MATTHE 7:16 - Cho Bible Common Language 2016

¹⁶ Ngahmi cu hleeihlak ciah profet ah ami kyak ah mawng cu, ami bilawh awn nami hmat khai. Ng’hling shun ung sapyit kä m’theih man ci, ng’hling ghing ung k’thei phi kä m’theih man ci.

MATTHE 7:16 Referans Kwoze

JAMES 3:12

K’thei cu m’kaang ah m’theih man ne ang? K’htui cu k’thei ah m’theih man ne ang? Acun ah mäih ah tui kha ah khawng ung tui k’tui kä lut lawk ci nei.

MATTHE 12:33

‘Ak theih ak ni ng’yak hlü ung a ghing ak ni geit vai, a ghing shek cicu ak she ah m’theih ci, ak theih awn a ghing ah mawng cu hmat vai kyak ci.

MATTHE 7:20

Cun ah kyasei hleeihlak ciah profet gui cu, ami mät ah bilawh awn nami hmat gui khai.

1 SAMUEL 24:13

Nang naw thu phyim na hmat ci, “Akshe cu changshe bäng naw bik ci! Cun ah kyasei kei naw kä ka ning bik khai.

NG'THU K'THUUK~ 20:11

Ak hmaw naw phi ani ah phah ah a i ah kya lawk ci, ani naw ai bik ci, cicu m’dang ci. Ani cu dung ne nik ciah a kyak ung, nang naw na hmuhmat hning ci.

KALATIAN 5:22

Cun ung phi Mumcha ah m’theih tak läi cu, m’hni nak, yeikyai nak, dimdeeih nak, hnimgei nak, ng’awi ng’gi nak, ni kyom nak, bekhüt nak;

JAMES 2:18

Cun ung phi chang tumat mat naw, “Chang tumat ung yum nak om ci, ahei tumat ung hnünthawh nak om ci,” cine, a kyak law ung, Kei naw “Hnünthawh nak kä om ciah yum nak cu nam hnuh vä, kei naw ka hnünthawh nak awn ka yum nak cu ka ning m’hnuh gui khai nei,” cine ka pyein khai.