MATTHE 8:2 - Cho Bible Common Language 2016

² Cun sang ung kheilei ung gaw ciah chang tumat cu, Bawipa ah ma ah m’kuukdoong netah, “Bawipa na ng’yak hlü a om ung kei ah gaw nak cu na theek sak ä,” cik ci.

MATTHE 8:2 Referans Kwoze

MATTHE 18:26

Cun ah kya khätah cun ah chang cu ghangpughang ah ma ah m’khukdong ne kawp netah, ‘Kei ah khan ah na ngaih peä, ka pu cu avan ka thung hlawt vai ah ka tha nak khai nei,’ cine ng’hui paa nak ci.

MATTHE 15:25

Cun ci khätah cun ah hnuminu naw akho pei ah khuukdong netah, “Bawipa, kei cu nam gein ä,” cine ng’yoi ba ci.

1 KORIN 14:25

Acun ah ang yak tu gui naw ani cu ng’thumcha sei, ani ah m’yih ne ang ngaih-tüh gui cu avan ng’dang sei, “Khanpughi cu nami ng’lung ah akcang ah om ci nei” cine ng’kyaa ne, m’khuukdoong ne, Khanpughi cu khawihnah khai nei.

LAMKTU 10:25

Peter a luh law vai am Konelius naw a na do ne a kho pei ah m’khuuk dong ne ngok ci.

JOHAN 9:38

Amik m’dauh te ciah chang naw, “Bawipa, ka ning yum ci nei” ci ne Bawipa Jesuh ah ma m’khu khudong ne kyap ci.

MATTHE 28:17

Ngami naw Bawipa Jesuh cu hmu u netah, kawp ne khawihnah ci gui. Cun ung phi amshah gui naw, kä ngaih gep ci gui.

LUKA 4:27

Profet Elisha ah om yah ung phi Israel chang gui akda khei-lei ung gaw u sei, a u phi kä gai sak ci, Sirian ah kaa Naaman bäng gai sak ci” cine m’thein gui ci.

MATTHE 26:6

Bawipa Jesuh cu Bethani gawnu ah kheilei ung ayan gaw te ciah Simon ah im ah kai ci.

MATTHE 20:20

Cun kawn ah Zebedee ah chu cu a hta hnih ng’khah püi ne law ne, Bawipa Jesuh ah ma ah khuukdong netah ng’huipaa khai ah kawp ci.

MATTHE 14:33

Hleiko khan ah om ciah ang düihpüi gui cu Bawipa Jesuh ah kawp ne ngüm yawp u netah, “Nang cu akcang ah Khanpughi ah Htapa ah na kyak ci nei,” cik ci gui.

MATTHE 13:58

Cun ah Nazaret chang gui cu ami yum nak kä om khätah, Bawi Jesuh naw cäi aih vai ai phi käm dang ling ci.

MATTHE 9:18

Bawipa Jesuh naw cun ah ng’thu a pyein yah ung, Jew chang yungbawi tumat cu Bawipa Jesuh ah pei ah law ne m’khuukdoong netah, “Ka hta hnumi cu tuhbäi hta sik ci nei, cun ung phi nang Bawipa law ne ak khan ah na kut na taih ah a kyak ung, ani cu ghing ba khai nei,” cine ng’hui ng’paa ne pyein ci.

2 GHANGPUGHANG GUI 15:5

Bawipa naw Uzziah cu vun-khei nak awn gaw sak sei ani cu a ghin ah chuih a cun ung gaw ci. Ani cu im tumat ung om tu hnga ci, abi vai avan cu a hta am ap sei a hta Jotham naw kho cu uk ci.

2 GHANGPUGHANG GUI 5:27

Tuhbäi Naaman ah gaw nak cu nang ah khan ah gawk sä, nang la nang ah hta ng’shon cu ngawi yä a cun ung gaw vä!” cik ci. Kehazi cu a hteh ba vai am, ani ung gaw nak gawk sei ani ah vun cu khüi toi ah mäih ah bawk ci.

KHEI NAK 12:10

Cun kawn ah khongmei naw Phung cu ng’liim tak ci, Meriam ah vun cu ang ghit ah nat nak naw ui sei, a bawk ah ng’khe ne khüi ah mäih ah kyak ci. Aaron naw ani cu teng neta natnak naw a uk cu hmu neta,

THU PHLAAN 19:10

Cun ah kyasei kei naw a khaw pei ah kawp ne ka khawihnah khai pawng ngätah, khankho chang naw, “Kä na bi vai! Kei cu nangni, na phäi nau gui ni, Bawipa Jesuh ah m’dang ah ang thu düng läk ciah chang gui ni ah püipaw changshäm ah ka kyak ci, Khanpughi vah na khawhnah vai” cine na pyen nak ci. Bawipa Jesuh ah m’dang ah ng’thu düng awn vah purofet gui cu hnün thawh nak gah ci gui.

MATTHE 28:9

Acun yah ung Bawipa Jesuh cu a mi ma ah dang law ne “Nangmi ah khan ah ding gei nak om sä,” cine kyak ci. Cun ah hnumi gui naw a pei ah k’et u ne, a kho ung k’pang u netah, khawihnah ci gui.

MATTHE 10:8

Akgaw gai sak vä, aksi m’ghin ba vä, kheei lei ah ei gui theek sak vä, khoshe gui k’täm vä, Khanpughi ah m’gein nak kä khleih ah nami gah ci kyasei, chang gui am a phu kä lak ah vah pe vä.

MATTHE 4:9

“Kei cu m’khuukdong ne na na khawihnah ung shin gui avan ka ning pek khai,” cine pyen nak ci.

MATTHE 2:11

Ngahmi cu im kyong ah va lut u netah, ak hmawhta cu anu Mari awn atäng ah hmuk ci gui. Cun kawn ah ngami cu m’khuukdoong ne kaup u netah, ami law püi ah ghui ni, Frankinsen tui ng’ui ni, mura tui ng’ui ni gui awn khawihnah ci gui.

2 GHANGPUGHANG GUI 5:1

Naaman cu Siria gabawi ah kyak ci, Siria ghangpughang naw a hlüng ah achang m’sui, am hni ah kyak ci, a i ah kyasei ci ung Bawipa naw Sirian gakap gui am ani ung näng nak a pek gui ah phäh ah kyak ci. Ani cu dämduh ciah gakap ah kyak ci, cun ung phi ani cu kyih vai kyak ciah kheilei ung gaw ci.

2 SAMUEL 3:39

Kei cu Khanpughi naw a ghü ah ghangpughang ah ka kyak ung phi, tuh ngawi ka tha ken ci nei. Shin ah Zeruiah ah hta gui cu kei ah phäh ah ta, m’gäi m’cik aih ci gui nei. Shin ah chang chei yeeih gui cu ami katnak ah ciah Bawipa naw m’kyuk gui sä” cik ci.

MATTHE 8:1

Bawipa Jesuh cu m’htung khan ah kaa kyum law ba khätah, chang khli naw läk lawk ci gui.

MATTHE 8:25

Ang düihpüi gui naw Bawipa Jesuh cu m’tho u netah, “Bawipa na hun gui ä, kami si lawk khai kyak ci nei,” cine pyein ci gui.

LAMKTU 10:14

Peter naw, “Bawipa! Cun ah kä kya khai nei, a i yah ung phi kei naw sheka ne kä theingthap cicu kä ka ei man ci nei” ci nepyein ci.