MATTHE 8:16 - Cho Bible Common Language 2016

¹⁶ Khomü lam ah chang gui naw khoshe ah kai, chang akda law püi u sei, khoshe gui cu k’de ne k’täm gui ci.

MATTHE 8:16 Referans Kwoze

PHYAWN NAK 15:26

Ani naw, “Hman ciah ka ng’thu ah mäih ah bi nak la ka ng’thumkhän k’pan nak awn akbe ah nami na läk ah a kyak ung Egypt gui ah khan ah ka yuk chah law ah leigai ah mäih, api awn phi kä ka ning m’kyuk gui khai. Kei cu nangmi ning gai sak gui ciah Bawipa ah ka kyak ci” cik ci.

LUKA 4:40

Khohni a sip kawn ah chang gui naw akgaw gui akda law püi u sei, ak gaw gui ah khan ah tän ne a kut taih ne gai sak gui ci.

MATTHE 14:14

Bawipa Jesuh naw hleiko ung a kai kawn ah chang gui cu teng gui ne m’gein gui netah gawpai ci gui cu gai sak gui ci.

LAMKTU 5:15

Chang gui naw gaw pai ci gui cu law püi ci gui. Peter a hteh yah ung apü püi naw baw tah ang’hnim vai ah phak ni, kawh nak gui ni awn lam ung m’shäm ci gui.

MAKUH 5:8

(Cun ah am lau cu, Bawipa Jesuh naw, khoshe kha, shin ah chang ung kaa lut law ne maih ä’ cine khämtam ne ak täm ah phäh ah kyak ci)

MATTHE 12:22

Khoshe naw kai sei a i kä hmu ba ne, kä ng’thu ba hlawt ciah chang tumat cu, chang gui naw Bawipa Jesuh ah law püi ci gui. Bawipa Jesuh naw khoshe k’täm khätah cun ah chang cu, amik m’dei ba sei ng’thu law ba thei ci.

MAKUH 2:3

Cun yah ung chang phli naw shuum ciah chang tumat cu kawt law ci gui.

MATTHE 9:2

Cun yah ung chang gui naw akshum tumat kawt ne law püi ci gui. Bawipa Jesuh naw cun ah chang gui ah yum nak cu hmu netah, shum ciah chang-am, “Kahta, kä na ng’ä vai, na katnak cu ning k’phiawn pyii nei,” cik ci.

MAKUH 9:25

A pei ah chang gui dawng law u sei, Bawipa Jesuh naw hmu gui netah, “Ang ne pang ciah khoshe, tuhbäi ak hmaw ungka lut law ne a hei ah na hteh vai, a i yah ung phi kä na ng’et-en law ba vai, kei naw ka ning k’täm ci nei” cine khoshe cu k’täm ci.

MATTHE 8:33

Vawk shäm ci gui cu gawnu kyong ah dawng ba u netah, khoshe ah kai ah chang goi ah mawng la ami hmuh nüng avan cu pyein ne ngak ci gui.

MATTHE 8:15

Bawipa naw cun ah hnumi ah kut cu tawn khätah, ani cu acun vai-am gai ba ne, Bawipa Jesuh cu khin nak ci.

LUKA 4:41

Khoshe gui cu chang gui ungka lut law yawp u netah, “nang cu Khanpughi ah Htapa ah na kyak ci nei” cine ng’shäu u ne dawng yawp ci gui. Bawipa Jesuh Messiah ah a kyak cu khoshe gui naw hmat ci gui ah kiasei, acun ah mawng kä ami pyein vai ah m’cäi gui ci.

LUKA 13:12

Ani cu ak khei ng’khun sei kä yäih ba hlawt ci. Bawipa Jesuh naw cun ah hnumi cu hmu netah, a pei ah khü ne, “hnumi aw, na gaw nak maih pyi ci nei” ci netah