MATTHE 8:27 - Cho Bible Common Language 2016

²⁷ Ang düihpüi gui cu cäicat u netah, “Shin ah chang cu a i chang leng leng ang, khokhi tui ng’hnawk naw phi ang thu ngai ci nei,” cine kyak ci gui.

MATTHE 8:27 Referans Kwoze

MAKUH 7:37

Cun ah a mawng ng’ya tuk ciah chang gui cu ang htei ah cäicat u netah, “Bawipa naw a päng avan cu düng khai ah bi pyi ci nei, ak hnga pang ci gui ng’lang sak gui ne, awng ang ci gui ng’thu thei sak gui ci nei” cine pyein aih ci gui.

MAKUH 6:51

Cun kawn ah ami om nak hleiko ah khan ah hang kai tuk ci. Ang düihpüi gui cu ang htei ah cäicat ne ngaih-tüh khit ci gui.

MAKUH 1:27

Chang gui cu ang htei ah cäicat u netah, “shin ah a mawng cu a i hawkcha ah ang? m’theithang nak ak thai a hei ang? Ani naw khoshe gui cu k’täm gui sei, ngami naw ang thu cu ngai ci gui nei” cine ami mät ng’cecäk ci gui.

MATTHE 15:31

Ak ang gui thu thei ci gui, apumsa kä küm ci gui küm ba ci gui, akho khem gui hteit thei ci gui, amik m’dauh gui m’dei lawk ci gui, acun gui cu chang gui naw hmu u netah, ang htei ah cäicat u neh Israel gui ah Khanpughi cu m’hlüngtai ci gui.

MATTHE 14:33

Hleiko khan ah om ciah ang düihpüi gui cu Bawipa Jesuh ah kawp ne ngüm yawp u netah, “Nang cu akcang ah Khanpughi ah Htapa ah na kyak ci nei,” cik ci gui.

MATTHE 8:10

Cun a ciah thu cu Bawipa Jesuh naw ng’ya ne cäicat netah, chang gui-am,

MATTHE 8:26

Bawipa Jesuh naw, “A i ah kyasei nami kyih aih ang? Nami yum nak ken aih ci nei,” cine kyak na gui netah, khokhi tui ng’hnawk cu k’de ne ng’düm sak sei, acun vai-am khokhi cu ng’düm yawp ci.

MATTHE 8:28

Cun kawn ah Bawipa Jesuh cu tuilinu ah vang-gaa, Kadra kho lam ah vah kai ci. Cun yah ung khoshe ah kai chang sing goi cu, ng’cim hmun ungka lut law ni ne, Bawipa Jesuh cu hmu lawk ci goi. Ngahni cu ngetngawng aih ni sei cun ah lam ung a u kä hteit ba ci.