MATTHE 8:14 - Cho Bible Common Language 2016

¹⁴ Bawipa Jesuh cu Peter ah im ah hteit netah, Peter ah kawinu gaw ne ih phak ung ng’yän sei hmuk ci.

MATTHE 8:14 Referans Kwoze

1 KORIN 9:5

Peter la Bawipa ah nau gui ni, ang düihpüi m’shah gui ni ah mäih ah kei cu ka htehhtawn nak ah ka k’chu ka khahpüi hning ciah kä kya ne ang?

MATTHE 17:25

Peter naw, “Ä! Pek ci nei,” cine pyein ci. Cun kawn ah Peter cu kyong ah va lut ba khätah Bawipa Jesuh naw, “Simon, nang naw a i ah nei na ngaih, m’dek khan ghangpughang gui naw, ami mät ah kho chang gui-am ang a khawn ami m’cun sak; a kho hei ah kaa om tuk ciah chang gui-am ang a khawn ami m’cun sak?” cine ma ne ng’shik ci.

HEBRU 13:4

Chungla nak cu chang avan naw a htingling ah ang ngaih vai nei, Chu la cei cu tumat la tumat bekhüt ne ani om vai. Khanpughi naw cheishoh ci la hlawhlang ciah chang gui cu yuk m’khoichaa gui khai nei.

1 TIMOTHI 4:3

Cun ah chang gui naw, käng chung la vai, ei amshah cu hlawi vai, ciah m’theithang ci gui. Cun ung phi yum ne Thu düng hmat ciah chang gui naw, m’hlüngtai ne taigü u netah, cun ah ei cu ami ei vai ah Khanpughi naw a tüi pyan ah kyak ci.

1 TIMOTHI 3:2

Krithabum ung tahnga ciah chang cu, m’kat vai ah kä om khai, tumat bäng chu nak khai, ciimvai lunglang khai, htingling khai, a om ih ni kyom khai, khin chang m’htei khai; m’theithang thei khai;

MATTHE 8:20

Bawipa Jesuh naw, “Sa-ui cu a khui om ne, kha cu ang bu om ci, cun ung phi chang ah Htapa cu ang düm nak vai a i kä om ci,” ci ne pyen nak ci.

MATTHE 8:15

Bawipa naw cun ah hnumi ah kut cu tawn khätah, ani cu acun vai-am gai ba ne, Bawipa Jesuh cu khin nak ci.