MATTHE 7:29 - Cho Bible Common Language 2016

²⁹ A i ah kyasei ci ung ani naw thukhän saya gui ah mäih düt ah kä kyak ciah ah huham mah ne am theithang ah hmawk ah kyak ci.

MATTHE 7:29 Referans Kwoze

LUKA 20:8

Cun ci u khätah, Bawipa Jesuh naw, “Shin ah kabi gui cu a u naw na bi sak sei kabi ah kei naw phi kä ka ning m’thein gui khai” cik ci.

ISAIAH 50:4

Uktu Bawipa naw a i pyen vai cu nam’thei ci, Cun ah kyasei cümbawng ci cu kei naw k’tha ka pe hning ci. Ani naw ana m’theithang cu ngaih ng’yak vai ah, akhongawi tä sei na ng’dawt ng’cham sak ci.

LAMKTU 6:10

Cun ung phi Stephen cu Mumcha Theing ah peit ah hmuh hmat nak awn ng’thu ci kiah neh käm hlan tu ba hlawt ci gui.

LUKA 21:15

A i ah kyasei ci ung nami gaa naw kä a ning m’khüt gui vai ah hmuhmat nak la ng’thu m’gawng thei nak cu ka ning pe gui khai.

MATTHE 28:18

Bawipa Jesuh cu ang düihpüi gui ah pei ah law netah, “Khankho la khomdek ung huham nak avan cu kei naw ka gah pyi ci nei,

MATTHE 5:44

Cun ung phi nami gaa nami m’hni vai, ning shedam nah gui ci nami taigü peit vai, ciah kei naw ka pyein ci.

MATTHE 5:32

Cun ung phi chang tumat naw akchu cu, a hei awn akat nak kä om ciah ang chaa püi ah a kyak ung akchu ah khan ah katnak bik ciah kyak ci. Acun ah hnumi chu na tu ba ci cun phi, chang ah chu kat püi ciah kyak ci’ cicu ka ning m’thein gui ci.

MATTHE 5:28

Cun ung phi tuhbäi kei ah pyein cu, “Ng’yak nak hlü ah m’lung awn hnumi tumat cu nami teng ah a kyak ung, nami m’lung kyong ah acun ah hnumi awn katnak nami bi pyii ci.

MATTHE 5:20

Kei naw akcang ka pyein cu, Khanpughi ah ang yak hlü ah om nak ung, Pharisee gui la thukhän saya gui ah mä, kä nami bä pi ah a kyak ung khankho ah kä nami gawk hlawt khai.

MIKHAH 3:8

Cun ung phi kei cu Bawipa naw a mümcha la ahuham awn nakbe ne, taga nak ah mawng la Israel gui ah katnak m’thein nak gui vai ah thagui na pek ci.

THUSHÄUTU 8:4

Ghangpughang cu a huham awn hnüntho ci, ani ah bi lawh cu, a u naw kä ng’shi thäh hning ci.

MATTHE 7:28

Cun ah Bawipa Jesuh naw ng’thu a pyein kawn ah, chang gui cu ani ah m’theithang ah hmawk ah cäicat ci gui.

MATTHE 8:1

Bawipa Jesuh cu m’htung khan ah kaa kyum law ba khätah, chang khli naw läk lawk ci gui.