MATTHE 8:25 - Cho Bible Common Language 2016

²⁵ Ang düihpüi gui naw Bawipa Jesuh cu m’tho u netah, “Bawipa na hun gui ä, kami si lawk khai kyak ci nei,” cine pyein ci gui.

MATTHE 8:25 Referans Kwoze

JONAH 1:6

Htinpaw kepting naw ani cu hmu neta, “A i ah kyasei na ih ang? Tho law ne na Khanpughi ah taigü ä! Ani naw mikmi ah hmawk ah ng’ä neta, mi hnun gui nak phyawn gui hman khai nei” cik ci.

LUKA 8:24

Ang düihpüi gui naw Bawipa Jesuh cu m’tho ba u ne, “Bawipa, kami si lawk khai kyak ci nei” cine m’lau ci gui. A ih nak ungka tho law ba netah, Bawipa Jesuh naw kho khi la tui ng’hmawk cu ng’düm sak ci, kho khi ng’düm ne tui hnawk pyei ci.

2 SHONTÄP NAK 20:12

Nang cu kami Khanpughi ah na kyak ci nei, m’kyuk gui ä. Na tu law gui ciah gakap ak tung ah ma ah amgein kaa ah kami kyak ci nei. Keimi a i ah kami kyak vai kä kami hmat ci, cun ung phi na na m’htei gui vai ah kami ning teng ci nei.

2 SHONTÄP NAK 14:11

Asa cu Bawipa a Khanpughi ah taigü ci,” O Bawipa nang naw huham mah ciah gakap na m’htei ah mäih ah yoken ci phi na m’htei hning ci nei. O Bawipa kami Khanpughi, tuhbäi na m’htei gui ä, keimi cu nang ung kami ng’khüih ci nei, nang ah ming awn lut law ne shin ah däm aih ciah gakap cu kami tuk ci nei. Bawipa, nang kami Khanpughi; nang cu a u naw kä ning tu hnim hlawt ci nei.”

SAM 10:1

A i ah kiyasei na ng’shawng aih ang, Bawipa? Keimi kami khüikha sangung a i ah kyasei na mät na ng’thuh ang?

MATTHE 8:2

Cun sang ung kheilei ung gaw ciah chang tumat cu, Bawipa ah ma ah m’kuukdoong netah, “Bawipa na ng’yak hlü a om ung kei ah gaw nak cu na theek sak ä,” cik ci.

MATTHE 8:24

Tuilinu ung akten ah puikho khinu ng’pheet ne khi ne, hleiko cu tui ng’hnawk naw k’plüm lawk ci. Cun ung phi Bawipa Jesuh cu abü ah ip ci.

MATTHE 9:18

Bawipa Jesuh naw cun ah ng’thu a pyein yah ung, Jew chang yungbawi tumat cu Bawipa Jesuh ah pei ah law ne m’khuukdoong netah, “Ka hta hnumi cu tuhbäi hta sik ci nei, cun ung phi nang Bawipa law ne ak khan ah na kut na taih ah a kyak ung, ani cu ghing ba khai nei,” cine ng’hui ng’paa ne pyein ci.