MATTHE 6:7 - Cho Bible Common Language 2016

⁷ ‘Nami taigü ung Khanpughi kä yum ci gui ah taigü ah mäih ah lawmkaam düt ne kä nami taigü vai. Ngami cu aksho ang sau ah taigü ung gah vai ah ngai ci gui.

MATTHE 6:7 Referans Kwoze

THUSHÄUTU 5:7

A i chü na ng’mang a shet ung phi, a kholä ah kyak khai, a i chü na bi ung phi, a i chü ah na ng’thu ung phi, Khanpughi cu kyih aa ne na om vai.

MATTHE 26:44

Bawipa Jesuh cu cun kawn ah hteit ba mä ne acita ak taigü ah mäih ah ak thum-vai nak ah taigü ba mä ci.

MATTHE 6:32

(Khanpughi kä yum ci gui cu acun ah ng’ä ai ci gui nei.) Khankho ah om ciah nami Pa naw, cun gui nangmi naw nami ng’yak hlü cu avan hmat ci.

LAMKTU 19:34

Cun ung phi ani cu Judah chang ah kya ciah hmat u netah, “Ephesus ah kho hnumitha Artemis cu hlüngtai ci nei” cine nayi hnih vai ung a täng ah m’lau ci gui.

MATTHE 26:42

Bawipa Jesuh cu ang hnih vei nak ah hteit ba mä netah, “Oh Kapa shin ah yaica nak ah khap cu kei naw kä ka awk ung käng phlän khai ah a kyak ung, nang ah ng’yak hlü ah kyak sä,” cine taigü ci.

MATTHE 26:39

Cun kawn ah ama lam ah api vang nawn ne, khomdek ung ng’bawk netah, “Oh, Kapa bäpi khai a kyak ung shin ah yaica nak ah khap cu na hen pe ba ä, cun ung phi kei ah ng’yak hlü ah kä kyak ci, na mät ah ng’yak hlü ah kya sä,” cine taigü ci.

MATTHE 18:17

Ngami ah thu mä kä ang ngaih ah a kyak ung, a mawng ama avan pyein ne pum im ung nami ap vai. Cun ung phi m’cäi kä ang ngaih ah a kyak ung, ak hnu bäih ah Khanpughi kä yum ciah chang khawn look ciah chang ah mäih ah namik bäi vai.