kyasei, taigü am m’hnuh vai.

MAKUH 3:12

Bawipa Jesuh naw mümcha she gui cu, ani a u ah a kyak ah mawng m’dang ne kä ami pyein vai ah khän ne k’bäi gui ci.

MAKUH 9:9

Cun kawn ah Bawipa Jesuh la ang düihpüi gui cu khomhtung khan ah kaa kyum law ba ci gui. Cun ah ami kyum law ba yah ung Bawipa Jesuh naw, “Nangmi naw tuhbäi nami hmuh cu, chang ah Htapa sih nak ungka kä a thawh ba pha ah chuih, a u-am phi kä nami m’thein-en vai” cine ang düihpüi gui cu khän ne m’cäi gui ci.

LUKA 4:41

Khoshe gui cu chang gui ungka lut law yawp u netah, “nang cu Khanpughi ah Htapa ah na kyak ci nei” cine ng’shäu u ne dawng yawp ci gui. Bawipa Jesuh Messiah ah a kyak cu khoshe gui naw hmat ci gui ah kiasei, acun ah mawng kä ami pyein vai ah m’cäi gui ci.

LUKA 8:56

Anu pa gui cu ang htei ah cäicat ci gui. Cun ung phi shin ah amawng gui kä ami pyein sak vai ah ng’thu khän gui ci.

LUKA 9:21

Bawipa Jesuh naw acun ah mawng api ah phi kä ami ngak-en vai ah m’cäi gui ci.