MATTHE 7:7 - Cho Bible Common Language 2016

⁷ ‘Ng’yoi vä nami gah khai, shui vä nami hmuk khai, kshoh cu khäk vä ning hmawn pe gui khai.

MATTHE 7:7 Referans Kwoze

MATTHE 21:22

Nangmi naw yum nak awn nami yoih ung nami yoih phung cu nami gah khai nei” cine pyein ci.

1 JOHAN 3:22

Mikmi cu ang thukhän läk ne, ang yak hlü ah mi bilo ci kya ne, ani ah mi ng’yoih thäh phung cu mi gah ci.

JOHAN 15:7

Nangmi cu kei ung om uk ci sei, kei ah ng’thu cu nangmi ung a om ah a kyak ung, nangmi naw nami ng’yoih hlü phung ng’yoi ne nami gah khai.

MAKUH 11:24

Cun ah kyasei kei naw ka ning m’thein gui cu,’ Taigü ne kami ng’yoih cu, kami gah ci, ciah nami yum vai, cun ung nami ng’yoih phung nami gah khai.

JEREMIAH 33:3

“Na khü vä, ka ning m’shang gui khai; nangmi naw kä nami hmat ah cäicat vai ah chüula ciah amawng cu ka ning m’thein gui khai.

MATTHE 6:33

Khanpughi ah uknak kho la ang düng nak cu akhtük bäih ah nami shui vai, cun kawn ah a päng avan cu ning pe gui khai.

MATTHE 7:8

Ng’yoi ci naw gah ci, shui ci naw hmuk ci, kshoh khäk ci phi hmawn pek ci.

JOHAN 15:16

Nangmi naw kei kä nami na ghü ci, nangmi hteit ne akda ah m’theih ne ang tak ah nami vui vai ah kei naw ghü ne ka ning m’düih gui ci. Cun ah kyasei kei ah ming awn nami ng’yoih phung cu Kapa naw ning pe gui khai.

HEBRU 11:6

Zum nak kä om ci naw Khanpughi kä yei nak ci. Khanpughi om ci, cine Khanpughi shui ci naw m’cümhnah nak gah ci.

NG'THU K'THUUK~ 8:17

Na m’hni cicu ka m’hni ci: Na shui ci phung naw na hmuk khai.

SAM 10:17

O Bawipa, ng’neim ci gui ah taigü cu na ngai khai nei; Nang naw thamah nak na pe gui khai.

JOHAN 4:10

Bawipa Jesuh naw, “Nang naw Khanpughi ah m’gein nak la, tuhbäi tui ning ng’yoi cicu na hmat vai sü ung, ani ah ghin tui gei cu nang yoi khai sü te, ani naw phi cun ah tui cu ning pek khai süte” cik ci.

MATTHE 18:19

“Kei naw akcang ka pyein cu khomdek khan ung chang hnih hta naw phi yum ne, a täng ah nami taigü ung khankho ah om ciah Kapa naw nami ng’yoih phung cu ning pe gui khai.

AMOS 5:4

Bawipa naw Israel chang gui am, “Kei ah law vä, nami ghing khai.

JAMES 5:15

Cun ah yum nak awn taigü nak naw ak gaw cu gai sak khai nei, Bawipa naw gaigawng nak cu yuk pe ne, a cheishoh nak gui phi m’geinsei khai nei.

SAM 27:8

Nang naw, “Law ne na khawihnah ä” na ci ung “Ka lawk khai nei, Bawipa” cine ka ning m’shang ci.

LUKA 18:1

Cun kawn ah Bawipa Jesuh naw, ang düihpüi gui-am, kä kya düt en ne angtäi ah ami taigü vai ah, m’tumtäng ne m’thei gui ci.

MATTHE 7:11

Nangmi chang kaa gui hngaw naw nami hta gui-am ak ni peit vai nami hmat ung, khankho ah om ciah nami Pa naw, ama ah ng’yoi lawk ciah chang gui-am ak ni pi gui cu pek khai ah kä kya ne ang?

SAM 50:15

Khüikha nak a gawk law ung na khü vä; kei naw ka ning hun gui khai, nangmi naw nami na m’taam khai.”

SOLOMON NG’Ä~ 3:2

Kei naw mang gaw pum ung ng’vaak ne, lam cawh lam hta gui yung ah, kei naw ka m’hni tumat cu ka shui ci. Kei naw ka shui ci, cun ung phi kä ka hmuk ci.

ROMAN 2:7

Ak ni ah om ne, bämang nak, m’kümtou nak la sih nak kä om ciah ghin nak shui ciah chang gui am, Khanpughi naw angtäi ghin nak cu pek khai.

SAM 119:12

O Bawipa, ka ning m’tam ci nei; Na lam gui cu na m’thei ä.

SAM 86:5

Nang cu na nik ci, na na m’gein sei gui ci, nang ah taigü ci van ah khan ah na m’hni nak akbe om ci.

SAM 70:4

Nang ah lawk ciah chang avan cu yeikyai ne lünlawi u sä. Na hun nak ah hmawk ah ning m’taam ciah chang avan naw, angtäi sei, “Khanpughi cu küikyang aih ci nei” ci u sä.

SAM 69:32

Ami shedam nak gui naw cun cu ami hmuh ung yei khai gui; Khanpughi khawihnah ci gui cu ami thagui be khai nei.

1 GHANGPUGHANG GUI 3:5

A cu mü ang mang ung Bawipa cu ng’dang law neta ani cu ng’shik ci, “Kei naw a i ka ning pek vai ang na ng’yak hlü?”

SAM 10:4

Changshe naw Bawipa cu a i ah kä sui ci; Chang ah ng’shei u ne, Khanpughi kä hlü ciah ngai ci.

ROMAN 3:11

Akcang ah hmuhmat ciah chang tumat phi kä om ci, Khanpughi khawihnah ciah chang tumat phi kä om ci.

LUKA 13:25

Im ah naw choh khai sei, nangmi akpung ah nami om khai. Nangmi naw choh hei khäk ne, “Im mah aw, choh na ak hmawn tu gui ä,” ci ne nami kyak ung phi im mah naw, “Nangmi a hawi kaa nak mi lawk ci ang? Kä ka ning hmat gui ci nei” cik khai.

SAM 34:4

Bawipa ah taigü ngä sei, ani naw nam shang ci; ka kyihkyawk nak gui ung na m’hlawt ci.

SAM 37:4

Yeikyai nak cu Bawipa ung shui vä, Ani naw nami m’lung ah ng’yak hlü cu ning pe gui khai.

ISAIAH 30:19

Nangmi Jerusalem ung om ciah chang gui kä nami kyap ba khai. Bawipa naw ning geng khen gui ci, aning m’htei gui vai ah nami kyah ung ning m’shang gui khai nei.

ATÜNNAK 26:32

A cu hnüüp ung Isaak ah chang gui cu law u ne, tui shawk ne tui ami hmuh ah mawng cu pyen lawk ci gui.