MATTHE 7:2 - Cho Bible Common Language 2016

² Chang nami m’khoi chaa ah mäih ah Khanpughi naw ning m’khoi chaa gui khai. Chang nami m’khoi chaa nak ung nami bi ah mäih ah Khanpughi naw nami khan ah bi bik khai.

MATTHE 7:2 Referans Kwoze

JAMES 2:13

Chimgein nak kä om te ciah chang ah khan ah, Khanpughi naw m’khoichaa nak abi hnüüp ung, chimgein nak kä m’dang khai nei, Cun ung phi m’khoichaa nak ah khan ah chimgein nak ah m’khütnäng nak om ci nei.

MAKUH 4:24

Cun kawn ah bawipa Jesuh naw, “Nami ng’yak cu ng’htei khai ah ngai vä! Nangmi naw chang-am nän ne nami peit nak ung, Khanpughi naw nangmi-am nän ne ning pe ba gui khai; Cun ah däm pi khai ah phi nän ne ning k’bäi pe gui khai.

LUKA 6:38

Chang-am nami peit vai, cun ung Khanpughi naw ning pe ba gui khai. Det ne, khuk ne, m’htung chah ne nami peit ung, acun ah nami gah ba khai. Nän ne chang-am nami peit nak ung, Khanpughi naw nän ne ning pe ba gui khai” cine m’cäi gui ci.

OBADIAH 1:15

“Kei, Bawipa naw pakhui avan ka m’khoicha nak vai ah a khin cu ng’et lawk ci nei. Edom, na bi gui phung cu nang ah khan ah bi ba vai nei. Na pek ah mäih ah na gah ba khai nei.

THU PHLAAN 18:6

Ngami ah khan ah abi ah mäih ah, Ani ah khan ah bi tu ba vä; Ani ah bi ah mä goi khai ah, Ani ah khan ah phu tu ba vä; Nangmi ah hmawk ah a ning pyan peit gui ah mä, a goi ah kha pi khai ah a khap cu pyan pe vä.

2 KORIN 9:6

M’shi api geit ci naw geit api khäm ba khai, m’shi akdäm geit ci naw, geit akdäm khäm ba khai! cicu nami hmat vai nei.

SUKI GUI 1:7

Adonibezek naw, “ghangpughang chih kip, ami kutnu la ami khawnu ka m’chün gui cu, ka tawnglang ka ah ei k’bok kawk ne om ci gui nei. Ngami ah khan ah kei naw ka bi ah mäih ah kei ah khan ah khanpughi naw tuhbäi bik ci nei,” cik ci. Ani cu Jerusalem ah hteh püi u sei a cu ah sik ci.

JEREMIAH 51:24

Bawipa naw pyen ci, “Babilonia la achang gui naw Jerusalem ah khan ah ami bi ah akshe gui avan ah phäh ah kei naw ka pek ba gui cu nangmi naw nami hmuk khai.

1 SAMUEL 15:33

Samuela naw, “Nang ah na khim naw nu nu akda cu a hta kaa ah kyak sak ci, cun ah kyasei, tuhbäi na nu cu a hta ah kyak khai nei” cik ci. Ani naw Gilgal sonkyang ma ah Agag cu tupit pit ci.

SAM 109:17

Ani cu ng’plah hlük ci kya sei, ani cu phlah u sä! Hriham pek vai thüi nak ci kya sei, a u naw hriham kä pe-en sä!

ISAIAH 33:1

Kami ga gui cu ng’ziin ci gui nei! Ngami cu guttep u ne kä bekhüt ci gui, cun ung phi ngami guttep gui ne, ngami ung kä bekhüt ci a u kä om ci. Cung phi ami guttep nak la kä ami bekhüt nak cu ng’pyi lawk khai nei, cun kawn ah ngami cu chang naw a guttep gui, chang naw kä abekhüt nak gui ah baawi ah kyak khai gui nei.

JEREMIAH 34:17

Cun ah ki asei tuhbäi, kei Bawipa naw ka pyen cu, nangmi naw kä nami na ngai ci, nangmi naw nami Israel paw gui ami phiawn nak vai kä nami pek ci. Ak bä ah kei naw phiawn nak ka ning pe gui khai; cun cu phyawng ne ng’tuk nak gawpyam nak, ei cawi nak ung sih nak ah kyak ci nangmi ah khan ah ka bi nak awn khomdek khan ah chong pakhui nei kyikyawk khai ah ka bik khai.

MATTHE 6:14

‘Nami khan ah katnak bi lawk ci phung nami m’gein ung khankho ah om ciah nami Pa naw nami katnak cu ning m’gein gui khai.

PHYAWN NAK 21:24

mik ah phäh ah mik, ha ah phäh ah ha, kut ah phäh ah kut, khaw ah phäh ah khaw,

SUKI GUI 5:27

Ani cu ng’lat ne am khuk ung kyuk ci, A khaw pei ah kyuk ne ng’yän ci, Ani cu a khaw pei ah ng’lat ne, kyuk ci; Ani cu m’dek ung kyu ne sik ci.

2 SAMUEL 21:5

Ngami naw, “Saul naw na m’di gui hlük ci, Israel khaw a hawi ah phi kami ghin tuba vai ah kä na nawng gui ci.