MATTHE 8:22 - Cho Bible Common Language 2016

²² Cun ung phi Bawipa Jesuh naw, “Ka hnu ah na läk ä, ak si cu ak si gui naw htüm u sä,” cine pyen nak ci.

MATTHE 8:22 Referans Kwoze

LUKA 15:32

Cun ung phi nang na nau cu ayan si te ci, tuhbäi ghing law ba ci, ayan maih te ci tuhbäi mi hmu ba ci. Cun ah kyasei mik mi cu mi yeikyai ne, ei awk nak mi bi püi ah kyak ci,” ci ne m’cäi gui ci.

KOLOSE 2:13

Nangmi cu ayan, thukhän kä om ciah chang khui hei la cheishoh ciah chang ah nami kyak nak awn nami mümcha cu si te ci. Cun ung phi tuhbäi Khanpughi naw nangmi cu Bawi Khrit awn nami ghing khai ah ning khü ba gui ci nei. Khanpughi naw mi kat nak gui avan cu, nam gein gui pyi ci nei.

EPHESIAN 5:14

Cun ah dang law ci phung phung cu akdei ah kya lawk ci nei. Cun ah kyasei cacim theing ung; “Ip ci gui let law vä, Sih nak ungka tho law vä, Nami khan ah Bawi Khrit ng’shü lawk khai nei” ciah om ci.

EPHESIAN 2:5

ang thu kä ngaih nak awn mi mümcha a sih nak ung ka, Bawi Khrit awn a täng ah na ghin ba sak gui ci. Nang mi cu Khanpughi ah a gein nak bäng awn hun nak nami gah ciah kyak ci.

EPHESIAN 2:1

Yanä nang mi cu ngaih she nak la shetkat nak ung mümcha aksi ah nami kyak ci.

1 TIMOTHI 5:6

Cun ung phi a om shek ciah hmeinu läi cu a ghin ung phi ak si ah kiak ci nei.

JOHAN 1:43

A ngawi ung Bawipa Jesuh cu Kalile kho ah a hteh nak ba ah, Philip cu hmu netah, “Na läk ä” cik ci.

MATTHE 9:9

Bawipa Jesuh naw cun ungka a hteh nak ba lam ah, ayung kyong ah ngok ciah, akhawn look ciah Matthe cu hmu netah, “Ka hnu ah na läk ä,” cine kyak na sei, Matthe cu tho law ne a hnu ah läk tuk ci.

1 GHANGPUGHANG GUI 19:20

Elisha naw vantang gui nawng ne, Elijah ah dawng law neta a pyen cu, “Kapa la kanu cu ng’ui ne ka yavaih goi cang khai, cun kawn ah nang awn a täng ah ka hteit tuk khai nei” cik ci. Elijah naw, “Ä ya, hteit ba ä, kä ka ning ma nak khai nei!” cik ci.

MATTHE 8:21

Ahei ang düihpüi tumat naw, “Bawipa, kapa ah gook ka va htüm ba cang khai,” cine pyein ci.

MAKUH 2:14

Cun kawn ah Bawipa Jesuh naw a hteh nak ba ah khon ami loh nak ah yung ung ngok ciah Alphaeus ah hta Levi cu hmu netah, “Ka hnu ah na läk ä” cine khü khätah, Levi naw ng’düi law ne a hnu ah läk ci.

LUKA 9:59

Bawipa Jesuh naw, a hei chang tumat-am, “Na läk law ä” ci nak ci. Cun ung phi ani naw, “Kapa ah gook cu ka va m’cim ba cang khai nei” cik ci.

LUKA 9:60

Bawipa Jesuh naw, “Aksi cu aksi gui naw m’cim u sä, nang hteit ne Khanpughi ah Uknak kho ah mawng cu na pyein vai nei” ci nak ci.

LUKA 15:24

Ka hta cu ayan asih te ung phi tuhbäi ghing ba ci nei, ayan a maih te ung phi tuhbäi hmuh ba pyi nei” cine akchang gui-am pyein ah gui ci. Cun kawn ah ngami cu ei aw ne yeikyai yawp ci gui.

JOHAN 21:19

(Cun a cicu Khanpughi ah bämang nak dang khai ah Peter ah a sih vai ah mawng a pyein ah kyak ci.) Cun kawn ah Bawipa Jesuh naw, “Na läk ä” ci nak ci.

JOHAN 21:22

Bawipa Jesuh naw, “Kei ka law ba güt ung ani ghing ne a om vai ah kei naw kang yak hlü ah a kyak ung, nang naw a i na pyein vai kä om ci, ka hnu ah na läk ä” cine pyen nak ci.