MATTHE 8:26 - Cho Bible Common Language 2016

²⁶ Bawipa Jesuh naw, “A i ah kyasei nami kyih aih ang? Nami yum nak ken aih ci nei,” cine kyak na gui netah, khokhi tui ng’hnawk cu k’de ne ng’düm sak sei, acun vai-am khokhi cu ng’düm yawp ci.

MATTHE 8:26 Referans Kwoze

SAM 65:7

Nang naw tuinu gaai ne ng’hnawk ci phi na ng’düm sak ci, chang gui ah m’lau ne m’gäi nak phi na dim sak ci.

SAM 89:9

Nang naw huham mah ciah tuinu na uk ci; am lungshe nak ah tui ng’hnawk phi na ng’düm sak ci.

MATTHE 6:30

Zum nak ken ciah chang gui, tuhngawi ching ne ngawi ung chawng sei mei ah uih vai ah, khu m’ghaw gui pang hngaw Khanpughi naw cun ah a müisa sak gui ung, nangmi läi cu, cun ah dämda hlüngtai pi khai ah, ning müisa sak gui khai ah kä kya ne ang?

ROMAN 4:20

Ani cu a yum nak kä ng’hlat phung ci, Khanpughi ah shaitaak phi kä a ngaih gep nak kä om ci; a yum nak naw hlüngtai nak awn be sak sei, Khanpughi cu m’hlüngtai ci.

MATTHE 16:8

Cun ah ami ng’cecäk cu Bawipa Jesuh naw ng’ya gui netah, “A i ah kyasei ei kä nami sho ah mawng pyein ne nami ng’htau ang?

THU PHLAAN 10:2

Ani cu k’phiaat pyi ah ca k’chaw hta a kut ung kawt ci. Akpat lam a khaw awn tuinu ung ng’leh ne, ak eng lam a khaw awn khaw kawng ung ng’leh ne ng’düi netah;

HABAKKUK 3:8

Bawipa, tuinu gui naw na m’lung ning shet sak u ne ma? Tuilinu gui naw na m’lung ning so sak u ne ma? Nang cu khongmei ah khan ah na ng’cum ci; puikho khi cu na ng’hlee ah kyak ci nang naw na chang gui ah näng nak na law püi ci.

NAHUM 1:4

Ani naw tuinu taam sei kawi ci! ani naw tuilawng gui kawi sak ci Bashan khawbung chawng ci. Karmela khomhtung ng’haam ci. Lebanon ah cheipai gui ng’yai ci gui.

ISAIAH 63:12

am pek ciah Bawipa cu a hawi ang? A huham awn, Moses ung ka naw, dämduh ci gui bik ciah Bawipa cu a hawi ang? Ani naw tuinu ng’bou sak ne, thuk ciah tui ung matawn ne a chang gui kan sak gui ci, cemna kya ne, amät naw amät khonglän ung ming thang sak ci nei.” Bawipa ah lam shüm nak awn, ngami cu k’pyase ah ng’leh ah mäih ah htek sei ng’leh u ne kä ng’täng phung ci gui.

MATTHE 8:27

Ang düihpüi gui cu cäicat u netah, “Shin ah chang cu a i chang leng leng ang, khokhi tui ng’hnawk naw phi ang thu ngai ci nei,” cine kyak ci gui.

MATTHE 17:20

Bawipa Jesuh naw, “Cun cu nami yum nak a ken su ah kyak ci nei, kei naw akcang ka pyein cu, nangmi ung, anhta ui teih pang yum nak a om ung, shin ah khomhtung cu ‘Ng’nawn ä,’ nami ci ung ng’nawn khai nei. Zum nak awn kä nami m’khüt cu a i kä om khai nei.

LUKA 4:35

Bawipa Jesuh naw khoshe cu huuttaap ge ne, “Khoshe, kä chawkchek ne, shin ah chang ungka lut law ne, a hei ah hteit ä” cine k’täm ci. Acun vai-am, ami ma ge ung khoshe cu, chang a i ah phi kä plawh kheih shüt ah lut law ne dawng ci.