MATTHE 7:28 - Cho Bible Common Language 2016

²⁸ Cun ah Bawipa Jesuh naw ng’thu a pyein kawn ah, chang gui cu ani ah m’theithang ah hmawk ah cäicat ci gui.

MATTHE 7:28 Referans Kwoze

LUKA 4:32

Bawipa Jesuh ah ang thu k’aw cu huham ah aih khätah chang gui cu cäi ci gui.

MAKUH 1:22

Bawipa Jesuh naw thukhän saya gui ah mäih ah kä kyak ciah, m’gäi ciah chang ah mäih ah m’theithang gui ci. Cun ah kyasei chang gui cu ang htei ah cäicat ci gui.

JOHAN 7:46

Gakap gui naw, “A u chang naw phi shin ah chang ah mäih ah ng’thu kä pyein man ci nei” cik ci gui.

MAKUH 6:2

Kyin hnüüp ung Bawipa Jesuh naw pum im ah hteit ne m’theithang gui ci. Cun ah am theithang gui cu ng’ya u netah chang gui cu cäicat u ne, “Shin ah chang naw shin ah hmuhmat nak a hawi kaa ang a gah? Ani ah hmuhmat nak cu a i hmuhmat nak ang? Cäi-aih vai gui mä a i hawkcha ah am dang hning ang?

LUKA 4:22

Chang gui naw ani cu m’tamkhah u ne, ang thu pyein cun phi ngaihtüh u netah, “Ani cu Josef ah hta ah kä kya ne ang?” ci ne kyak ci gui.

JOHAN 7:15

Jew chang ng’vai gui cu ang htei ah cäicat u netah, “A hawi ah phi kä ng’theithang man ci naw, a i hawk chaa ah shin gui a hmat ang” cik ci gui.

MATTHE 22:33

Cun ah am theithang cu chang gui naw ng’ya u netah, ang htei ah cäicat ci gui.

LUKA 19:48

Cun ung phi chang akda naw Bawipa Jesuh ah ng’thu cu, aktung ah ngai ci gui kyasei, a i chaa ah ngawn vai cicu kä hmat ci gui.

MAKUH 11:18

Taigü ng’vai gui la thukhän saya gui naw, acun a ci cu ng’ya u netah, Bawipa Jesuh ngawn nak vai ah lam cu shui ci gui. Chang gui naw cun ah am theithang gui cu cäicat ne ngai khit u netah Bawipa Jesuh cu kyihkyawk ci gui.

MATTHE 26:1

Bawipa Jesuh naw cun ah am theitang gui kawn ah ang düihpüi gui-am,

MATTHE 11:1

Bawipa Jesuh naw cun ah ang düihpüi gha-lei-goi cu m’cäi gui netah, acun ah kho pei yung pigaw gui ah ng’thu pyein ne m’theithang gui khai ah hteit ci.

SAM 45:2

Nang cu na kyom pi bäih ci, na ng’thu thei pi bäih ci. Khanpughi naw angtäi sei hriham ning pek ci.

MATTHE 19:1

Bawipa Jesuh cu cun ah thu a pyein yawp kawn ah Kalile kho ung kaa naw, Jordan tuinu ah vang gaa Judea kho ah hteit ci.

MATTHE 7:27

Khokhe aa ne, tuinu ng’güt ne, puikho khi ne ang tum law ung, cun ah im cu ng’gäi ne maih ci. Cun ah im adi-dam nak cu nui aih aih ci nei!”

MATTHE 7:29

A i ah kyasei ci ung ani naw thukhän saya gui ah mäih düt ah kä kyak ciah ah huham mah ne am theithang ah hmawk ah kyak ci.

LUKA 2:47

Ani ah hmuhmat nak la ang thu gui ng’yak ciah chang gui cu ang htei ah cäicat ci gui.

LUKA 7:1

Bawipa Jesuh cu cun ah chang gui am cäi guikawn ah Kapernaum ah hteit ba ci.