MATTHE 7:22 - Cho Bible Common Language 2016

²² M’khoichaa nak ah hnüüp a gawk law ung chang akda naw, ‘Bawipa, Bawipa, nang ah ming awn Khanpughi ah ng’thu cu ka pyein ci nei, nang ah ming awn khoshe khogam phi kami ktäm ci nei, nang ah ming awn cäi aih gui vai phi kami m’dang ci nei, cine kyak khai gui.

MATTHE 7:22 Referans Kwoze

2 TIMOTHI 1:12

Acun ah mawng ung kei cu geinvai nak ka gah ciah kyak ci. Cun ung phi kei ung lung üp nak akbe ah om lä ci. A i ah kyasei ci ung kei a u ung kang ap cu ka hmat ci, kei naw ka ap gui cu ak hnu bäih ah Hnüüp güt ung kut shum khai ci cun phi, kei naw akcang ah ka hmat ci.

2 TIMOTHI 4:8

Tuhbäi ung Khanpughi ung düng ciah chang gui am ap vai ah näng nak lukhu naw kei cu na ngäng ci nei. Cun cu düng nak awn m’khoichak ciah Bawipa naw, m’khoichaa nak Hnüüp ung kei am na ap khai nei. Kei bäng ah kä kyak ciah, Bawipa a kyum law ba m’hni ne ngäng ciah chang gui phung am, cun na lukhu cu ap gui khai nei.

JOHAN 11:51

(Cun aci cu ani amät ah ngaih düt ah a pyein ah kä kyak ci, ani cu acu kum taigütung ah kyak ciah kya ne, Jew chang avan ah hmawk ah Bawipa Jesuh asih vai ah mawng la,

KHEI NAK 24:4

Khanpughi ah ng’thu pyen ng’ya hning ciah chang ah kyak ciah mik awn yeikyai nak ka hmuk ci. A hlüngtai säih Khanpughi ungka muimang ah kyak ci.

1 THESSALONIAN 5:4

Cun ung phi phäi nau gui aw, nangmi cu hmüp khui ung nami om ba ciah kä kyasei, cun ah hnüüp cu m’guk-ei ah mäih ah nangmi ah kä gawk lawk khai nei.

LUKA 10:12

Kei naw akcang ka pyein cu, m’khoichaa nak ah hnüüp ung cun ah gawnu cu Sodom gawnu ah mä she tu ba khai nei.

MATTHE 25:11

Hmuhmat nak kä om ciah ng’lamihta gui cun phi gawk law ba u ne, ‘Saya, saya, shoh nak hmawn tu gui vä,’ cine ng’khü ci gui.

MATTHE 24:36

“Cun ung phi cun ah hnüüp lacun ah akhin cu a u naw kä hmat ci. Khankho chang naw phi kä hmat ci, A Htapa naw phi kä hmat ci, Pa Khanpughi bäng naw hmat ci.

MATTHE 7:21

‘Bawipa, Bawipa,’ cine na khü ciah chang van düt, khankho ah kä lut hlawt khai, khankho ah om ciah ka Pa ah ang yak hlü ah om ciah chang bäng vah gawk hlawt khai.

ISAIAH 2:17

Chang k’am nak gui cu ng’pyi ne, chang ah ng’shei nak gui cu di yawp khai. A cu hnüüp ung a gup gui cu api ah phi kä ng’dang ba khai gui, Bawipa amät bäng m’hlüng tai nak om khai.

ISAIAH 2:11

Chang k’om nak ah khin ang pyi nak vai la chang ah ng’shei nak a dishum nak vai aha hnüüp cu gawk lawk ci nei. Bawipa amät bäng cu m’hlüngtai nak om khai net.

2 TIMOTHI 1:18

Ephasus gawnu ah ani naw kei a i hlawk ah anam htei cu nang naw na hmat ci nei. Cun ah Hnüüp ung ani ah khan ah Bawipa ah chimgein nak om sä.

2 THESSALONIAN 1:10

Cun gui cu ak chang gui ah m’hlüngtai nak la yum ciah chang gui ah m’tamkhah nak gah khai ah a kyum law nak ah kho Hnüüp ung ah kiak khai. Nangmi cun phi keimi ah ning m’thein gui ah ng’thu nami yum ci kyasei, cun ah Hnüüp ung Bawipa cu nami m’hlüngtai m’tamkhah tuk khai.

MATTHE 10:15

Kei naw akcang ka pyein cu, m’khoichaa nak ah hnüüp ung cun ah pigaw gui cu, Sodom la Komorrah ah tah nui pi ciah m’shet nak cu hmuk khai nei.

KHEI NAK 31:8

Midian ghangpughang sing hma phi ngawn ci gui, cun gui cu: Evi, Rekem, Zura, Hura la Reba ah kya ci. Ngami naw Beor ah hta Balaam phi ngawn ci gui.