MATTHE 8:20 - Cho Bible Common Language 2016

²⁰ Bawipa Jesuh naw, “Sa-ui cu a khui om ne, kha cu ang bu om ci, cun ung phi chang ah Htapa cu ang düm nak vai a i kä om ci,” ci ne pyen nak ci.

MATTHE 8:20 Referans Kwoze

SAM 84:3

M’Gäi ciah Bawipa, ka ghangpughang la ka Khanpughi, Biit hta gui naw ami ng’bu tuk ci gui, müm kha gui phi ami im om ci; Ngami naw na mang kyang pei ah ami hta yüüt gui baw ci gui.

LUKA 2:7

Mari cu pamihta ah hta lawk ci. Ngani cu ani im kai nak vai im kä awng ci kyasei, ak hmawhta cu yih awn hlawp ne vantang ei-ko ung m’ih ci goi.

2 KORIN 8:9

Nangmi naw mi Bawipa Jesuh Khrih ah m’gein nak cu nami hmat ci; Ani cu bühmang ciah Bawipa ah a kyak ung phi, nangmi ah hmawk ah pyam ci. A pyaamthaam nak awn ning bühmang sak gui ci.

LUKA 2:16

Gawk u netah, Mari la Josef la vantang ko ung ami m’ih ah ak hmawhta cu hmuk ci gui.

LUKA 2:12

Ak hmawhta cu yih awn hlawp ne, vantang ei-ko ung ami m’ih cu nami hmuk khai, cun nami hmuh ung ani cu nami hmat khai nei” cik ci.

SAM 109:22

Kei cu dukhaih ne ka gen vai ci; ka m’lung kyong cu nak ci nei.

SAM 69:29

Kei cu m’neh m’awh ne ka gein vai ci; O Khanpughi, na zu chang ne, na hun ä!

LUKA 8:3

Herod ah mangkyong ung bawi ah kyak ciah Chuya ah chu Joanna; Susanna la Bawipa Jesuh la ang düihpüi gui-am tu m’bei gui vai ah ami mät ah ei awk phui ne law tuk ci gui ah a hei hnumi akda gui ah kyak ci.

MATTHE 12:32

Chang ah Htapa m’shetkat ne ng’thu cicu m’gein hning ung phi, Mumcha Theing m’shetkat ne ng’thu ci läi cu, ngawi yä güt m’gein nak kä om hlawt khai.

SAM 104:17

Cun ah sing ghing ung kha gui naw ami ng’bu tuk ci gui; mümbawk gui m’htai ghing tai ung ng’bu ci gui.

MATTHE 19:28

Bawipa Jesuh naw, “Kei naw akcang ka pyein cu, kho akthai a gawk law hnüüp ung chang ah Htapa cu, bämang nak awn kümbe ciah mang ah kiang ung ngok khai, Cun yah ung kei ah kang düihpüi ah nami kyak ciah nangmi cu, mang ah kiang gha-lei-goi ung ngoh u ne, Israel pakhui gha-lei-goi cu nami uk khai.

MATTHE 17:9

Cun kawn ah Bawipa Jesuh la ang düihpüi gui cu, khomhtung ah kaa kyum law ba ci gui. Ami kyum law ba yah ung Bawipa Jesuh naw, “Tuhbäi nami hmuh gui cu, chang ah Htapa sih nak ungka a thawh law ba ung khüt sei, a u-am kä nami m’thein vai,” cine ang düihpüi gui-am m’yih sak gui ci.

MATTHE 16:27

Chang ah Htapa cu apa Khanpughi ah bämang nak awn ak khankho chang gui awn a täng ah kyum lawk khai. Cun kawn ah chang gui-am, ami mät ah om ih ah ciah, m’cümhnah nak cu pe gui khai.

MATTHE 16:13

Sisaria Philippi kho ah ami gawk law yah ung Bawipa Jesuh naw ang düihpüi gui cu, “Chang gui naw chang ah Htapa-am a u ah nei ami pyein?” cine ng’shi gui ci.

MATTHE 12:40

Jonah cu nganu ah puk khui ah hnüüp thum la mü thum a om ah mäih ah, chang ah Htapacun phi m’dek khui ah hnüüp thum la mü thum om khai nei.

MATTHE 12:8

Chang ah Htapa cu kyin hnüüp ah Bawipa ah kyak ci nei,” cine kyak na gui ci.

SAM 40:17

O Bawipa, kei cu ka zoken, ka dukhaih ci, cun ung phi nang naw kä na na m’hnih ci. Nang cu ka Hunbawi la ka Khanpughi ah na kyak ci — Ang ghit ah na m’htei ä!

DANIEL 7:13

Mü ah cun ah muimang ka hmuh sangung, chang ah mäih tumat cu ka hmuk ci. Ani cu khong mei naw koi sei kei täng ah ng’et lawk ci. Cun kawn ah ani cu angtäi ah ghing ciah ma ah hteit ci, a ma ah hteh nak hning gah ci.

SAM 104:12

A cun ah tui pei ah sing gui ung, kha gui cu ami ng’bu tu ne, ng’ging ci gui.

MATTHE 13:37

Bawipa Jesuh naw, “M’shi k’ni phu ciah chang cu chang ah Htapa ah kyak ci.

MAKUH 8:38

Khanpughi kä shüm ne shetkat nak ah tuhchü akhin ung, kei ah hmawk la kei ah m’theithang ah hmawk ah lü ng’a ciah chang cu, Apa Khanpughi ah bämang nak awn, chang ah Htapa, khanchang theing gui naw’ kiuung u sei a kyum law ba hnüüp ung ani ah hmawk ah lü ng’a nak om khai nei” cine kyak na gui ci.

LUKA 9:58

Bawipa Jesuh naw, “Sa ui cu a khui om ci, kha phi ang bu om ci, cun ung phi chang ah Htapa alu m’chim ne ang düm nak vai phi kä om ci.

LUKA 12:8

“Kei naw akcang ka pyein cu, chang ah maa ah, kei ah chang ah pyein ne, amät ng’kiaa ciah chang cu; khankho chang ah maa ah, Chang ah Htapa naw, amät ah chang ah pyein ne ng’kiaa pek khai.

LUKA 18:8

Bawipa naw ang ghit ah ng’düng khai ah m’khoichaa pe gui khai nei. Cun ung phi chang ah Htapa a law ba ung khomdek khan ah yumnak cu hmuk khai ang” cik ci.

LUKA 21:36

Tholet ne nami om vai, gawk lawk khai ah kho ah shet nak cu m’khüt ne, chang ah Htapa ah ma ah ng’düi ne m’khoichaa nak nami awt hning vai ah angtäi sei taigü ne nami om vai nei” ci ne m’cäi gui ci.

JOHAN 1:51

Bawipa Jesuh naw, “Kei naw akcang ka pyein cu, Khankho m’kawt hmawng law khätah chang ah Htapa ah khan ah khankho chang gui kyum kai u sei nami hmu lawk khai nei” ci na gui ci.

JOHAN 3:13

Khankho ah kaa kyum lawk ciah Chang ah Htapa ah kawn ah a u phi khankho ah kä gawk man ci nei.”

JOHAN 3:14

Moses naw bungpuk ah ng’lawi awn k’phyu a tai ah mäih ah chang ah Hta cu m’düih ne tai nak om khai nei.

JOHAN 6:27

Shekaa thei ciah ah ei awk cu käk tha nah ne, kä shekaa thei ciah, angtäi ghin nak ah ei awk cu tha na vä. Khanpughi naw hlüngtai nak a ap pyi ah kyasei, chang ah Htapa naw cun ah ei awk cu nangmi-am ning pe gui khai nei” cine m’cäi gui ci.

JOHAN 6:53

Bawipa Jesuh naw, “Kei naw akcang ka ning m’thein gui cu, chang ah Htapa ah asa kä ei ne, asi kä nami awk ung, nangmi naw ghin nak kä nami gah khai.

JOHAN 6:62

Chang ah Htapa cu a om nak htük ah kho ah a hang kai vü ba nami hmuh law ung mä, a i ah nami ngai khai ang?

JOHAN 12:34

Chang gui naw, “Keimi ah thukhän ung, Messiah cu angtäi ah ghing khai, ciah om ci; chang A Htapa cu m’dek ungka han k’phäi nak gah khai, na cicu a i ang? chang ah Htapa cu a u ang?” cine ng’shik ci gui.

JOHAN 13:31

Judas a hteh kawn ah Bawipa Jesuh naw, “Tuhbäi chang ah Htapa ah bämang nak cu deikhang pyi ci, Khanpughi ah bäimang nak phi chang ah Htapa ung dei ne dang pyi ci.

LAMKTU 7:56

Cun kawn ah Stephen naw, “Teng tu vä, khankho m’kawt ng’hmawng khätah, Khanpughi ah k’pat lam ung Chang ah Htapa ng’düi sei ka hmuk ci nei” cine pyein ci.